كام مصاريف سيارة 128؟

[مهاب لاشين]

السلام عليكم

انا طالب جامعى وكنت بفكر فإنى اشترى عربية صغيرة 128 ولا حاجة بس مش عارف هل هقدر على مصاريفها ولا لا؟
يعنى عربية موديل 1985 ولا حاجة وفى حدود 15،000 وعلى امل ان ان شاء الله حالتها حلوه، هتبقى معدل مصاريف صيانتها وكده شهريا فى حدود كام؟

وشكرا جزيلا

[Abo_Mazen]

أرزاق يا صاحبي أرزاق ..هي العربية عموما تعتبرها زوجتك ..أو إبنك ..يعني حضرتك طالب جامعي ومش متزوج ..ومعندكش عيال ..هي بقى هتبقى زوجتك في المصاريف على ربنا إن شاء الله ما يرزقك وتتزوج بنت الحلال اللي تصلح بالك ..يعني تعمل حسابك هتروح للدكتور لما تمرض ..قصدي تروح للميكانيكي ..هتاكل وتشرب ..قصدي هتحطلها بنزين وزيت ..هتجبلها هدوم في العيد عشان تفرح ..قصدي هتجبلها إكسسوارات وحبتشتكنات ...وبعدين يا باشا الصحه رزق ..قصدي يعني لما ربنا يبارلك فيها مش هتاخد منك غير أكلها وشربها ..قصدي يعني بنزينها وزيتها ..عشان كده لو ناوي توكل على الله وأخلص النيه وخد بالأسباب ..من حيث إنك تسأل عليها كويس ..قصدي تفحصها كويس من ميكانيكا وسمكره ..والباقي بقى بتاع ربنا ..والف مبروك مقدما..وياما ناس جابت عربيات زيرو ..وخدت اللي وراهم وقدامهم ..وياما ناس جابت عربيات موديلات ستينات ..ولو سألته آخر مره كنت عند الميكانيكي إمتى ؟؟؟يقولك ..إيه !!!مش فاكر

[amr011111]

لو هتستخدمها كل يوم على المدى البعيد هتلاقى ان متوسط مصاريفها 500 جنيه شهرياً ممكن شهر تصرف اقل ممكن شهر اكتر ولكن المتوسط فى حدود 500 جنيه

[Abo_Mazen]

لو هتستخدمها كل يوم على المدى البعيد هتلاقى ان متوسط مصاريفها 500 جنيه شهرياً ممكن شهر تصرف اقل ممكن شهر اكتر ولكن المتوسط فى حدود 500 جنيه

والله كانت معايا وكان بيعدي عليا بالتلات شهور محدش فيها غير بنزينها وزيتها ..سبحان الله

[مواطن مصرى]

حسب حاله العربيه نفسها و خبرتك فى العربيات ...
لو العربيه حالتها كويسه مش هاتحتاج كل شويه تروح بيها للميكانيكى و الكهربائى و السمكرى و العفشجى الا فى حالات الصيانة الدورية فقط لا غير (تغيير زيوت و فلاتر و طاقم كهرباء مثلاً) لكن لو العربيه حالتها مش تمام هاتقرفك و هاتصرف عليها قد ثمنها ده غير وقتك اللى هايضيع فى تصليحها ...

[مهاب لاشين]

أرزاق يا صاحبي أرزاق ..هي العربية عموما تعتبرها زوجتك ..أو إبنك ..يعني حضرتك طالب جامعي ومش متزوج ..ومعندكش عيال ..هي بقى هتبقى زوجتك في المصاريف على ربنا إن شاء الله ما يرزقك وتتزوج بنت الحلال اللي تصلح بالك ..يعني تعمل حسابك هتروح للدكتور لما تمرض ..قصدي تروح للميكانيكي ..هتاكل وتشرب ..قصدي هتحطلها بنزين وزيت ..هتجبلها هدوم في العيد عشان تفرح ..قصدي هتجبلها إكسسوارات وحبتشتكنات ...وبعدين يا باشا الصحه رزق ..قصدي يعني لما ربنا يبارلك فيها مش هتاخد منك غير أكلها وشربها ..قصدي يعني بنزينها وزيتها ..عشان كده لو ناوي توكل على الله وأخلص النيه وخد بالأسباب ..من حيث إنك تسأل عليها كويس ..قصدي تفحصها كويس من ميكانيكا وسمكره ..والباقي بقى بتاع ربنا ..والف مبروك مقدما..وياما ناس جابت عربيات زيرو ..وخدت اللي وراهم وقدامهم ..وياما ناس جابت عربيات موديلات ستينات ..ولو سألته آخر مره كنت عند الميكانيكي إمتى ؟؟؟يقولك ..إيه !!!مش فاكر

هههههههههه انت ضحكتنى بطريقة عجيبة

[مهاب لاشين]

لو هتستخدمها كل يوم على المدى البعيد هتلاقى ان متوسط مصاريفها 500 جنيه شهرياً ممكن شهر تصرف اقل ممكن شهر اكتر ولكن المتوسط فى حدود 500 جنيه

500 مش كتير شوية؟ يعنى العربية كنت جايبها حالتها وحشة ولا ايه؟!!!!

[مهاب لاشين]

أرزاق يا صاحبي أرزاق ..هي العربية عموما تعتبرها زوجتك ..أو إبنك ..يعني حضرتك طالب جامعي ومش متزوج ..ومعندكش عيال ..هي بقى هتبقى زوجتك في المصاريف على ربنا إن شاء الله ما يرزقك وتتزوج بنت الحلال اللي تصلح بالك ..يعني تعمل حسابك هتروح للدكتور لما تمرض ..قصدي تروح للميكانيكي ..هتاكل وتشرب ..قصدي هتحطلها بنزين وزيت ..هتجبلها هدوم في العيد عشان تفرح ..قصدي هتجبلها إكسسوارات وحبتشتكنات ...وبعدين يا باشا الصحه رزق ..قصدي يعني لما ربنا يبارلك فيها مش هتاخد منك غير أكلها وشربها ..قصدي يعني بنزينها وزيتها ..عشان كده لو ناوي توكل على الله وأخلص النيه وخد بالأسباب ..من حيث إنك تسأل عليها كويس ..قصدي تفحصها كويس من ميكانيكا وسمكره ..والباقي بقى بتاع ربنا ..والف مبروك مقدما..وياما ناس جابت عربيات زيرو ..وخدت اللي وراهم وقدامهم ..وياما ناس جابت عربيات موديلات ستينات ..ولو سألته آخر مره كنت عند الميكانيكي إمتى ؟؟؟يقولك ..إيه !!!مش فاكر

بس بما انها كانت معاك ياريت تقلى عنلت ايه علشان العربية حالتها ما شاء الله كانت مويسة كده، يعنى كانت موديل فى حدود كام وسعرها ولا انت بقى اللى ظبتها يعنى؟

مع العلم انى لا افقه شئ فى ميكانيكا السارات :)

[مهاب لاشين]

حسب حاله العربيه نفسها و خبرتك فى العربيات ...
لو العربيه حالتها كويسه مش هاتحتاج كل شويه تروح بيها للميكانيكى و الكهربائى و السمكرى و العفشجى الا فى حالات الصيانة الدورية فقط لا غير (تغيير زيوت و فلاتر و طاقم كهرباء مثلاً) لكن لو العربيه حالتها مش تمام هاتقرفك و هاتصرف عليها قد ثمنها ده غير وقتك اللى هايضيع فى تصليحها ...

وفى ايامنا ديه ال 128 اللى حالتها تمام ديه هلاقيها فى ال20 الف ولا فى حدود كام؟

[Abo_Mazen]

بس بما انها كانت معاك ياريت تقلى عنلت ايه علشان العربية حالتها ما شاء الله كانت مويسة كده، يعنى كانت موديل فى حدود كام وسعرها ولا انت بقى اللى ظبتها يعنى؟

مع العلم انى لا افقه شئ فى ميكانيكا السارات :)

هي كانت موديل 87 ..كنت شاريها غاليه شويه بتاع 1500 جنيه ..صرفت عليها بتاع 3000 جنيه عشان خاطر أضبطها لمزاجي الخاص فقط ..كان فيها شوية باروما عملتها ..وجبتها كاسيت وكساحه وسبويلر وجرايد أبواب وعملت الأرض والكراسي جلد ..وإديتها رشة نضافه ..كده يعني ..ولما بعتها بعتها عشان أطلع لحاجه أحدث مش أكتر

[مهاب لاشين]

واحد قالى 500 فى الشهر و واحد قال بل 3 شهور مصرفش حاجة، طب ريحونى اعمل ايه :(

[hugan]

البنزين بس هايعمل معاك متوسط 250لو مشاويرك بسيطه
250صيانات ومستهلاكات مابين زيوت وفلاتر و قطع غيار
وطوارئ مالهاش ﻻزمه ومواقف محرجه في الشارع
وتحمد ربنا لو صرفت ال500في الشهر

[Abo_Mazen]

واحد قالى 500 فى الشهر و واحد قال بل 3 شهور مصرفش حاجة، طب ريحونى اعمل ايه :(

مش قايلك في الأول أرزاق يا صاحبي أرزاق ..مكانتش بتاخد مني غير بنزينها وزيتها في الثلاث شهور ..لكن ده ما يمنعش إنها كانت بتحتاج برضه في أوقات تانيه ..لكن برضه أوقات تانيه مكانتش بتاخد حاجه

[مهاب لاشين]

مممممم هى فعلا ارزاق سبحان الله، شكرا لكم جميعا والله افدتونى جامد انا كنت فاكرها ارقام اعلى كتير.

شكرا Abo-Mazen و HUGAN

اى حد يقرا الموضوع ممكن يكتبلنا خبرته برده نستفيد

[nickname]

نصيحة عن تجربة
فى الاول هتصرف عليها كويس ومتستخسرش فيها حاجة وهات قطع الغيار الاصلية والنظيفة والحاجة النظيفة هتعرفها من تجارب الاعضاء هنا ومن ميكانيكى يكون محل ثقة وبتتعامل معاه دايما

لو عملت كدة هتلاقى العربية ماشية معاك كويس ومش هتحتاج حاجة غير البنزين وبعض الصيانة الخفيفة زى اى عربية