ارجووووووو الافادة عن عيوب ومزايا جراند بونتو من موديل 2007 الى موديل 2011

[mohamed1992]

اية رايكم يا جماعة انا دلوقتى معايا كيا ريو 2003 وبفكر اغير للجراند بونتو عشان استهلاك البنزين انا واخد علية خصوص فالعربيات ال 1300 سى سى فا بعد اذنكم للضرورة اريد عيوب الجراند بونتو قبل المميزات خصوصا انها كلها كمبيوتر واخاف البس فالحيط فى صيانتها وكمان انى سمعت ان قطع غيارها غالية ناااار ولا البى ام والمرسيدس ... هل الكلام دة صح ولا اية رايكم ارجو الرد سريعا لاتخاذ القرار .

[kimopops]

السلام عليكم ورحمة الله وبركاته

انا معايا كيا ريو 2002 1300 سي سي 75 حصان ووالدي معاه بونتو كلاسيك 2009 1250 سي سي 60 حصان

رأيي كمهندس وواحد بيسافر كتير

الكيا قطع غيارها متوسطة واستهلاك البنزبن كويس 7 لتر لل 100 كيلو وعفشتها خفيفة يعني ثبات اقل بس مريحة مع خفة وزنها بقدر اجري بيها وفي مره واحدة في حياتي كسرت بيها سرعة 190 كلم

الفيات قطع غيارها غالية خصوصا الحساسات وقطع غيار الموتور والكشافات الامامية وعلبة الدريكسون عشان علي حساسات وموتور كهرباء واستهلاك البنزبن علي حسب طبيعة سرعتك يعني لو التزمت بالكتالوج يبقي الاستهلاك 4.7 لتر ولو بتقرص وف جو هوا الموتور عشان صغير بيسحب بنزين اكتر من الكيا غير ان الموتور كويس جداا جوه البلد لكن بحس اني راكب بطة بلدي علي الطريق واخرها 165 كلم وعفشتها ناشفة بس طبعا الثبات اعلي علي الطريق والفرامل اقوي من الكيا.

[Ahmed.MT911]

اية رايكم يا جماعة انا دلوقتى معايا كيا ريو 2003 وبفكر اغير للجراند بونتو عشان استهلاك البنزين انا واخد علية خصوص فالعربيات ال 1300 سى سى فا بعد اذنكم للضرورة اريد عيوب الجراند بونتو قبل المميزات خصوصا انها كلها كمبيوتر واخاف البس فالحيط فى صيانتها وكمان انى سمعت ان قطع غيارها غالية ناااار ولا البى ام والمرسيدس ... هل الكلام دة صح ولا اية رايكم ارجو الرد سريعا لاتخاذ القرار .

بص يا سيدي انا كنت زي حضرتك كده في العربيات كانت معايا كوري (اكسنت 1500 سي سي موديل 99 ) وكانت معايا كيا برايد هاشباك 1100 سي سي موديل 1997 ... والعربيات الكوري (الموديلات القديمة منها ) بصفة عامة تقدر تقول عليها عربيات بتقضي الغرض فقط --- يعني كويسة في البنزين ووالتكييف ظريف وخلاص
انما كقيادة سيارة للاستمتاع بالعربية لا

قبل ما اخد قرار اني اشتري البونتو اللي معايا دلوقتي (موديل 2000 كاملة مانيول تكيف وبارو وستي باور وسنتر ووحدات رفع ) كنت زي حضرتك خايف كده --- لكن بعد قيادة العربية لمدة سنتين اقولك اني لو هغير مش هركب غير اوربي بعد كده --- لان حسيت الفرق بين انك تركب عربية تقضي المشواير بيها فقط وبين ان تركب العربية علشان تسمتع بالقيادة خصوصا لو مشوايرك كتير بالعربية وبتقضي وقت كبير في السواقة زي حالاتي

طيب انتا محتاج تعرف العيوب الاول قبل المميزات :-

اقولك

العيوب ان قطع الغيار غالية شوية عن الكوري بس مش زي لاالماني يعني مثلا انا غيرت ماستر فرامل للعربية بتاعتي او ما جبتها ب 325 جنيه وللعلم سعر الماستر في العربية الانوس مثلا 285 جنيها يعني الفرق مش كبير زي ما الناس متصورة --- ده لو جديد

طيب لو في حاجة عاوز تجيبها من الوكالة مثلا ---انا غيرت مراية يمين عندي من اسبوع وجبت مراية ((خلع )) من عربية زيها بونتو ب 95 جنيه ---- مع العلم ان مراية الاكسنت من نفس موديل السنة ب 70 جنيه برضه الفرق بسيط ...

تاني حاجة ان قطع الغيار بتاعتها لازم تجبها من عند الناس بتوع فيات بس علشان محدش يديك حاجة مضروبة وعندك اكتر من واحد شغال في قطع الغيار سواء في الدقي او فيصل او وسط البلد واكبرهم طبعا الكلايني اللي في شارع شامبيلون

ثالث حاجة باه ودي الاهم انك لما تجيب بونتو حديث لازم لازم لازم تتعامل مع حد شغال في البونتو بس او الفيات الحديث عموما علشان العربية تمشي معاك كويس --- انا بتعامل مع واحد متخصص في الفيات بس اسمه محمد حامد في فيصل والراجل ممتاز جدا معايا وشغل في العربية مخلي العربية ماشية معايا زي الفل سواء في سفري المعتاد او جوه القاهرة ---- لان الغلطة اللي بيقع فيها اي واحد بيشتري بونتو انه بيخلي اي مكانيكي يشتغل فيها --- وطبعا علشان احنا بتعامل مع شوية ناس بتحب الفهلوة فصاحب العربية هو اللي بيلبس من المكاينيكة اللي عاملين فيها فاهمين --- علشان كده بقولك لو ناوي تاخد القرار ده يبقي تعرف انك لازم تتعامل مع حد بتاع فيات حديث بس علشان تضمن ان العربية تمشي معاك كويس وهو كذا واحد مش محمد حامد بس --- في مهندس ايمن في صقر قريش وفي كذا واحد في مدينة نصر وفي واحد عند المطار ده طبعا غير التوكيل لو معاك كاش كويس

يبقي العيوب باختصار هي انك لازم تبقي عارف انك هتتعامل مع ميكانيكي معين علشان تضمن استمرار وكفاءة العربية وايضا ارتفاع اسعار قطع الغيار بشكل نسبي عن الكوري مع مراعاة العمر الافتراضي والفرق بين عمر فطع الغيار الكوري والوروبي


المييزات باه كالتالي :-

1- الامان ... ودي اكتر حاجة خلتني اركب الاوربي وتحديد البونتو لاني سفر كتير وطبعا الدائري حدث ولا حرج خصوصا اني بسافر مع مراتي وبنتي كتير (طبعا ده مجرد اخذ بالاسباب وربنا يستر علي الجميع )

2- استهلاك البنزين في الاوربي عموما وفي العربية دي تحديد مذهل خصوصا لو بتسافر كتير بالعربية ومفيش مقارنة بينه وبين الاكسنت خاااااااااااااااالص

3- الاستمتاع بالقيادة بشكل عامل والشعور بجودة التقفيل والخامات الاوربي عن الكوري والياباني حتي

4- حاجة مش عارف اوصفها بالكلام بس حضرتك اكيد هتشعر بفرق كبير لما تركب عربية اوربي وتقعد معاك شوية وتقارن بينها وبين الكوري وخصوصا مثلا في العزل بتاع العربية والماتور وعزل الصوت الخارجي عن كابينة القيادة ..

ربنا يوفقك ان شاءالله وتختار الحاجة المناسبة ليك ولو في اي استفسار تاني انا تحت امرك