ايه الفرق بين 128 الـ 1100 و 1300 سي سي

[أحمد كمال89]

السلام عليكم
كنت بادور على عربية 128 علشان أتعلم عليها السواقة وتكون أول عربية ليا، احنا أسرة صغيرة وتنقلاتنا مش كتيرة، مشوارين تلاتة متوسطين في الأسبوع، والسفر هايكون نادر. فأي الطرازين أنسب؟ 1100 ولا 1300 سي سي؟ وايه الفرق بينهما؟

[man1974]

الـ 1300 محرك أقوى من الـ 1100، رأيي خليك في الـ 1300 أفضل لأن 1100 هتبقى العربية ضعيفة معاك. ومفروض يكون سعر الـ 1300 أغلى لو العربيتين في نفس الحالة.

[adel_edrees]

الـ 1300 محرك أقوى من الـ 1100، رأيي خليك في الـ 1300 أفضل لأن 1100 هتبقى العربية ضعيفة معاك. ومفروض يكون سعر الـ 1300 أغلى لو العربيتين في نفس الحالة.

أولا الموتورين كتير على العربية بمعنى أن العربية خفيفة أهم حاجة و أنت بتدور على العربية 128 تكون الشاسيه من جوه فابريقة و دى نادرا ما حتلاقى عربية بالحالة دى ما تبصش على موتور و ألا عفشة لأن عفشتها جديدة 2000 جنيه و 1500 موتور أهم حاجة فى العربية دى الشاسيه و القوايم

[Abo_Mazen]

بص ..الفرق بين ال1300 و ال1100 في ال128 ..إن ال 1100 كان بينزل لغاية سنة 1988 وكان أربعه غيار بدون المارشدير..من سنة 1989 نزلت ال 1300 وبقت خمسه غيار بدون المارشدير..بالنسبه للشكل ..الإثنين نفس الشكل بالضبط ..باستثناء الأبواب ..إتشال منها الهوايات ..أو الشراعه زي ما في ناس بتسميها..ال128 كعربيه هي عباره عن حوض وشاسيه ..فعلا لو خدت عربيه وإتضحك عليك وطلعت عايزه مكنه مش هتزعل ..المكنه بتاعتها بالفتيس ب2500..ولو خدتها وطلعت عايزه عافشه في الكامل..برضه مش هتزعل ..عفشتها كووووولها شاكب راكب كده على بعضها كده ب1500 استعمال..لكن أهم حاجه الحوض ما يكنش فيه شغل اتعمل ..والشاسيه ما يكونش فاتح ..لإن ده عيب مشهور قوي في ال 128..غير كده حكاية المكنه ال1100 أو ال 1300 دي حاجه ترجعلك ..وخصوصا إن الفرق في السيسي مش كبير وخاصة في المكن ذو التقنيه القديمه زي مكن ال 128 الفرق ما بيكونش ظاهر قوي في الحدود دي ..فحص ال 128 سهل قوي .. صنايعية البلد سواء ميكانيكية أو سمكريه حافظينها زي إسمهم ..إرسى بس على حاجه كويسه وصنايعي كويس يبصلك عليها

[أحمد كمال89]

يعني لو حاجة 1100 سي سي موديل 88 فابريكة برة وجوة (بحسب كلام الإعلان) وفيها زجاج كهرباء وسنتر لوك وكاسيت وسماعات ورخصة 3 سنين وصاحبها طالب 17 ألف وأكيد فيه كلام، يبقى كده مناسب ولا السعر مبالغ فيه؟

[طارق _عبد السلام]

الفرق فى السعه اللتريه 1300 اشد شويه وبتلاقى البابين الاماميين من فير شراعه اماميه والكبوت بهوايه واحده مش اتنين

انا شايف ان الاقوى منها وانعم وتتفوق كتير الماذدا323 عربيه يابانى وركوبه افضل بكتير جدا ونفس رينج السعر تقريبا

[rotanamasoud]

يعني لو حاجة 1100 سي سي موديل 88 فابريكة برة وجوة (بحسب كلام الإعلان) وفيها زجاج كهرباء وسنتر لوك وكاسيت وسماعات ورخصة 3 سنين وصاحبها طالب 17 ألف وأكيد فيه كلام، يبقى كده مناسب ولا السعر مبالغ فيه؟

باينه الاشتغاله قوى هو فى 128 مرشتش بره

[أحمد كمال89]

باينه الاشتغاله قوى هو فى 128 مرشتش بره

أنا برضو حسيت كده

[أحمد كمال89]

الفرق فى السعه اللتريه 1300 اشد شويه وبتلاقى البابين الاماميين من فير شراعه اماميه والكبوت بهوايه واحده مش اتنين

انا شايف ان الاقوى منها وانعم وتتفوق كتير الماذدا323 عربيه يابانى وركوبه افضل بكتير جدا ونفس رينج السعر تقريبا

أنا عموما حاطط ميزانية في حدود 15 ألف ولسه هاتعلم عليها السواقة وتكون أول عربية ليا.. فايه هي أنسب عربية من وجهة نظرك؟