مطلوب رأى الخبراء فى الشاهين

[رامى خيال]

لدى سيارة شاهين 2006 انجيكشن بها المشاكل التالية:
1- السيارة بعد ماعملت بس 25000 كم ,استهلاكها للبنزين عالى نوعا ما 150 كم فى الصفيحة جوه البلد ,و200 كم بالكاد عالسريع اظبطها ازاى؟
2- السيارة بها حدفة شمال ويمين وانا لسه مغير المقصات بتوعها بمقصات مايلى المانى , بس لسه ماشية بكاوتش النسر بتاعها والعفشجى قالى العفشة مية مية والمقصات جديدة تبقى ايه المشكلة؟

[diesel]

1- علشان موضوع البنزين - يفضل تعمل الصيانه
من تغيير فلتر هواء ( الكتالوج بتاعها بيقول كل 20000 الف تقريبا )
تغيير طقم بوجيهات
و سمعت ان فيه اسبراى علشان تنظيف الحساسات - ( لو حد جربه يا ريت يقولنا عليه )
و بعد كده نشوف موضوع اكل البنزين

2- الحدفه دى من الكاوتش

[hamtle97]

سؤال قبل ما جاوبك على سؤالك
عداد ال rpm بيبقى على كام لفه على السلانسيه
بعد ماتدور بـ 5 دقائق
لو كان مش على 900 لفة ، يبقى انت محتاج تضبط السيارة على الكمبيوتر فى التوكيل
علشان الكمبيوتر بتاع العربية هو اللى بيضبط استهلاك البنزين
لو على 900 لفة ، يبقى مظبوط
غير كده ، استهلاك البنزين بيزيد ، وبيبقى محتاج ضبط
تحياتى

[فادى]

الاستهلاك شبه طبيعى, بالنسبة لسيارة 1600 و دفع خلفى,
و لازم تلاحظ برضو انو من الصعب انك تحسب الاستهلاك بطريقة مضبوطة, ده الى جانب اختلاف الظروف فى كل مرة.
بالنسبة للحدفة الشمال, فحاول تضبط الزوايا, خاصة انك بتقول غيرت المقصات, و غالبا انت غيرتها بسبب مشورة خاطئة من عفشجى, روح لواحد بتاع ضبط زوايا كويس, و خليه يبص على المقصات الجديدة, و يضبط الزوايا.

[mrghost]

الاستهلاك شبه طبيعى, بالنسبة لسيارة 1600 و دفع خلفى,
و لازم تلاحظ برضو انو من الصعب انك تحسب الاستهلاك بطريقة مضبوطة, ده الى جانب اختلاف الظروف فى كل مرة.
بالنسبة للحدفة الشمال, فحاول تضبط الزوايا, خاصة انك بتقول غيرت المقصات, و غالبا انت غيرتها بسبب مشورة خاطئة من عفشجى, روح لواحد بتاع ضبط زوايا كويس, و خليه يبص على المقصات الجديدة, و يضبط الزوايا.

+1111111111111111111