لانشيا ديدرا حاله نادره جدا بالاسكندريه لاصحاب الذوق الرفيع

[italian_freak]

قبل قراءة الاعلان السياره بحاله فوق النادره وتحتاج الي مالك ذو ذوق رفيع جدا مع العلم يوجد اعلانات لنفس موديل السياره باسعار منخفضه.


للبيع لانشيا ديدرا هاي لاين موديل 1993 انضف حاله في مصر

- محرك lancia VVT 1.8 انجكشن 2 كامه احدث وافضل مواتير اللانشيا علي الاطلاق 131 حصان موفر جدا في البنزين تم تركيبه من شهر 2-2015 فقط .. استعمال الخارج ماشي 48 الف كيلو فقط .. الكبس فوق ال90%

- صالون جلد طبيعي بالكامل نادر "وغالي" جدا في اللانشيا يشبه صالون المرسيدس




- فتحة سقف كهربا فابريكه بحالتها



-تكييف تاتش climate control امامى وفتحات خلفيه مع وجود خاصية ضبط الحراره اوتوماتيك



- جنوط 17 ايطالي بكاوتش كوننتيننتال



- السيرفيس كامل جديد اوريجنال شامل سيور " تقسيمه - دينامو "
بلي شدادات بالكامل ....

طقم دبرياج دسك واسطوانه وبلية جديد اوريجنال fiat recambi ايطالي جديد

، وطنابير ورا وقدام اصلي



- عفشه سبور كوني KONI احمر بالكامل " مساعدين وسوست " امامى وخلفي لضمان اعلي ثبات للسياره في المنحنيات والسرعات العاليه

- شكمان ديفل N1 JDM Mega يابانى اوريجنال سعره علي Ebay بالشحن 230 يورو

- دركسيون momo drift ايطالي وليس كوبي بالزور الاصلي لانشيا

- كاسيت Sony xplode مع سماعات Blaubunkt

- اكصدامات امريكي بالغمازات ، وسبويلر اصلي

- السياره بها immobilizer لانشيا اصلي تم تركيبه special order مع الموتور " مفتاح مشفر ضد السرقه بالسيكوريتي كود الخاص بها "

- السياره كانت فابريكه بره وجوه ورشت لأول مره من عدة اشهر .. رشه محترمه ومتكلفه مبلغ لوحدها ولا يوجد بها اي خربوش تماما

ولا يوجد بها اي دهان داخلي تماما ولا اي خبطات الحمدلله الدواخل كما هي من المصنع

...
حالة السياره 98% بمعني الكلمه وعلي اتم الاستعداد للكشف في اي مكان شرط الجديه
...
معلومه : السياره بها مصاريف وكماليات اجماليها يزيد عن ال25 الف جنيه و مرفق بها فاتوره من 15-3-2015 بقيمة 12 الف جنيه نظير تغيير الموتور والعفشه وبغض الكماليات بجديد اصلي
..
السياره قويه جدا علي الطريق ... ثبات وفرامل فعلا يساوي الالمانى

لمن لا يعلم لانشيا ديدرا هي من العربيات المظلومه في مصر علي الرغم من ان قطع غيارها رخيصه بمعني الكلمه .... قطع غيار الموتور والعفشه بالكامل فيات تيمبرا ومتوفر في كل محلات الفيات

السياره قيمه جدا وركوبه ممكن تتوصف بالقوه والفخامه

وانا الحمدلله ركبت ايطالي كتير قبلها كان معايا الفا روميو 2.0TS عارف قيمة العربيات دي كويس وازاي التعامل معاها

يعني مش بركب فيها اكتر من 2 ولا بروح اماكن مكسره ... الركنه في جراج الفيلا ومبتخرجش كتير

والمعاينه خيل دليل وبرهان علي الحاله




الموتور بالسيستم كامل فيه رنة الفابريكه " موتور - ضفيره - كنترول " متسقط من شهر يعني ملحقتش احلل فلوسه زي مابيتقال


متبقي في الرخصه سنه واحده من اصل 3 سنين .... مرور محرم بك



المعاينه في الجراج بعد الساعه 2 ظهرا .... لوران ش الاقبال - الاسكندريه



السعر : 55,000 وهو اقل بكثير من مصاريفها .. الحمدلله



رجاء الاتصال للجادين فقط تجنباً لأي احراج

.....................

[ahmedbasto]

ماشاء الله تبارك الله ربنا يحسنك سوقها

[muhmado_furp]

ما شاء الله
كان معايا تمبرا وفعلا العربيات دي لما بتكون علي حالة الفبريكة بتكون وحش علي الطريق
بالتوفيق

[italian_freak]

شكرا لحضرتك العربيات الايطالي بالنسبالي عشق وهي المعني الحقيقي للقوه والاعتماديه ...... ربنا يبارك للي هيشتري ومش هقول غير ربنا يباركله فيها بس كده والله وحده اعلم عن سبب البيع

[abukareem]

ربنا يحسن سوقها ويرزقك خيرها ولكن السوق المصرى فاسد فى تقييم السيارات بمعنى يظلم سيارات عالمية متعة فى كل شىء ويرفع للسماء سيارات حقيرة لاتستاهل الواحد ينظر لها مش يركبها ولكنها بلدنا وانا محتار لانى باشترى سيارة اركبها واستمتع بها ولكن السوق يقول لك اشترى سيارة لك ولاعادة البيع؟؟؟؟؟؟؟؟؟؟؟؟؟؟ فكر فاسد....وخير مثال سيارة حضرتك .سيارة محترمة جداً لشركة عريقة من سنة 1906 ولكن المصريين يتجاهلوها ؟؟؟وعموماً انا اريد السيارة ولكن المشكلة فى التفاوض على السعر ؟؟؟وبارك الله لك

[eng.m7md.ali]

ماشاء الله العربية بتنطق

ربنا يوفقك في البيعة ويبارك للي هياخدها بس حاجة زي دي صعب تتعوض انصحك تغير رأيك

[italian_freak]

شكرا ياجماعه للكلام الطيب ده
انا عايز اقول انا بحرق سعر العربيه لسبب مادي وكل يوم بيعدي بخسر فلوس اكتر واكيد حد من الاخوه جرب انه يجيب عربيه ويشدها بالكامل ويدفع فيها فلوس لا تعد ولا تحصي في الاخر يحرق كل الي دفعه

لو حصل نصيب فيه تفاوض بسيط بس ارجوكم في حدود المعقول لأن الي هيجي يتفرج بعد مايكون شاف الحاله وحكم عليها هوريه فواتير العربيه الي مكملتش شهر ونص

[italian_freak]

للرفع

[msenosy]

ماشاء الله