Tweet
أنا معايا عربية فيات بترا العربية كانت بتنتش وبتطلع دخنة سودا بس بعد مشوار طويل مش من الأول لفيت بالعربية كتير ومكنش فيه فايدة ورحت لكذا حد من المشهورين ومنهم صابر بتاع مدينة نصر وصرفت علي العربية كتير بس من غير فايدة، كان الحل اللي باقي اني اروح التوكيل وياريتني ما روحت واسمع الحكاية واحكم بنفسك
يوم 24 -5
========
وصلت لتوكيل فيات في العبور بعد مشوار المكان علي الرغم من انه بعيد لكن ظريف وفيه صالة استقبال مريحة، بعد ما بتنتظر شوية فيه مهندس بياخد منك العربية علشان الكشف والنقطة دي بياخدوا فيها وقت طويل أو غير مبرر تقريبا كشف علي العربية في 3 ساعات.
بعد الكشف قالولي العربية عايزة الآتي:
بوابة بنزين
سلوك بوجيهات
بوجيهات
موبينا
حساس map
تعديل كاتينا وظبط
التكلفة الكلية 6000 جنية وبعد ما يغيروا الكلام ده ممكن يكون فيه عمرة للماتور تكلف 10000 جنية لوحدها يعني كله 16000!!!
بعد كلام مع المهندسة اتفقت معاها انهم مع ظبط الكاتينة هايفحصوا الماتور لو فيه مشكلة مش هايكملوا لكن لو سليم هادفع 6000 قيمة القطع اللي هاتتغير، وعلي الرغم من اني كنت مغير معظمهم من قريب وقلتلهم الكلام ده قالولى ليك ان العربية تظبط.
طبعا أنا أول مرة أتعامل مع توكيل قولت دي الناس بتاعة العربية وانت لفيت مش مشكلة الفلوس المهم العربية تظبط. قالولى العربية هاتبات وهاتخلص بعد 3 أيام.
يوم 25-5
=======
تلفون مع المهندسة انهم ظبطو الكتينة والماتور سليم، قولتهلها خلاص أنا موافق علي تغيير قطع الغيار والاستلام يوم السبت.
يوم الاستلام
========
خدت العربية والمهندسة بتقوللي كله تمام ودفعت مبلغ 5600 جنية علشان سلوك البوجيهات ما اتغيرتش، المهم بعد ما طلعت من عندهم وكالعادة العربية بعد المشوار لسه فيها نفس العيب بالظبط !!!! لما بتمشي شوية بتلخبط وتطلع دخنة سودا
طبعا أنا في سري كنت بقول كلام قبيح :)
يوم 28-5
=======
رجعتلهم بالعربية تاني ومهندسة مختلفة اللي استلمت العربية وبعد الفحص قالتلي ظبط كاتينة والعربية هاتبات قولت ماشي مع انهم كانوا قايليين انهم ظبطوها المرة اللى فاتت
يوم 29-5
=======
بالتلفون: أصل المهندس قال دي مش كاتينة دي صبابات وعايزين نتأكد فهانستني مهندس ... هايجي آخر الأسبوع
آخر الأسبوع
========
المهندس فلان قال دى مشكلة وش سلندر بس لازم نفك الاول وتكلفة الفك 600 جنية وبعدين مش عارفين هنلاقي ايه جوة فمش هانعرف نقولك علي التكلفة ولو معجبتكش التكلفة مش هانجمع الماتور تاني هاتخده مفكوك (لفظ قبيح آخر)
أنا قولت: مش هافك الماتور الا لما اعرف تكلفة مبدأية، وبعدين بالنسبة للقطع اللى اتغيرت قبل كده دي مالهاش لزمة عايز أغيرها.
المهندسة قالتلي: حقك محفوظ و ماتقلقش وهاسأل علي التكلفة وأرد عليك
بعدها بيوم:
=======
احنا فكينا الماتور ولقيناه عايز عمرة هاتكلفك 10000 جنية
أنا: (لفظ قبيح بس في سري) أنا قولتلكوا أصلا ما تفتحوش الماتور
هي: أصل المهندس فلان هو اللى قال
أنا: طيب هي عربيتي ولا عربية فلان؟!! أنا مش هاعمل العربية عندكوا وعايز أرجع القطع الأولانية
هي: مافيش مشكلة تعالا خد العربية بس مش متجمعة والقطع هاسألك عليها مدير الصيانة.
بعدها بيوم
======
واحد بيتصل بيا من رقم شخصي أنا المهندس فلان من توكيل فيات أصل أنا من نفس البلد بتاعتك وسمعت
ان عندك مشكلة!!! انت ازاي مش عايز تصلح عربيتك عندنا ازاي تسيبها للصنايعية برة ده احنا بلديات وأنا هاظبتك وهاعملك خصم علشان خاطري يبقي 9000 جنية!!
أنا: (في سري : ايه الحركات البلدي دي؟) في العلي لا شكرا مش عايز
هو: طيب 7 ألاف آخر كلام
أنا: شكرا مش عايز، الواجب اللي تعملهولي انهم يلموا العربية أنا جاي بيها مش هاخدها علي ونش!!! وعايز أرجع قطع الغيار
هو: طيب هاشوف، بس ممكن مانعرفش نرجع البوجيهات
أنا: ياسيدي ما جتش علي البوجيهات بس رجعلى الحاجات الكبيرة.
بعد الحكاية دي حسيت انهم بيلوعوا معايا فبعت شكوي لفيات ايطاليا وردوا عليا انهم هايكلموا الفرع في مصر علشان يحلوا المشكلة.
بعد أسبوع
=========
المهندسة: العربية اتفلت تعالا خدها بس مش هانرجع قطع غيار
أنا: قعد ازعق واهبل ومش عارف أنا بقول ايه من الغيظ
هي: هو كده أخرنا ومفيش كلام غير كده
بعد أسبوع من المدولات في التلفون
=====================
بعد اسبوع كلمت المدير، والمدير هناك ده ولا رئيس الجمهورية اكتر من اسبوع علشان أعرف أكلمة يقولك أصله في اجتماع أصله مجاش طيب هانحولك ويروح الخط قاطع وعلي هذا الحال ثلاث اربع مكالمات في اليوم
وفي الاخر بعد ما كلمته وهو للحقيقة راجل زوق بس برضة مش هانرجع قطع الغيار
النهاردة 23/6:
====
روحت وأنا نفسي مقطوع جبت العربية من عندهم من الغلب وقلة الحيلة بس، بقي يا ناس العربية تروح التوكيل يندفع عليها 5600 جنية وتقد شهر كامل وترجع بنفس العيب، وعلشان يرجعوها بتمشي تاني أقعد اسبوعين اتخانق ده غير العطلة طيب يرضي مين ده ياناس!!!!؟؟؟
والمبرر إن القطع اللى أنا مركبة مش أصليه، طيب ماهي كانت مشغلة العربية بدليل ان اللى انت عملته ما غيرش ولا عالج عيب العربية؟ حتي لو كده المفروض لو هما بيراعوا العميل بتاعهم كانوا غيروا القطع اللى ما أثرتش في العربية في أى شئ.
وحسبي الله ونعم الوكيل
يوم 24 -5
========
وصلت لتوكيل فيات في العبور بعد مشوار المكان علي الرغم من انه بعيد لكن ظريف وفيه صالة استقبال مريحة، بعد ما بتنتظر شوية فيه مهندس بياخد منك العربية علشان الكشف والنقطة دي بياخدوا فيها وقت طويل أو غير مبرر تقريبا كشف علي العربية في 3 ساعات.
بعد الكشف قالولي العربية عايزة الآتي:
بوابة بنزين
سلوك بوجيهات
بوجيهات
موبينا
حساس map
تعديل كاتينا وظبط
التكلفة الكلية 6000 جنية وبعد ما يغيروا الكلام ده ممكن يكون فيه عمرة للماتور تكلف 10000 جنية لوحدها يعني كله 16000!!!
بعد كلام مع المهندسة اتفقت معاها انهم مع ظبط الكاتينة هايفحصوا الماتور لو فيه مشكلة مش هايكملوا لكن لو سليم هادفع 6000 قيمة القطع اللي هاتتغير، وعلي الرغم من اني كنت مغير معظمهم من قريب وقلتلهم الكلام ده قالولى ليك ان العربية تظبط.
طبعا أنا أول مرة أتعامل مع توكيل قولت دي الناس بتاعة العربية وانت لفيت مش مشكلة الفلوس المهم العربية تظبط. قالولى العربية هاتبات وهاتخلص بعد 3 أيام.
يوم 25-5
=======
تلفون مع المهندسة انهم ظبطو الكتينة والماتور سليم، قولتهلها خلاص أنا موافق علي تغيير قطع الغيار والاستلام يوم السبت.
يوم الاستلام
========
خدت العربية والمهندسة بتقوللي كله تمام ودفعت مبلغ 5600 جنية علشان سلوك البوجيهات ما اتغيرتش، المهم بعد ما طلعت من عندهم وكالعادة العربية بعد المشوار لسه فيها نفس العيب بالظبط !!!! لما بتمشي شوية بتلخبط وتطلع دخنة سودا
طبعا أنا في سري كنت بقول كلام قبيح :)
يوم 28-5
=======
رجعتلهم بالعربية تاني ومهندسة مختلفة اللي استلمت العربية وبعد الفحص قالتلي ظبط كاتينة والعربية هاتبات قولت ماشي مع انهم كانوا قايليين انهم ظبطوها المرة اللى فاتت
يوم 29-5
=======
بالتلفون: أصل المهندس قال دي مش كاتينة دي صبابات وعايزين نتأكد فهانستني مهندس ... هايجي آخر الأسبوع
آخر الأسبوع
========
المهندس فلان قال دى مشكلة وش سلندر بس لازم نفك الاول وتكلفة الفك 600 جنية وبعدين مش عارفين هنلاقي ايه جوة فمش هانعرف نقولك علي التكلفة ولو معجبتكش التكلفة مش هانجمع الماتور تاني هاتخده مفكوك (لفظ قبيح آخر)
أنا قولت: مش هافك الماتور الا لما اعرف تكلفة مبدأية، وبعدين بالنسبة للقطع اللى اتغيرت قبل كده دي مالهاش لزمة عايز أغيرها.
المهندسة قالتلي: حقك محفوظ و ماتقلقش وهاسأل علي التكلفة وأرد عليك
بعدها بيوم:
=======
احنا فكينا الماتور ولقيناه عايز عمرة هاتكلفك 10000 جنية
أنا: (لفظ قبيح بس في سري) أنا قولتلكوا أصلا ما تفتحوش الماتور
هي: أصل المهندس فلان هو اللى قال
أنا: طيب هي عربيتي ولا عربية فلان؟!! أنا مش هاعمل العربية عندكوا وعايز أرجع القطع الأولانية
هي: مافيش مشكلة تعالا خد العربية بس مش متجمعة والقطع هاسألك عليها مدير الصيانة.
بعدها بيوم
======
واحد بيتصل بيا من رقم شخصي أنا المهندس فلان من توكيل فيات أصل أنا من نفس البلد بتاعتك وسمعت
ان عندك مشكلة!!! انت ازاي مش عايز تصلح عربيتك عندنا ازاي تسيبها للصنايعية برة ده احنا بلديات وأنا هاظبتك وهاعملك خصم علشان خاطري يبقي 9000 جنية!!
أنا: (في سري : ايه الحركات البلدي دي؟) في العلي لا شكرا مش عايز
هو: طيب 7 ألاف آخر كلام
أنا: شكرا مش عايز، الواجب اللي تعملهولي انهم يلموا العربية أنا جاي بيها مش هاخدها علي ونش!!! وعايز أرجع قطع الغيار
هو: طيب هاشوف، بس ممكن مانعرفش نرجع البوجيهات
أنا: ياسيدي ما جتش علي البوجيهات بس رجعلى الحاجات الكبيرة.
بعد الحكاية دي حسيت انهم بيلوعوا معايا فبعت شكوي لفيات ايطاليا وردوا عليا انهم هايكلموا الفرع في مصر علشان يحلوا المشكلة.
بعد أسبوع
=========
المهندسة: العربية اتفلت تعالا خدها بس مش هانرجع قطع غيار
أنا: قعد ازعق واهبل ومش عارف أنا بقول ايه من الغيظ
هي: هو كده أخرنا ومفيش كلام غير كده
بعد أسبوع من المدولات في التلفون
=====================
بعد اسبوع كلمت المدير، والمدير هناك ده ولا رئيس الجمهورية اكتر من اسبوع علشان أعرف أكلمة يقولك أصله في اجتماع أصله مجاش طيب هانحولك ويروح الخط قاطع وعلي هذا الحال ثلاث اربع مكالمات في اليوم
وفي الاخر بعد ما كلمته وهو للحقيقة راجل زوق بس برضة مش هانرجع قطع الغيار
النهاردة 23/6:
====
روحت وأنا نفسي مقطوع جبت العربية من عندهم من الغلب وقلة الحيلة بس، بقي يا ناس العربية تروح التوكيل يندفع عليها 5600 جنية وتقد شهر كامل وترجع بنفس العيب، وعلشان يرجعوها بتمشي تاني أقعد اسبوعين اتخانق ده غير العطلة طيب يرضي مين ده ياناس!!!!؟؟؟
والمبرر إن القطع اللى أنا مركبة مش أصليه، طيب ماهي كانت مشغلة العربية بدليل ان اللى انت عملته ما غيرش ولا عالج عيب العربية؟ حتي لو كده المفروض لو هما بيراعوا العميل بتاعهم كانوا غيروا القطع اللى ما أثرتش في العربية في أى شئ.
وحسبي الله ونعم الوكيل
Comment