مشكلة في مارش ال 128

[Marwa Galal]

عندي مشكلة في مارش ال 128 بدأت لما كنت باركن العربية 3 او 4 ايام من غير ما ادورها واجي اشغلها اسمع صوت حشرجة وخنقة وصوت عالي لما ادور ومتلقطش اجرب كذا مرة لحد ما المارش يفصل واسمع فيه صوت تكة بس وعلشان العربية تدور يا اما ادور علي ولاد حلال يزقوني ونرمي علي التاني ونشغل العربية لحد ما اروح بيها للطهربائي يا اما الكهربائي كان بينزل تحتها ويخبط علي شربون المارش وكانت بتدور زي العفريتة ( تقريبا الشربون كان بيبقي معلق) وحلينا المارش ولقينا سلك مقطوع والراجل ظبطه واشتغلت كويس ورجعت الفترة اللي فاتت عملت كده تاني لما ركنتها 4 ايام بس
السؤال هنا انا عايزة اعرف مكان المارش ده فين في الكبوت او تحت العربية علشان عايزة اخبط عليه خفيف زي ماشفت الكهربائي بيعمل علي الاقل ادور العربية لحد ما اتصرف بيها بدل ما هي مركونة وانا محتاسة بيها كده
الاقيه فين المارش ده بقي ؟ :D

[Abo_Mazen]

المارش في ال 128 ورا الريداتير علطول ..هتلاقيه إسطوانه كده وراكب عليها إسطوانه تانيه أصغر منها ..بس نصيحه ..مارش إستيراد أحسن من الغلب ده ..وبلاش مصاريف على المارش الحالي ..المارش لو فتح بقه مره ..يترمى وما يتصرفش عليه ..أنا كان معايا في ال 128 المارش إتعمله جلب.ومكملش سنة ونص وبدأ يصرخ تاني في بداية الدواره لغاية ما بعت العربيه ..بص ..في الصورة اللي تحت دي هتلاقيه من تحت في الحته اللي محطوط عليها دايره حمرا

[pepo2011]

الافضل تجيبي واحد استيراد علي طول رغم ان العيوب اللي حضرتك بتقوليها دي مالهاش علاقة ببعض

[م أحمد]

المشكلة اللى عندك فى حاجة اسمها كولكتور المارش
و دا الاسم الدارح لل commutator
و ظيفته عمل التلامس مع الشربون لتلقى كهرباء البطارية
الحل المؤقت هو الخبط لاعادة التلامس المفقود مع الشربون
الحل الدائم تغيير هذا الكةلكتور بآخر مستعمل من غير ما تغيرى المارش بالكامل
مكان المارش تشوفى الكابل التخين الخارح من البطارية و رايح ناحية اسفل الموتور هتلاقيه راكب على جزئى المارش
الخبط ممكن بشاكوش او اى حاجة تقيلة و اوعى تلمسى الجزء المكشوف من الكابل اللى جاى من البطارية

[ahmed1981]

ممكن تكون البطارية برضه تعبانه

المارش البايظ مش محتاج العربية تقف 3 أو 4 أيام عشان يحشرج
من يوم واحد هيظهر على حقيقته

الكهربائي يكشف على المارش والبطارية

ـ

[Marwa Galal]

الف شكر يا جماعة لقيت المارش الحمد لله وجيت اخبط عليه لقيت البطارية نامت من كتر الركنة
قلت بلاش اتدخل انا بقي وجبت الكهربائي وفك المارش حتة حتة وشحمه وغسله بالبنزين طلع كان فيه صدا زالقاعدة بتاعته كانت قافشة وعايزة تتصنفر وتتنضف وركبناه وشحنت البطارية والحمد لله نعم عن الاول وبيلقط من اول مرة