اول عربيه اشتريها

[abdelrahman.88]

فى عربيه معروضه عليا فيات 128 مو 89 مغيره نص و الراجل الى معاه العربيه مشتريها و مظبطها من الالف الى الي الياء فانا دلوقتى مكملتش الكلام معاه و عايز اعرف السعر بتاعها ايه اخباره يعنى اوله كام و اخره كام فى الفلوس علشان اعرف اتفق معاه

[hardmind_doc]

حدد ميزانيتك الاول وعلى اساسها تختار العربية وان كنت شايف تغيير النص ده عيب جوهرى جدا فى الامان اولا وفى البيع ثانيا حتى لو العربية مافيهاش الهوا

[J A G U A R]

صحيح

لو العربيه معموله صح وأحسن من غيرها كمان بس حكايه مغيره نص دى تعيبها فى السوق المصرى

[م/أحمد عبد الفتاح]

فعلاً أنا مع الأراء السابقة بإن تغيير النص ده يعيب العربية مدى الحياه ..... دلوقتى ممكن تكون العربية ماشية معقول بس ممكن قوى شوية عيوب تظهر مع إستخدامك للعربية فى المستقبل القريب زى تاكل الكاوتش من ناحية واحدة وفتح الشاسية من قدام ومشاكل زوايا مزمنة ..... إلخ
إبعد عن الشر وغنيله

[Omar Mahmoud]

ابعد عنها
لو النص الامامي و اكتشفوها و انت بترخص فيها سجن
غير الامان، عربية مغيرة نص سواء امامي او خلفي مش آمنة

[abdelrahman.88]

اولا انا متشكر جيدا للاساتذه الافاضل الى ردو عليا و ثانيا انا معايا ميزانيه لحد 30 الف جنيه و مش عارف اجيب ايه على اساس انها هاتبقى اول عربيه معايا و كل الناس بتنصح بال 128 بيقولوا انها عربيه كويسه ان الواحد يبتدى بيها و بما ان انا عضو جديدي فى المنتدي دا ياريت لو اى حد عنده اقتراح كويس ليا بنوع عربيه مصاريفه على اد الايد و مريحه و فى حدود الميزانيه ديه او اقل كمان ياريت

[J A G U A R]

30 الف تجيب بيهم اكسيل مثلا او شاهين ب اقل من كده او لادا او ماروتى ودى بنصحك بيها ولو حبيت تبيع هتلاقى اللى يشترى

[ahmedelrayan]

اولا انا متشكر جيدا للاساتذه الافاضل الى ردو عليا و ثانيا انا معايا ميزانيه لحد 30 الف جنيه و مش عارف اجيب ايه على اساس انها هاتبقى اول عربيه معايا و كل الناس بتنصح بال 128 بيقولوا انها عربيه كويسه ان الواحد يبتدى بيها و بما ان انا عضو جديدي فى المنتدي دا ياريت لو اى حد عنده اقتراح كويس ليا بنوع عربيه مصاريفه على اد الايد و مريحه و فى حدود الميزانيه ديه او اقل كمان ياريت

انا برشحلك الكيا برايد

[Omar Mahmoud]

لو ميزانيتك 30 الف
خسارة تجيب 128
شاهين او اكسيل او كيا برايد احسن طبعا

[prosecutor]

انا كان معايا نفس المبلغ واشتريت سوزوكى سويفت ب29 الف عربية جميلة وناعمة بس عافشتها قى للطرق المبهدلة بتبقى صعبه وجربت الاسكودا فليشيا عربية جميلة وثابته بس خشنة فى سواقتها شوية وجربت الاكسل مره او اتنين بصراحة عربية جميله برده وكانت اول مره اتعلم فيها السواقة ال128 هتبهدلك بمعنى الكلمة وممكن تكره العربيات بسببها

[john55]

عتدك كيا برايد هاتش باك لو حالتها كويسه احسن مليون مره من 128 بلتوفيق

[م أحمد]

ال 128 اللى مع ناس علشان بيتعلمو عليها و بعد كدة يقلبوها عربية ؛ و اللى مع ناس بيركبوها كعربية بيتى على المدى الطويل عربية تانية خالص

الفارق بينهم هو الفارق بين الاهمال و العناية

و بعد كدة واحد يشترى عربية مهملة من جميع النواحى و يلوم عليها

مع احترامى للآراء السابقة لو مفيش عربية منهم مكيفة تبقى ال128 اولى كبنزين و قطع غيار و سهولة صيانة و اعادة بيع و ابعد نهائيا عن موضوع النصين دا تماما

ال128 التمام فى اوائل العشرينات و ما دام ميزانيتك تسمح هات عربية مكيفة و تكييفها شغال بكفاءة مش يقولك محتاج شحن و هشحنو على حسابى و الكلام دا و المبلغ اللى معاك يجيب فيات تمبرا

عربية مكيفة و قوية وواسعة وثابتة ....عربية مقاولين يعنى بس قطع غيارها غالية شوية و لذلك اكشف عليها لو فكرت تجيبها كويس