مساعده في تغير تابلوة فيورا 127

[tito447]

السلام عليكم دلوقتي انا عايز اغير تابلوة العربيه
فكنت عايز اعرف ايه اللي ممكن اركبه

[Ramsees]

يعنى عايز تركب حاجة غير الفيورا

[ahmedalaahosny]

اللى شفته راكب بتاع الاوبل الكورسا كان راكب ف عربيه 127 توب اعتقد يركب عادى ع الفيورا
وبرده شفت قبل كدا بس على 128 تابلوه اللانوس راكب وتابلوه السويفت
مس عارف هل ال 128 وال 127 نفس مقاس التابلوه ولا ايه

[Abo_Mazen]

هو اللي أنا شفته طابلوه الأوبل كورسا في ال 128 ..لكن طابلوه الكورسا في 127 مش عارف بصراحه العرض هو هو ولا لأ

[ahmdmagdy]

اعتقد ان مقاس تابلوه ال١٢٧ ممكن يركب عليه الاونو ممكن تقيس الطول بتاع التابلوه و تشوف المناسب ايه

[مواطن مصرى]

عرض تابلوه 128 اكبر من عرض تابلوه 127 بحته بسيطه و بالتالى تابلوه الاوبل كورسا و الاونو مش هايركبوا على 127 الا لو قصيت منهم حته :) وده طبعاً مش منطقى ...
نصيحه ..
هات تابلوه استيراد من وكاله البلح او الحرفيين بحاله كويسه و قبل ما تركبه وديه عند سروجى كويس يشده جلد باللون اللى انت عايزه و لو لقيت فى الوكاله او الحرفيين طاقم عدادات بتاع 127 الاسبانى (الديجيتال) هاتعمل شكل شيك جداً مع طاره دركسيون شكلها حلو و هاتبقى احييت العربيه ..

[hessenp]

عرض تابلوه 128 اكبر من عرض تابلوه 127 بحته بسيطه و بالتالى تابلوه الاوبل كورسا و الاونو مش هايركبوا على 127 الا لو قصيت منهم حته :) وده طبعاً مش منطقى ...
نصيحه ..
هات تابلوه استيراد من وكاله البلح او الحرفيين بحاله كويسه و قبل ما تركبه وديه عند سروجى كويس يشده جلد باللون اللى انت عايزه و لو لقيت فى الوكاله او الحرفيين طاقم عدادات بتاع 127 الاسبانى (الديجيتال) هاتعمل شكل شيك جداً مع طاره دركسيون شكلها حلو و هاتبقى احييت العربيه ..

طب بعد ازنك كنت عايز اعرف سعر الطابلو 127 عامل كامل عامل كام وسعر العدادات عامل كام ... والاحسن عزبه شلبى ولا وكالة البلح ولا الحرفيين ... شكراااااا

[Abo_Mazen]

عرض تابلوه 128 اكبر من عرض تابلوه 127 بحته بسيطه و بالتالى تابلوه الاوبل كورسا و الاونو مش هايركبوا على 127 الا لو قصيت منهم حته :) وده طبعاً مش منطقى ...
نصيحه ..
هات تابلوه استيراد من وكاله البلح او الحرفيين بحاله كويسه و قبل ما تركبه وديه عند سروجى كويس يشده جلد باللون اللى انت عايزه و لو لقيت فى الوكاله او الحرفيين طاقم عدادات بتاع 127 الاسبانى (الديجيتال) هاتعمل شكل شيك جداً مع طاره دركسيون شكلها حلو و هاتبقى احييت العربيه ..

هي ال١٢٧ ليها عدادات ديجيتال حتي لو اسباني؟؟