دوجان و جوان وش سلندر

[Fish_Hunter]

السلام عليكم
انا احمد صبري معايا عربية Shahin ((دوجان)) موديل 96 1.6
جايبها من 3 سنوات مكنتش عملت سيرفيس اول ما جبتها و الراجل كان قايلي انه عامله فقولت هعمله بعدين . جيت لاقيت و انا ماشي العربية بطلت و بصيت لاقيت سير الكاتينة انقطع .. عمل مشاكل في الصبابات و غيرتها و الحمد لله .. بعدها في صوت نقر بصيت مش عاير يروح بس الميكانيكي قالي عادي ....
و بعدها بشوية غيرت جوان وش سلندر .. و الحمد لله بقت تمام و بقرص و بجري و كل حاجة زي الفل >>

بعدين بحوالي شهر ضرب تاني و بعدها ب 5 شهور ضرب و بعدها ب 3 شهور ضرب بقى مثلا كل شهرين يضرب و مرة ضرب في الشهر مرتين و بغيرة ساعات بقشط و ساعات من غير قشط و ساعات بركب اتنين و ساعات بركب واحد كده و الحمد لله بتبقى ماشية
بس انا زهقت كل شوية مصاريف ؟ و بعدين هي داخلة في طقم شمبر دلوقتي و بلية الدبررياج صوتها عالي جدا لما ادوس دبرياج صوت يوطى
ارجو منكم حل للجوان + اي نصائح عامة اعملها في العربية
+ لو في ميكانيكي كويس في منطقة حلوان و المعادي
دلوني عليه بالله عليكم لاني بتعامل مع واحد كويس ما شاء الله بس انا حاسيت في الآخر انه بيشتغلني

[Abo_Mazen]

حضرتك بتتكلم عن جوان وش السلندر ده وتغييره كأنك بتتكلم عن سير دينامو مثلا ولا فلتر زيت ..جوان وش سلندر إيه اللي بيركب مره بقشط ومره من غير ..ومره جوانين ومره من غير ..معلش آسف في الكلمه ..إيه العك والعجين اللي حضرتك بتحكي فيه ده ..وبعدين غيرته مرتين في الشهر في مره من ذوات المرات ..إيه يا سيدي الفاضل ده ..باشا ..وش السلندر لو تلفلك الجوان بدون سبب مادي واضح ملموس ..يعني من الاخر كده .. لما تفك وش السلندر تلاقي الجوان سليم وبصحته كده ومفيش حاجه في مقطوعه أو محروق أو محمص ..يبقى علطول كده تغير الوش ..وتجيب وش إستيراد ..حضرتك شغال قشط في الوش ومره جوانين ومره جوان لما واضح إن وش السلندر عندك فقط ملامحه الأساسيه ..مش عارف ليه متهيألي إن وش السلندر عندك تحول لقطعة أنتيمونيا ملهاش أي ملامح ..معلش اللي بيكلمك ده عايش في حوارات وش السلندر دي بقالي سنة ونص ..وكل ده بسبب ميكانيكي لا عنده ضمير ولا ذمة ..أنا رأي كده ..رقم واحد ..تجيب وش إستيراد ..وتشوف ميكانيكي عنده ضمير ..وتقفل الموضوع ده خالص وتخلص

[Fish_Hunter]

مشكور لردك :) علي سؤالي
بص يا صديقي و الله ساعات اركب جوان Double و ساعات اركب جوانين عادي و فعلا ساعات نفتح الميكانيكي يقولي عايز يتقشط و ساعات يقولي لا سليم .. هو دايما كان بيفتح من عند الجزء الخاص بالزيت .. دلوقتي فتح من عند مواسير المياه و دايما من عند البلوك التاني ؟
و هل فعلا ليه علاقة بحوار الصبابات و لا متعرفش ؟
و ميكانيكي كويس للشاهين تعرف تدلني عليه ؟

[Abo_Mazen]

يعني هو الميكانيكي البعيد اللي معندوش دم ولا ضمير ..لما وش كل شويه يفتح من ناحيه ..والجوان يطلع سليم ..هيبقى العيب جاي من فين ..؟؟...من الجوان برضه ؟؟!!..يعني هو مجاش في باله يقولك هات وش إستيراد ..بص ..أنا من إسكندرية ..عشان كده مش هقدر أدلك على ميكانيكي في القاهره لإني معرفش حاجه في القاهره أساسا ..لكن خبراء المنتدى هنا إن شاء الله هيكون ليهم مقترحات بحد كويس ...عموما ..الميكانيكي اللي يعمل الزبون شغلته عشان ياكل من وراه عيش وميقولوش يعمل إيه عشان يحل مشكلته ..يبقى حسبي الله ونعم الوكيل فيه هو وأمثاله

[Fish_Hunter]

يعني هو الميكانيكي البعيد اللي معندوش دم ولا ضمير ..لما وش كل شويه يفتح من ناحيه ..والجوان يطلع سليم ..هيبقى العيب جاي من فين ..؟؟...من الجوان برضه ؟؟!!..يعني هو مجاش في باله يقولك هات وش إستيراد ..بص ..أنا من إسكندرية ..عشان كده مش هقدر أدلك على ميكانيكي في القاهره لإني معرفش حاجه في القاهره أساسا ..لكن خبراء المنتدى هنا إن شاء الله هيكون ليهم مقترحات بحد كويس ...عموما ..الميكانيكي اللي يعمل الزبون شغلته عشان ياكل من وراه عيش وميقولوش يعمل إيه عشان يحل مشكلته ..يبقى حسبي الله ونعم الوكيل فيه هو وأمثاله

مشكور يا رياسة و الله و مستني حد يفيدني بميكانيكي كويس او مكان اجيب منه وش و سعره ..

[Ahmed.MT911]

معلش يعني انا اسف اني اقولك حرام الفلوس دي كلها علي موتور

كنت حضرتك غير المكنة خالص وجبت واحدة استيراد بدل العك بتاع الميكانيكة

انا غالبا بعمل كده علي طول لاني متأكد ان مفيش في مصر حد صناعيني كويس وعنده ضمير

كنت افضل ليك انك تجيب مكنة استيراد وتريح دماغك

[محاسب صعيدى]

متابع باهتمام لان الموضوع مهم
وللاسف الميكانيكية كلهم عك واستهبال

[Mecha]

لو كان بيقشط الوش والجوان يضرب يبا في تقفيع في البلوك .المتور كدا كدا طالع في عمرة ويقشط البلوك ,اعتقد الوش بعد القشط والحرق دا كلو لازم يتغير ,في البلوك هيغير او يخرط شميز وممكن بستم وقياس كرنك وطرمبة زيت وطرمبة ميه وغير مكانيكي الوش دا

[م أحمد]

العيب زى ما قال mecha فى البلوك نفسه مش فى الوش
الميكانيكى خبرته محدودة

[waley]

وش سلندر اتقشط اكتر من مرة يبقى تجيب واحد استيراد وتغيرله كاوتش صباب تغير الميكانيكى