تغيير زيوت الشاهين

[محاسب صعيدى]

بعد التحية لكل زملاء المنتدى الكرام

رجاء

عايز اغير زيوت سيارة شاهين 2001 وهى سيارة شقيانة شوية
اية احسن زيت موتور لها
اية احسن زيت فتيس
اية احسن زيت كارونة
اية احسن فلتر زيت

هل الشاهين ممكن تسافر من سوهاج الى الاسكندرية طريق صحراوى وما هى الحاجات اللى ضرورى اشيك عليها قبل السفر
مع الشكر

[amr khater]

الماتور
total 5000 بيعد ٥٠٠٠كيلو
لزوجه ٢٠-٥٠

الكرونا والفتيس
زيت ٩٠
موببيل بيعد ٢٠٠٠٠كيلو

كل الزيوت تجبها من البنزينه متجبش زيت من بره

الفلاتر تنزل وسط البلد تجيبهم من الكيلاني شارع شامبليون كل حاجته اصلي

[amr khater]

تسافر طبعا

اههم حاجه الرادتير يكون فيه ميه خضرا موببيل عشان الباقي ممضروب

والكوتش لو عدي علي انتاجه ٥سنين يتغير الفرد اللقدام علي الاقل

[محاسب صعيدى]

شكرا الاخ العزيز amr khater
هل زيت توتال افضل من زيت شل الاصفر للموتور
هل زيت موبيل للكارونة والفتيس افضل من التعاون 140
هل مياة خضراء موبيل افضل من ايدتا الاسبانى
معلش ان مثقل على حضرتك بس بجد نفسى افهم اكتر لانى جديد فى السيارة وهى اول سيارة لى
مع الشكر

[amr khater]

لوزجه ١٤٠ تقيله جدا علي الفتيس والكرونا مش لازم موبيل ي حاجهه لزوجه ٩٠.

المياه الخضرا انا جربت معظمهم المضروب كتير الموبيل الوحيده المش مضروبه ووتجببها من البنزينه٨٠ ج ٤ لتر بس تحتها

وتنسي.

الشل لو متمن انوه مش مضروب هاته مش وحش

متجبش زيت اللا من البنزينه او موزع ممعتمد الغش بقا ييني ععينك

[مواطن مصرى]

اى عربيه مهما كانت حالتها او نوعها او قوه موتورها ممكن تسافر بيها من اسوان لاسكندريه بشرط تكون عارف تمشى الطريق ازاى و تشيك على العربيه قبل ما تسافر و تريح فى النص ..

اعرف واحد عنده ماروتى 800 سى سى سافر بيها العريش و مطروح هوه و عيلته

و اعرف واحد عنده مرسيدس 230 موديل ثمانينات (الزلمكة) مبيتحركش بيها بره بلدهم ..

بالنسبه لأسئلة حضرتك ..

احسن زيت موتور للشاهين هو موبيل الابيض او التعاون الازرق .. الاثنين درجه لزوجتهم sj و الاثنين 20-50 .. الاثنين فى حدود 85:75 جنيه تقريباً و بيتغيروا كل 3000 كيلو و ممكن أقل حسب حاله الموتور ..

نصيحه اخويه علشان توفر فلوسك : ماتحطش زيت غالى فى الشاهين او اى عربيه موتورها من عائله الفيات القديم بصفه عامه الا لو كانت حاله موتوره ممتازه جداً لانك مش هاتستفيد من فرق السعر اللى هاتدفعه ..

احسن زيت فتيس للشاهين هو موبيل 80-90 ..
اشتريه من اى بنزينه موبيل اللتر بحوالى 24 جنيه

احسن زيت كورونا للشاهين هو التعاون 140 ..
اشتريه من اى بنزينه تعاون جركن 4 لتر فى حدود 60 جنيه و ماتشتريش زيت سايب من برميل ..

اى فلتر زيت كورى او تركى او مصرى بيركب على الشاهين المهم يكون مصدره محل قطع غيار مضمون و تغيره مع تغيير الزيت او على الاكثر مره اه و مره لا ..

[amr khater]

مقتنع بكل الحضرتك قولته معادا احسن زيت كورونا للشاهين هو التعاون 140 ..

[amr khater]

[shr71=http://nileup.com/up/uploads/nilemotors_14339319971.jpg]���� : ��� ������ ����� �� ��� ���� ����� ����� ��� ���� ���[/shr71]

[amr khater]

كتالوج الشاهين بيقول ٩٠ فتيس ٩٠ كرونه

[amr khater]

كتالوج الشاهين بالنسبه للزيوت كلها

[عبدالنور]

معلومات مفيده جداا