معلومات عن جراند بونتو

[the lawyer]

ممكن مواصفات الجراند بونتو ، وايه عيوبها ... ولو ممكن لو ليها جروب علي الفيس بوك

[marko polo]

facebook

Grande Punto Egypt Club

[abo_salah]

والله يا باشا العربيه جميله - الي حد ما - التوكيل اسوا توكيل في مصر ... سواء اوماترا القديم او النيل الهندسيه الجديد ( بقاله سنه تقريبا )
ملحوظه برضه لو حضرتك عامل حسابك علي الاتوماتيك خد بالك ان طقم الدبرياج بيتغير كل 30 الف كم في التوكيل .. سعره 5000 بالمصنعيه ... لسه ناصبين عليا من شهرين وخلوني غيرته في التوكيل وهو سليم !! مع العلم انه اما باظ علي اول 30 الف كم غيرته بره التوكيل بالمصنعي
ه كلفني 2000-2500 ... في التوكيل اجبروني اغيره بحجه ان عمره الافتراضي 30 الف كم فقط مع العلم انه كان سليم ومش محتاج يتغير ... ب 5000 جنيه بالمصنعيه ده بعد خناقات طويله معاهم اني مش عايز اغيره ....
الموتور 1400 سي سي تقريبا 72 حصان اقتصادي في البنزين الي ابعد الحدود ... طالما حضرتك ماشي اقل من 130 كم/ساعه
برضه حاجه تانيه اسعار قطع الغيار في التوكيل طبعا حدث ولا حرج .. نار نار نار
تيل الفرامل ايطالي 100% فيات ب 950 - بره التوكيل التركي في حدود 500 الماني في حدود 400
للامانه انا كان عندي مشكله في دراع الاشارات من اول ما استلمت العربيه وبلغت التوكيل القديم وغيروهولي ومادفعتش جنيه ... وحصلت نفس المشكله بعد سنه بالظبط كان التوكيل اتنقل للنيل الهندسيه ... وغيروه الصراحه ببلاش ... بس سالت لو المشكله اتكررت تاني بعد الضمان .. قالوا لي حضرتك هاتدفع تمنه 1500 جنيه ... علما باني مستلم العربيه بالمشكله دي اصلا وغيروه مرتين ببلاش !! يعني معترفين بالمشكله اصلا ... بس طالما خرجت من الضمان هادفع تمن الجديد ....
العربيه الصيانه بتاعتها كل 10 الاف كم ... مفيش صيانه اول 1000 كم ..
افتكر اكتر مره دفعت صيانه كانت في حدود ال 2500 - 2700 جنيه \ غير كده الاسعار في حدود 1000-1500 بالكتير

[marko polo]

اسعار

بص يا باشا التيل الاصلي ب 550 بس في انواع تانية ارخص و كويسة جدا برضو من اول 180 لحد 400 تغير طقم الدبرياج للعربية الاتوماتك بالمصنعية برة التوكيل 2000
مش شرط الطقم يتغير كل 30 الف في ناس غيرتوة علي 75 الف يعني حسب الاستخدام