استفسار هام وعاجل بخصوص 128 موديل 87

[ahmad_hs_87]

السلام عليكم ورحمة الله
عايز استشير حضراتكم في فيات 128 موديل 87 .... 1100 سي سي أربعة غيار .... عاملة 34.500 كيلو متر عشان كانت مرفوعة 20 سنة
طبعا العربية اخدت منها البارومة نصيب وفيها حتتين بساط كده في الشنطة
اللي شجعني في العربية أن مكنتها بحالتها
العربية صاحبها قبل ما يبيعها غيرلها طقم الكهرباء و4 مساعدين وبطارية وتيل ورا وقدام وفلتر بنزين وهوا وعلبة شكمان

عايز اعرف نصائحكم لو جبتها اغير فيها ايه واخلى بالي من ايه ....
يا تري ايه أنسب زيت محرك وزيت فتيس استخدمه فيها ???
معلش يا بشوات اسألتي كتير :??
هل العربية بتاخد وقت كتير في تسخينها الصبح ولا ادور ودقيقتين واطلع بردو ????
وياتري ايه ظروفها مع بنزين 80 ???
ألف شكر

[Abo_Mazen]

بص ..أنا هتكلم على أساس إني معرفش صاحب العربيه ..وبالتالي ..أنا مبثقش في كلامه وهبتدي أشوف وأتفرج كأني بشوف العربيه لأول مرة ..طبعا هشوف ميكانيكي كويس يكشف عليها ..وهي أصلا كعربية 128 فهي سهلة وأي ميكانيكي كويس يببص عليها ..وبرضه سمكري يبص عليها ..وعموما ..السمكري في العربيات دي أهم من الميكانيكي ..عشان كده إكشف عليها صاج كويس قوي قوي قوي ..خلي بالك ...عداد المسافات بتاع العربيه دي عداد عادي ..زي بتاع اللادا وزي عربيات تانيه كتير ..ممكن تقلبه وتعمله على الرقم اللي إنت عايزه ..أنا لو مكانك كنت هعمل اللي قلته ده