عايز اشتري عربية اتعلم عليها سواقة وابيعها بعد كام شهر

[ntoytoy]

انا كنت هاجيب عربية جديدة بس ناس كتيير قالولي بعد ماتاخد كورس تعليم سواقة لازم يكون معاك عربية قديمة ورخيصة تمشي بيها كام شهر عشان تتعلم عليها وماتكلفكش كتير لو اتخبطت ، وطبعا كله بيقولى هات 128 بس انا بصراحة بكرهها ولو جبتها مش هاركبها هي وال 127 دة غير اني عايز اتعلم على عربية باور
فاانا عايز اشترى عربية تحت ال 30 الف اتعلم عليها السواقة فاية رايكم في فيات بونتو من موديل 95 ل 99 ولو عندكم اقتراحات تانية مفيش مشكلة ، وشكرا

[ashky5141]

السلام عليكم
يوجد فيات برافا 2001
مطلوب فيها 34000 و قابل للتفاوض

[ntoytoy]

السلام عليكم
يوجد فيات برافا 2001
مطلوب فيها 34000 و قابل للتفاوض

وعليكم السلام
ربنا يباركلك فيها،
انا بس بسأل عن فيات بونتو ده غير اني هاشتري الشهر الجاي بإذن الله

[amr011111]

لا فكك من كل الناس اللى قالوا لك هات قديم وخبط فيه هات العربيه الزيرو اللى كنت عاوز تجيبها وأمن عليها سنه لحد ما تتمكن من السواقه
واى عربيه سواء قديمه او جديده او لما تجيبها هتتعلم عليها الاول فى اماكن فاضيه وفى اوقات زى الصبح وبالتوفيق

[salam100100]

نصحتى اتعلم على مستعمل وبعد كدا هات زيرو

انصح بالماروتى, العربيه معايا وعمليه جدا داخل المدينه (سواقه- ركنه- بنزين- قطع غيار)
عيبها مافيهاش تكيف

انا معايا ماروتى ونيسان صنى , بحب اسوق الماروتى لما بكون رايح مشوار وخايف ابهدل الصنى معايا

التعلم على عربيه مش خايف عاليها بيديك ثقة فالتعلم

وبالتوفيق واهلا بيك فالشارع المصرى اللى محدش قادر عليه :)

[hardmind_doc]

ممكن برضو تشوف الفيات اونو كويسة وفى الرينج اللى انت طالبه
وفى رأيى لو العربية المستعملة حالتها وحشة هتقرفك بس هتعلمك الميكانيكا والتعامل مع الصنايعية