إعـــــــلان

Collapse

.

,
See more
See less

تجربتى مع الفيات سيينا و مشاكلها التى لا تعد ولا تحصى

Collapse
X
 
  • Filter
  • الوقت
  • Show
Clear All
new posts

  • تجربتى مع الفيات سيينا و مشاكلها التى لا تعد ولا تحصى

    فضلت سنتين بدافع عن فيات سيينا و حاببها جدا لكن علاقتى بيها كانت من بعيد لبعيدعربيه واسعةو شيك و تكييف و باور و ازاز كهربا و شنطة اد البحر و سعر مقبول و فى الفترة دى قررت اقرب اكتر و اشترى واحدة طبعا قررت على 1400 سى سى نظرا لقله المشاكل لكن المشاكل الى شوفتها كتير مابالكم بال1600 الى مشاكلها المفروض اكتر و شوفت عدد عربيات كتير جدا حوالى 8 عربيات كلهم فيهم عيوب مشتركة و عيوب لا تغفر لأى عربيه ولا حتى توك توك

    عشان مبقاش قاسى فى حكمى هقول المميزات الاول
    عربيه شكلها مقبول من الخارج تنفع شباب او كبار
    صاجها حلو
    صالونها مقبول جدا و الكنبه لو واحد 170 سم هيرتاح جدا فيها
    التابلو سهل التعامل فيه و العدادات واضحه لكن فيها كارثه هشرحها بعدين
    التكييف لو انت قاعد ادام جميل لو فى الكنبه متوسط
    العزل كويس يعنى صوت الماتور مش بيعلى اوى
    شنطتها كبيرة جدا لو فى سفر هترتاح
    قطع الغيار مش غاليه اوى زى مابيتقال بس متوفرة

    العيوب و دى عيوب كارثيه
    عمرى ماكنت اتخيل كلمة السخونيه الى قولت هذكر كارثه فى العدادات بتاعتها دى هتوصل للدرجه دى فى كل العربيات الى شوفتها انا على طول بشوف فى اى عربيه مؤشر الحرارة اقل من النص حاجه بسيطة لكن دى مش فى النص بس دى دايما فوق النص حتى لو اتحركت خطوات اخر واحدة اخدتها من ميامى لوينجت و الاسكندرانيه عارفين ان دى مش مسافه احب اقول لحضراتكم ان مؤشر الحرارة كان قرب جدا من الخط الاحمر و على فكرة دة ولا عيب مروحة ولا وصلات ولا خراطيم الردياتير ولا المكنه ولا الترموستات لان فيه ناس اذكيه قالوا انها فيها ترموستات بتسخنها عشان الدول الساقعه كل ده اتغير ولا اى حاجه هيا من النهايه ليها استخدام معين لو عديته هتقلب بسخونيه لا حل له و ان كانت فيه حلول هتكون مؤقته لا تتعدى شهرين و دة كلام ناس من ملاكها و اكيد محدش هيطلع عيب فى حاجه بيمتلكها بمعنى اصح مش عادتنا كمصريين اننا نقلل فى حاجه بتاعتنا بس ده امر واقع و كل الميكانيكيه و متخصصين الردياتير كل مايشوفوها بيركزوا فى عداد الحرارة و يقولولى مالهاش حل يقعد معاك الا شهرين و ده ممكن تغير جوان او يأثر على المكنه و الحوض كله طبعا انا مش فاهم ولا كلمة لانى مش بفهم فى الميكانيكا بس الميكانيكى الى روحتله ده من النهايه بيفهم من اول سيات 133 لحد بورش كايين انا حاولت اقنع نفسى ان دى مشكله بسيطة و قولت برضه هشتريهل انا اتخنقت من اللف على عربيه لدرجه ان الميكانيكى اتحرج بسببى و ندالى واحد معاه سيينا نفس الموديل 2002 و ماشيه حوالى 85 الف كيلو يعنى حاله نادرة جدا و قالى انه جايبها من اقل من سنه و صرف على السخونيه بس 10 الاف جنيه و بيدور على اى عربيه تانيه لانه خايف يطلع بيها تتحرق و بيدور على اى عربيه تانيه فى حدود 25 الف لانه هيبيعها بالسعر ده رغم انها مش محتاجه جرام بويه زى مابيقولوا بس مش قادر يستحملها

    تانى عيب
    مفيش فيات سيينا شوفتها مفيهاش بارومه فى الاربع ابواب و الاربع ابواب بألفين جنيه و اخرهم سنتين تلاته و البارومه هتسرح فيها ده اذا مجيبتهمش فيها بارومه لدرجه ان الراجل فك الفرش بتاع الابواب شوفت مهذله جوه و عايز اقولكم على كارثه انا شوفت الابواب دى قبل ما اروح للميكانيكى حوالى ساعتين و سبحان الله نفس الاماكن الى شوفتها دى لما هوا ورهالى تانى بعد ما مسحها بقماشة مبلوله و نشفت شوفت العجب و الوان متغيرة و صدا رهيب

    تالت عيب
    مكنه السيينا غدارة بجد و اسئل اى ميكانيكى عليها ممكن تبقى صوتها واطى جدا و سحبها كويس و فجأه تلاقى نفسك محتاج عمرة لان لو مكنتها خفيفه مش هتحس

    رابع عيب
    العربيه و انت سايقها لو ناوى تبص وراك او فى المرايا او بتركن هتتخنق من اليوم الى ركبت فيه عربيات حتى لو راكب ريو جديدة او النترا الجديده رغم بومبيهاتهم الكتيرة بس دول حلوين جدا لكن دى فيها حاجه غلط يمكن محتاجه تعود او ده عيب منى و من ناس زيى

    دى العيوب الى لاحظتها فى الفتره الاخيرة و ماخفى كان اعظم
    يعنى لو تحت ايدى فيات سيينا ممكن تكون سبب فى انتحارى
    و مش عايز حد من ملاكها يتضايق يمكن العربيه الى معاه موصلتش للحالات دى لانه ممكن يكون اول مالك ليها و مرتاح كدة
    بس انا عرفت ليه الناس بتقول عليها الكلام ده كله بس عمر ماحد فهمنى ليه بيقولوا كدة
    الحمد لله اننا فهمت بنفسى قبل ما اتدبس
    يا بلد معانده نفسها يا كل حاجه و عكسها
    أنسينى أنا صبرى أنتهى و مش هشوف فيكى أمل

  • #2
    على فكرة انا كاتب الموضوع ده بالموبايل محدش يندهش بس من خنقتى بسبب حبى ليها سابقا بشكل مبالغ فيه بسبب شكلهت و حجمها و احتياجى للحجم دة رغم تحذيرات كل الناس ليا لكن محدش بيتعلم بالساهل
    يا بلد معانده نفسها يا كل حاجه و عكسها
    أنسينى أنا صبرى أنتهى و مش هشوف فيكى أمل

    Comment


    • #3
      خليك فى التمبرا اوسع واقوى وقطع غيار اقل فى السعر ونفس رينج السعر
      مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر

      Comment


      • #4
        مش معنى انك واجهت مشاكل فى عربيتك يبقى كل السينا فيها نفس العيب
        وممكن تكون كل الميكانيكية اللى اتعاملت معاهم معرفوش يوصلوا للعيب
        ياريت تروح لحد فاهم فى السينا و اكشف كمبيوتر الاول
        وان شاء الله تتحل المشكلة
        وبلاش تمبرا اخلع كانت معايا شهر بالظبط وبعتها
        [SIGPIC][/SIGPIC]

        [SIZE="5"][COLOR="DarkRed"]اللهم أعطى الناس ضعف ما يتمنون لى[/COLOR][/SIZE]

        Comment


        • #5
          إيه يا جماعة ...يعني السيينا وحشه ..والتمبرا برضه وحشه ...الله ...أومال العربيات دي ماشية في الشارع إزاي ؟؟...يا جماعة تجربة واحد مع عربية عملت معاه مشكلة ما ينفعش تتعمم ..لازم نخصص
          [SIGPIC][/SIGPIC]--------

          m_m_sh_a سابقا

          Comment


          • #6
            المشاركة الأصلية كتبت بواسطة velkouf مشاهدة المشاركة
            مش معنى انك واجهت مشاكل فى عربيتك يبقى كل السينا فيها نفس العيب
            وممكن تكون كل الميكانيكية اللى اتعاملت معاهم معرفوش يوصلوا للعيب
            ياريت تروح لحد فاهم فى السينا و اكشف كمبيوتر الاول
            وان شاء الله تتحل المشكلة
            وبلاش تمبرا اخلع كانت معايا شهر بالظبط وبعتها
            كلامك بيناقد نفسه ولصاحب الموضوع العربيه السليمه والحاله هى الافضل بدون تحيز
            ومقدرش احكم على كل التمبرا لان اللى معايا كانت معاقين ومختلفه تماما عن اللى بتنزل مصر(فرش جلد طبيعى طاره مومو جلد طبيعى 4 زجاج كهرباء مرايات كهرباء جنوط اسبور فبريكه 4 فرامل سكينه تكييف داول زون مؤخر نور الصالون واصلها مكنه 2000 )
            مصر يجب أن تكون كالاسفنجة ,تبقى طافية دون أن تغرق ,حجمها كبير ولكن لا وزن لها-معادله كيسنجر

            Comment


            • #7
              يا جماعة اقروا الموضوع بدقه
              هيا مش عربيه واحدة دول 8 عربيات و العيوب دى مشتركة
              مش معنى كلامى ان كل السيينا وحشة اكيد فيه منخا كويس جدا
              اذا كان الصينى فيه منه روعة بس تبقى المالك الاول ليها
              و اغلب العربيات لو كذا رجل ركبتها بتخرب و للاسف السيينا من وجهه نظرى كدة
              ده غير العمر الافتراضى يعنى محدش يقنعنى ان بعد 100 الف العربيه مش هتحتاج مصاريف من نار
              و للاسف ملاك الفيات سيينا بيتعاملوا معاها على اساس انها فيات قبل ماتكون سيينا
              عربيه على كروت و كمبيوتر و حساسات بتتعامل من ملاكها زى 128
              طيب حتى لو صاحبها مهتم بيها جدا و كل شهر عند الميكانيكى و السمكرى
              الميكانيكى بيتعامل معاها على اساس انها فيات
              يعنى من النهايه 90% من العربيه دى كدة عشان ملاكها او الميكانيكيه
              و ملاكها الصادقين شوية عارفين الكلام ده كله
              و مظنش ان فيه حد يقدر ينكر السخونيه و البارومة و الصدا

              بالنسبه للتمبرا جميله جدا
              بس الشكل و التصميم و التكنولوجيا يخليها متتقارنش بالسيينا لانها هتكون فئة تانيه خالص
              رغم ان فيه ناس كتيرة مش حابه شكل السيينا بس محدش ينكر انها نقله فى تصاميم العربيات
              انا بتكلم على تمبرا مصر عشان rotanamasoud ميزعلش منى

              و معلش عشان بكتب من الموبايل فمش قادر اكمل
              يا بلد معانده نفسها يا كل حاجه و عكسها
              أنسينى أنا صبرى أنتهى و مش هشوف فيكى أمل

              Comment


              • #8
                المشاركة الأصلية كتبت بواسطة rotanamasoud مشاهدة المشاركة
                كلامك بيناقد نفسه ولصاحب الموضوع العربيه السليمه والحاله هى الافضل بدون تحيز
                ومقدرش احكم على كل التمبرا لان اللى معايا كانت معاقين ومختلفه تماما عن اللى بتنزل مصر(فرش جلد طبيعى طاره مومو جلد طبيعى 4 زجاج كهرباء مرايات كهرباء جنوط اسبور فبريكه 4 فرامل سكينه تكييف داول زون مؤخر نور الصالون واصلها مكنه 2000 )
                شوفت ان العربية اصلها 2000 cc وبتنزل مصر بموتور 1400 و 1600 ضعيف على البودى التقيل دة
                علشان كدة بقولك اخلع لانك لو من هواة الجرى و السرعة يبقى اكيد الموتور دة مش هيسعفك خالص

                ياريت منحكمش على موديل كامل علىشان انت ركبت عربية عربية واحدة بغض النظر انها كانت حالتها كويسة او وحشة بس نحكم على الموديل من مواصفاتة
                [SIGPIC][/SIGPIC]

                [SIZE="5"][COLOR="DarkRed"]اللهم أعطى الناس ضعف ما يتمنون لى[/COLOR][/SIZE]

                Comment


                • #9
                  كان معايا سيينا 2002 1400 Cc
                  الحرارة كانت بتعدى النص لما روحت التوكيل ( المرة الاولى والاخيرة الى روحت فيها) غيروا كوعة صاج كانت مصدية بعدها الحرارة ظبطت
                  مميزات العبية الوسع والقوة والتقفيل من تحت - كنت سايق مرة وغفلت ركبت على حافةكوبرى الابع عجلات اتعلقوا فى الهوا الناس نزلت العربية ودوت ومشيت ولا كان خصل حاجة
                  من الاخر عربية متقلقش وانت ماشى انها هتعطل حتى لو سخنة

                  اما العيوب الاخرى هى كالتالى وحدة الكنترول لو باظت ملهاش حل غير التعيير ولا ميكانيكى هيفهم فيها
                  وكيل غالى وزيارته قسم وسط- كلفتنى 7500 جنية

                  Comment


                  • #10
                    طيب فين الميكانيكية اللى روحتلهم فى الاسكندرية علشان انا من اسكندرية وبندوخ لما نلاقى ميكانيكى فاهم وكويس

                    Comment


                    • #11
                      الأستاذ الى بيسأل على الميكانيكى أسمه الحج صلاح فى وينجت
                      هحاول أجيبلك رقم تليفونه
                      يا بلد معانده نفسها يا كل حاجه و عكسها
                      أنسينى أنا صبرى أنتهى و مش هشوف فيكى أمل

                      Comment


                      • #12
                        انا سمعت عن العيةب ديه من ناس كتير .. بس كلامي ده عن تجربه للعربيه لمدة ٦ سنين على الاقل كانت معايا ما كنتش عاتقها سفر .. عمرها ما سخنت مني ولا شفت فيها العيو ديه اطلاقا.. انا شايف اتنها احسن من مثبلاتها .. او يمكن اللي كانت معايا كانت فيها حاجه مختلفه بس الحمد لله عمر ما قابلني مشاكل ..انا بعتها ومعايا الانترا بقالي ٤ سنين ..بس بقول شهاده للتاريخ
                        [FONT=Comic Sans MS][COLOR=RoyalBlue][SIZE=6]New Hyundai Avante
                        [/SIZE][/COLOR][/FONT]

                        Comment


                        • #13
                          انا سمعت عن العيوب ديه من ناس كتير .. بس كلامي ده عن تجربه للعربيه لمدة ٦ سنين على الاقل كانت معايا ما كنتش عاتقها سفر .. عمرها ما سخنت مني ولا شفت فيها العيوب ديه اطلاقا.. انا شايف انها احسن من مثبلاتها بالسعر ده .. او يمكن اللي كانت معايا كانت فيها حاجه مختلفه بس الحمد لله عمر ما قابلني مشاكل ..انا بعتها ومعايا الانترا بقالي ٤ سنين ..بس بقول شهاده للتاريخ
                          [FONT=Comic Sans MS][COLOR=RoyalBlue][SIZE=6]New Hyundai Avante
                          [/SIZE][/COLOR][/FONT]

                          Comment

                          Working...
                          X