جوان وش سلندر

[sabrykamel]

السلام عليكم يا وحوش الفيات 128
عندى استفسار محتاج فيه لاجابتكم التفصيلية لانى مش عارف احدد
دلوقتى عندى المية فى الردياتير بتقل جدا و بتفضى من القربة لما العربية بتسخن و بتغلى و بالاقى المية كلها تحت العربية و هى سخنة
انا لسه مغير زيت امبارح و سألت الكل قال اما جوان او وش سلندر
هل فيه اى اعراض اعرف منها ن كان الجوان بس او الجوان ووش سلندر
ثانيا : ايه اخبار التكلفة فى كل حالة منهم و ايه المطلوب انى اشتريه و ايه افضل الانواع عشان مش حابب اخلى الميكانيكى يفك ميت مرة
ثالثا: ايه اهم النصايح اللى اخد بالى منها فى الموضوع دا بالمرة بما انى هاعمل دا
رابعا : هل ينفع امشى بيها بالوضع دا ولا بلاش افضل حتى لو مشوار قليل

اتمنى الرد سريعا

[Mecha]

الترموستات شيله ,المروحه دايره تمام؟؟؟
غطا الرداتير كويس وفين القربه
لو جوان ,شيل غطا الرتر وادي امبليه ,الهبو هيطلع

[sabrykamel]

المروحة بتشتغل لما العربية تسخن
غطا الردياتير تمام
غطا القربة بيطلع بخار (هل دا طبيعى و لا المفروض انها متسربش بخار )
(لو جوان ,شيل غطا الرتر وادي امبليه ,الهبو هيطلع) مش فاهم تقصد ايه ممكن الشرح

[sabrykamel]

تسلم يا غالى يا ابو ايهاب على الرد
18 واحد شافوا الموضوع مفيش حد رد منهم
هوة الموضوع دا عمره ما حصل لحد فيكم ولا ايه

[Zing0]

جوان السلندر ليه علامات (مش شرط كلها تظهر مع بعض, بتظهر بالتدريج حسب الحالة):
- مياة بتنقص بسرعة رهيبة
- عربية بتسخن و الأمبير بيعلم عالآخر بسرعة
- طحينة على غطا تزويد زيد المكنة
- طحينة على غطا الريداتير, و الريداتير فاضى مفيهوش مياة
- طبقة زيت فوق المياة اللى فى القربة
- مقياس الزيت علية طحينة بدل الزيت
- خروج مياة من الشاكمان بغزارة - مش مجرد رطوبة أو تعريق مياة, خاصة و العربية سخنه
- العربية مبرجلة طبعاً

كل ما تعالج أسرع يكون أفضل لإن لزوجة الزيت بتروح بسرعة مع المياة و الوش ممكن يقفع من السخونة
و فى أسوأ الأحوال لا قدر الله ممكن تبقى عمرة كاملة, ربنا يعافينا جميعاً

لازم الميكانيكى يقيس الوش بمسطرة معدن و يعدى و راها ورقة بفره (بتاعة السجاير) أو ورقة جورنال, أو يقيسها بكشاف و راء المسطرة و يشوف فيه ضوء باين و لا الوش مستوى. الكلام ده ضرورى جداً

لو الوش مش مستوى (مقفع) هتمسحه عالمخرطة بعد ما يقيس الوش بالبوكليس علشان يضبط مقاس الجوان.
عادة لو مسح هيركب جوانين فوق بعض او جوان دوبل (الجوانين أفضل لو أصلى و يدهن بينهم زيت موتور لإن الدوبل مصرى مش الأصلى طبعاً)
هيضبط تاكيهات و ممكن يحتاج يقرط عالوش بعد ما الجوان يطبع مكانه بعد يومين و ممكن لأ

التكلفة هتبقى فى حدود 250 - 300 "مصنعية و خامات"
الخامات هتبقى جوان سلندر بحوالى 40 ( و ممكن تحتاج 2 على حسب الحالة)
جوان مانفولد
جوانين فرن شاكمان 5 ج
متغيرش زيت ,لما المكنة تتصلح بإذن الله الزيت اللى فيها هيسخن و المياة اللى فيه هتتبخر و يرجع للونة الطبيعى بس حاول تنزلة بدرى شوية المرة دى.

أعانك الله

[م أحمد]

ميه بتنقط تحت العربية يبقى ثقب فى دورة التبريد
هات جركن مياه خضرا و املا المبرد و تتبع مكان التنقيط

لو كانت المياه بالكامل من القربة يبقى فى سدد فى دورة التربيد معطلاها تماما بتخلى المياه بتغلى بسرعة

إما سير طلمبة المياه مقطوع

إما جوان وش سلندر (تزود بنزين و هتشوف فقاقيع هواء داخل المبرد و غطاه مفتوح)

إما قطعة بارومة حديد داخل بلوك الموتور او داخل الوصلات معطلة الدنيا

إما كوعة مياه متنية و قافلة الدورة

[sabrykamel]

ميه بتنقط تحت العربية يبقى ثقب فى دورة التبريد
هات جركن مياه خضرا و املا المبرد و تتبع مكان التنقيط

لو كانت المياه بالكامل من القربة يبقى فى سدد فى دورة التربيد معطلاها تماما بتخلى المياه بتغلى بسرعة

إما سير طلمبة المياه مقطوع

إما جوان وش سلندر (تزود بنزين و هتشوف فقاقيع هواء داخل المبرد و غطاه مفتوح)

إما قطعة بارومة حديد داخل بلوك الموتور او داخل الوصلات معطلة الدنيا

إما كوعة مياه متنية و قافلة الدورة

اللى بيحصل انى باحس كانك دلقت المية من القربة كلها مرة واحدة فى الارض
مش مجرد نقط

[م أحمد]

غالبا الكوعة التحتانية متنية او مسدودة
او حديد دايب داخل البلوك

و ان شاء الله مالوش علاقة بالوش بس لو ما عالجتش الموضوع السخونة الشديدة تعمل مشاكل

عايزك برضه تشوف درجة حرارة الكوعة الفوقانية و التحتانية للمبرد وتجسها بايدك

لو لقيت واحدة سخنة و التانية باردة

بنسبة 100 % حاجة قافلة الدورة او الطلمبة مش بتقلب

[sabrykamel]

غالبا الكوعة التحتانية متنية او مسدودة
او حديد دايب داخل البلوك

و ان شاء الله مالوش علاقة بالوش بس لو ما عالجتش الموضوع السخونة الشديدة تعمل مشاكل

عايزك برضه تشوف درجة حرارة الكوعة الفوقانية و التحتانية للمبرد وتجسها بايدك

لو لقيت واحدة سخنة و التانية باردة

بنسبة 100 % حاجة قافلة الدورة او الطلمبة مش بتقلب

دول فين دول اوصلهم ازاى انا مش بعرف فى الميكانيكا
بس كلامك طمنى و يا رب يكون خير
انا لسه مغير زيت كمان امبارح

[م أحمد]

الراديراتير من فوق خالص هتلاقى داخل عليه كاوتشة بتخانة ازازة حاجة ساقعة.... دى الفوقانية القادمة من الطلمبة

و من تحت خالص تحت البطارية هتلاقى برضه واحدة تانية فى جنب المبرد....... دى التحتانية و مفيش غيرهم داخلين للمبرد

سلام عليكم

[aw2100]

راجع على دورة التبريد الأول ممكن يكون فيه سدد فى الرادياتير
ممكن تغسل دورة التبريد فى البنزينه كيماوى الأول لو فيه سدد أو صدأ حينزل وربنا يقويك

[sabrykamel]

قبل ما ده يحصل بقالى شر دتها لبتاع ردياتير كانت بس فى الاول المية مصدية و مش بتقل الا بسيط خالص و سخونة العربية كويسة
بتاع الردياتير اول مرة دلق مية نار و حط مية خضرا و مع اول مشوار 60 كيلو لاقيت الردياتير بيدخن و مفيهوش مية خالص لاقيتها على الارض لما وقفت لما شفت البخار طالع من الكبوت
لما رحت له تانى بعدها سبت له العربية لظروف الغل قا ل لى انه عمل تسليك و لحام فى الزور بتاع الردياتير
و جيت جربها فى مشوار 25 كيلو عملت اللى حكيته بخار من القربة و اما وقفت عشان تبرد كل المية ادلقت فى الشارع و مبقاش فيها الا نص و زودتها و على بال ما رجعت 25 كيلو كمان لاقيت العربية بتبطل كل ما ادورها و سخنة جدا والقربة مفيهاش ولا نقطة و زودتها مية الاول على البارد و دى كانت غلطة شوية و لما افتكرت دورت العربية و بدات ازود مية لغاية ما ملا الردياتير والقربة تانى

[Mecha]

المروحة بتشتغل لما العربية تسخن
غطا الردياتير تمام
غطا القربة بيطلع بخار (هل دا طبيعى و لا المفروض انها متسربش بخار )
(لو جوان ,شيل غطا الرتر وادي امبليه ,الهبو هيطلع) مش فاهم تقصد ايه ممكن الشرح

عشان تتاكد انها جوان بتحل غطا الردتير وهي سخنه ,وتزودفجائي وتسيب
ان لقيت مدافع ونوافير في زور الردتير يبا جوان ,بس تاني شيل الترمستات وشيك ع المروحة الاول

[sabrykamel]

طب فيه حد من الشباب من ناحية حلمية الزيتون او عين شمس اتمنى يشوفها و يقول لى قبل ما اروح للميكانيكى تانى لانه عاوز يفتح شغل فيها و جوان و وش سلندر

[aw2100]

قبل ما ده يحصل بقالى شر دتها لبتاع ردياتير كانت بس فى الاول المية مصدية و مش بتقل الا بسيط خالص و سخونة العربية كويسة
بتاع الردياتير اول مرة دلق مية نار و حط مية خضرا و مع اول مشوار 60 كيلو لاقيت الردياتير بيدخن و مفيهوش مية خالص لاقيتها على الارض لما وقفت لما شفت البخار طالع من الكبوت
لما رحت له تانى بعدها سبت له العربية لظروف الغل قا ل لى انه عمل تسليك و لحام فى الزور بتاع الردياتير
و جيت جربها فى مشوار 25 كيلو عملت اللى حكيته بخار من القربة و اما وقفت عشان تبرد كل المية ادلقت فى الشارع و مبقاش فيها الا نص و زودتها و على بال ما رجعت 25 كيلو كمان لاقيت العربية بتبطل كل ما ادورها و سخنة جدا والقربة مفيهاش ولا نقطة و زودتها مية الاول على البارد و دى كانت غلطة شوية و لما افتكرت دورت العربية و بدات ازود مية لغاية ما ملا الردياتير والقربة تانى

لما حط ميه النار ممكن تكون بوظت طرمبة المية وخلت التقليب قليل وده اللى بيسخن العربية عاوزك تروح لميكانيكى كويس الأول تاخد رئيه علشان الأعراض دى مش عيب فى الموتور ده عيب فى دورة التبريد وده كله بسبب مية النار !!!