لادا 2107 ام فيات تيمبرا

[ALMOSTABAL]

السلام عليكم ورحمة الله وبركاته

اخوانى الأفاضل اعضاء المنتدى الكرام
اخوكم جديد فى المنتدى وجديد فى عالم السيارات كله وجديد فى السواقة كمان ومحتاج مساعدتكم ضرورى
انا بأختصار مقبل على شراء سيارة استعمال فى حدود 30000 وطبعا كنت ناوى على لادا 2107 روسى انجكشن وبالفعل لقيت حجات كويسة موديل 2006 و2008 فى نفس الرنج بتاع المبلغ بس ليا اصدقاء بينصحونى اجيب فيات تمبرا وبصيت بصة على المعروض منها لقيت حجات موديل 92 و90 و 96 بحالات مختلفة
فأرجو منكم النصيحة لادا ام فيات تمبرا وأرجو من الأخوة الكرام الناصحين لى ان يقولو سبب فنى او من خبرتهم بالسيارة لترجيح احداهم على الأخرى
مع اخذ فى الأعتبار الأتى
1- انا جديد فى السواقة ودى حتكون اول عربية اركبها يعنى معرض لخبطات كتير فى الفترة الاولى من السواقة حسب ماأسمع
2- انا فى طريقى اليومى بمر على منطقة غير ممهدة وطبعا المطبات اللى زى الفل اللى بطول الطريق تقريبا فعايز حاجة تكون عفشتها كويسة جدا وتستحمل
3- تكون مش عايزها تعقدنى من العربيات والسواقة وكل شوية عند ميكانيكى بعمل حاجة وبصرف عليها يعنى اجيبها استعملها كام سنة كده وبعدها ابدأ احط ايدى فيها واصرف عليها

[shake]

لادا او دوجان او شاهين وسيبك من التيمبرا

[ALMOSTABAL]

شكرا على الرد

لادا او دوجان او شاهين وسيبك من التيمبرا
شكرا على الرد shake بس ممكن تكمل جميلك وتعرفنى سبب وجهة نظرك

[رامي مصطفى]

وجهة نظري والله اعلم
التمبرا احسن من اللادا والدوجان والشاهين ميت مره لو حالتها كويسه
كان معايا تمبرا 93 ايطالي وفضلت معايا 3 سنوات جميله جدا
عربيه عفيه جدا وصاج محمل وهعلوها مافيش فرق بينها وبين اللادا تقريبا
الزياده : ماتور ناعم جدا غير الكراكه (اللادا) باور والله اخف من اللانوس 2013 بتاعتي الحاليه تكييف اوسع عربيه صالون مركب بمعني الكلمه وشنطتها بدروم وفي منها فتحة سقف
كعربيه رائعه
الفرق الوحيد هوا فرق السنين بس لصالح اللادا مع ان فيه تمبرا لغاية 2000
وربنا يوفقك بس خلي بالك من الحاله الشهب المصري استخدامه صعب اوي
رقمي 01119958076 لو اي استفسار عن التمبرا تحت امرك

[shake]

وجهة نظرى بالنسبة للمحافظات التيمبرا عربية مش عملية زى اللادا زى من ناحية قطع الغيار اعادة البيع ... بالنسبة للطريق اللى حضرتك بتمشى فيه اللادا والشاهين مخصصوصين بالطرق اللى زى دى انا رشحتلك الشاهين لانها افضل من اللادا شكلا وقول ادأء وفى منها انجكشن وكربراتير بالنسبة للدوجان انا شفت عربية دوجان 4 ازاز كهرباء وباور وتكييف وسمعت والله اعلم انه وضع بلادها اما بقى لو عاوز حاجة شكل التميبرا باور وتكييف بص على الهيونداى اكسيل

[hugan]

انا شايف ان التمبرا افضل واشيك وانعم واحسن من اللادا في كل حاجه
لكن المهم الحاله