بونتو 2003 (اول مره اشتري عربيه )

[manabedo]

السلام عليكم
انا بجد الي شجعني اسالكم لاني بجد لقيت اغلب الي موجدين بيجوبوا زي ميكونوا اخوات و حسيت بجد انكوا اكتر ناس حتفيدوني عشان اول مره اشتري عربيه
المهم عشان مطولش عليكوا
انا دلوقتي بعد اذن ربنا ناوي اشتري عربيه بونتو 2003 عجبانيييييييي اوييييييييييييي المهم عايز اعرف اسعار قطع الغيار و البنزين وكل خحاجه عنها بس موديل 2003 مش قبل ولا بعد عشان ديه الي انا عايزها و الثبات بتاعها لاني بحب العربيه ثابته يعني لو كل حاجه عنها
واسف لو طولت عليكوا

[tutankhamoun]

السلام عليكم
انا بجد الي شجعني اسالكم لاني بجد لقيت اغلب الي موجدين بيجوبوا زي ميكونوا اخوات و حسيت بجد انكوا اكتر ناس حتفيدوني عشان اول مره اشتري عربيه
المهم عشان مطولش عليكوا
انا دلوقتي بعد اذن ربنا ناوي اشتري عربيه بونتو 2003 عجبانيييييييي اوييييييييييييي المهم عايز اعرف اسعار قطع الغيار و البنزين وكل خحاجه عنها بس موديل 2003 مش قبل ولا بعد عشان ديه الي انا عايزها و الثبات بتاعها لاني بحب العربيه ثابته يعني لو كل حاجه عنها
واسف لو طولت عليكوا

من ناحية البنزين موفرة جدا
من ناحية الثبات ثابتة و خصوصا أن أقصى سرعة ليها 150 أو 155 ( سرعة رسمية )
لغاية 120 أو 130 زي الفل .... بالنسبة لفئتها طبعا
قطع الغيار متوفرة و ثمنها معقول و فيه من كل قطع الغيار الإيطالي و هو الأفضل ( و أحسن من الألماني ) و فيه ألماني و أسباني و أنجليزي و دول أفضل حاجة و أفضل ما فيهم الأيطالي
و فيه قطع غيار صيني و تايواني و التايواني أفضل
و فيه قطع غيار تركي كمان و معقولة جدا و ثمنها معقول

بالنسبة لموديل 2003 ....... = موديل 2002 في كل حاجة
نسخة طبق الأصل و الأختلاف في سنة الصنع فقط على ما أتذكر وأنا متأكد بنسبة لا تقل عن 90 %

على فكرة العربية هاتعجبك قوي كأداء و شكل
ربنا معاك و تقع في حاجة حلوة بإذن الله تعالى

مراكز الصيانة متوفرة و أي ميكانيكي ممكن يشتغل في العربية
بالنسبة لمراكز الخدمة المعتمدة أو مراكز الخدمة المحترمة ( علشان تبعد عن تأليف بعض الميكانيكية المفتيين )
فيه التوكيل طبعا و هو أوماترا و ده في منطقة جسر السويس
و فيه النيل الهندسية و ده في أبو رواش و أسعارهم معقولة و ممكن تشتري قطع الغيار من برة و تركبها هناك بس مش هاتأخد ضمان على التركيب زي ما تشتري منهم قطع الغيار و ضمان التركيب هناك هو 3 شهور

طبعا أنت ممكن تعمل الحاجات الخفيفة برة التوكيل أو مراكز الخدمة
إنما الصيانات اللي هاتفك فيها الموتور
ما أنصحكش تروح لميكانيكي
تخليك في المضمون أحسن ......... هاتدفع فلوس زيادة شوية
بس على الأقل بالك هيكون مرتاح لأن برضه التوكيل أو النيل الهندسية فاهمين في العربية قوي
خصوصا النيل الهندسية
لأنهم كانوا التوكيل السابق لفيات و علشان أسعارهم معقولة في الصيانة بتلاقي أغلب المُلاك اللي عندهم فيات خارج الضمان بيروح النيل الهندسية
و أغلب العربيات اللي بيصلحوها هناك بونتو و سينا و ألف روميو

و لو عندك أي سؤال تاني ........ تحت أمرك

على فكرة
فيه محلات قطع غيار متخصصين في الفيات في وسط البلد و أشهرهم
الكيلاني في شارع معروف في وسط البلد و ده إن شاء الله تلاقي عنده كل اللي أنت عاوزه و أسعارهم معقولة

[manabedo]

من ناحية البنزين موفرة جدا
من ناحية الثبات ثابتة و خصوصا أن أقصى سرعة ليها 150 أو 155 ( سرعة رسمية )
لغاية 120 أو 130 زي الفل .... بالنسبة لفئتها طبعا
قطع الغيار متوفرة و ثمنها معقول و فيه من كل قطع الغيار الإيطالي و هو الأفضل ( و أحسن من الألماني ) و فيه ألماني و أسباني و أنجليزي و دول أفضل حاجة و أفضل ما فيهم الأيطالي
و فيه قطع غيار صيني و تايواني و التايواني أفضل
و فيه قطع غيار تركي كمان و معقولة جدا و ثمنها معقول

بالنسبة لموديل 2003 ....... = موديل 2002 في كل حاجة
نسخة طبق الأصل و الأختلاف في سنة الصنع فقط على ما أتذكر وأنا متأكد بنسبة لا تقل عن 90 %

على فكرة العربية هاتعجبك قوي كأداء و شكل
ربنا معاك و تقع في حاجة حلوة بإذن الله تعالى

مراكز الصيانة متوفرة و أي ميكانيكي ممكن يشتغل في العربية
بالنسبة لمراكز الخدمة المعتمدة أو مراكز الخدمة المحترمة ( علشان تبعد عن تأليف بعض الميكانيكية المفتيين )
فيه التوكيل طبعا و هو أوماترا و ده في منطقة جسر السويس
و فيه النيل الهندسية و ده في أبو رواش و أسعارهم معقولة و ممكن تشتري قطع الغيار من برة و تركبها هناك بس مش هاتأخد ضمان على التركيب زي ما تشتري منهم قطع الغيار و ضمان التركيب هناك هو 3 شهور

طبعا أنت ممكن تعمل الحاجات الخفيفة برة التوكيل أو مراكز الخدمة
إنما الصيانات اللي هاتفك فيها الموتور
ما أنصحكش تروح لميكانيكي
تخليك في المضمون أحسن ......... هاتدفع فلوس زيادة شوية
بس على الأقل بالك هيكون مرتاح لأن برضه التوكيل أو النيل الهندسية فاهمين في العربية قوي
خصوصا النيل الهندسية
لأنهم كانوا التوكيل السابق لفيات و علشان أسعارهم معقولة في الصيانة بتلاقي أغلب المُلاك اللي عندهم فيات خارج الضمان بيروح النيل الهندسية
و أغلب العربيات اللي بيصلحوها هناك بونتو و سينا و ألف روميو

و لو عندك أي سؤال تاني ........ تحت أمرك

على فكرة
فيه محلات قطع غيار متخصصين في الفيات في وسط البلد و أشهرهم
الكيلاني في شارع معروف في وسط البلد و ده إن شاء الله تلاقي عنده كل اللي أنت عاوزه و أسعارهم معقولة

بجد والله انا مش عارف اشكرك ازاي بجد الف الف الف الف الف الف الف الف الف شكر علي تعبك و اهتمامك و متشكر لانك طمنطني من ناحيه العربيه و باذن الله اول مربنا يوفقني و اجيبها حبلغلك يا باشا و اسف علي تعبك و متشكر تاني

[Dr.A.Nabil]

طبعا عم توت عنخ امون
جاب المفيد كله
وانا معايا بونتو 2003
ومبسوط منها جدا

لو فيه اي حاجه قوللي وانا معاك

هي العربيه اللي انت عاوزها
سعرها كام؟

[manabedo]

والله انا قدامي اكتر من واحده الغلب في حدود 50 اخرها انا مش حقدر ادفع اكتر من كده انا بس بدور علي واحده برتقالي شكلها بجد يهبل و الي معاه العربيه دي مش عايز يبيع لو ملقتش خالص حجبيها اسود او سيلفر الاتنين جمدين جدا برضوا
وبجد اتا متشكر اوي يا جماعه علي اهتمامكوا بسؤالي كده

[samady86]

يارجالة كنت بسال اية اخبار الحك بتاع المطبات ؟؟ شكراااا