فيات بيترا

[wlng76]

شكرا يا استاذ أحمد, بس أنا كنت ناوى اشترى عربية بترا لإنها عجبانى جدا بس كنت قلقان من شوية حاجات, عن عمرها الإفتراضى وأسعار الصيانة لإنى عارف كويس ان صيانة الكورى رخيصة نوعا ما بس مش عمر طويل أول قوة ومتانة.
مع العلم انا راكب كورى من 2000 مابين الأكسنت والانوس والنوبيرا دا غير انى اتربيت على ال128

[Ahmed Anwer]

كلنا بنحب الفيات طبعا ،
بس لو الوكيل بتاعها مضبطش نفسه هتخسر مكانتها أكثر في السوق ، هيا تقريبا الكوري حل محلها تماما كسيارة اقتصادية ،رخيصة و قطع غيارها و صيانتها متوفرة
ده غير إن الكوري فيه ريحة الياباني من حيث النعومة و الأداء
معنديش فكرة بصراحة عن الفيات الجديد و مفيش موديل فيه جذاب بالنسبة ليا كإمكانيات و سعر

[Nader]

مفيش عيوب خالص للفيات

بس لو الوكيل بتاعها مضبطش نفسه هتخسر مكانتها أكثر في السوق

هو دة اكبر عيوب الفيات وكيل مش فاهم حاجة + قطع غيار مش منتشرة وفي بعض الاحيان مش متوفرة اصلاً واسعار العربيات مبالغ فية مما يؤدي الي احجام الناس عنها لعدم تكبد الخسائر في اعادة البيع.

[Ahmed Anwer]

شكرا يا أ/نادر علي صراحتك ، للأسف في ناس كتير بتبقي مش شايفة غير الميزات في الماركة أو العربية اللي معاها يمكن عشان الواحد لما حد بيشكك في عربيته أو ماركته بيعتبر ده إهانة لذكائه وقدرته علي الإختيار
بس ليا سؤال بخصوص الفيات ، الأنواع الحديثة بتاعتها ناعمة زي العربيات الجديدة و لا لسه زي الفيات القديم اللي متعودين عليه

[Nader]

فرق السما من الارض، انا مثلاً بتكلم عن الـ128 والاونو لا وجة للمقارنة على الاطلاق. السينا مثلاً افضل من الاونو "انعم" وانا شايف ان المفروض العربيات بتطور للافضل وفيات من اعرق الشركات المصنعة للسيارات بس هو التوكيل اللي بلونا بية.

[Ahmed Anwer]

يعني معقول شركة فيات اللي السوق المصري كان ملعبها و كانت شبه محتكراه يبقي الوكيل بتاعها فاشل كده و تسيبه

[Nader]

عقود ولعب قانونية!! هيعملوا اية؟؟

[hazem_khidr]

يعني معقول شركة فيات اللي السوق المصري كان ملعبها و كانت شبه محتكراه يبقي الوكيل بتاعها فاشل كده و تسيبه

هيا دي الحقيقه للاسف و ساعد علي كده ان فيات انتشرت بشكل جامد في البرازيل و الارجنتين و الصين ف بقت مصر بالنسبه ليها مش مهمه اوي. لكن فضل اسم مصر مرتبط لفتره طويله فعلا باسم فيات لكنه ايام و راحت :(

[ahmed1981]

من كلام البشمهندس سبعاوي من موقع كونتاكت

عن السيننا وحكايتها ، وفروقها عن اللانوس
sab3aawy 06/11/2006 10:54:33 ص
عدد القراء : 657
مقارنة اللانوس بالسيينا هى بشكل أعم مقارنة بين جنرال موتورز وفيات من وجهة نظر السيارات الإقتصادية

انا بس حابب هنا اتكلم شوية عن السيينا لانى ماجتليش فرصة اتكلم عليها قبل كدة:
السيننا هى نتاج مشروع بدأته فيات فى التسعينات اسمه مشروع السيارة 178،ويبدو انهم اختارو الرقم دا تيمنا بالتصميم 128 والذى لم يكن فقط نقلة تاريخة لتصميمات فيات(جميع سيارت فيات الحالية مبنية على تصميمات محسنة لل128) ولكنه كان ايضا بداية لعهد جديد فى تصميم السيارات فى العالم كله حيث ان ال 128 كانت هى أول سيارة فى العالم ذات جر امامى ومحرك بالعرض ومحورين جر غير متساويين فى الطول وهو التصميم الذى تصنع به 99% من السيارات الملاكى فى العالم حاليا،المهم نعود الى السيننا، كان هدف المشروع 178 هو تصميم سيارة اقتصادية قليلة التكلفة وفى نفس الوقت عاليه الاداء، يتم تصنعها فى مصانع فيات خارج ايطاليا(بولند، تركيا، البرازيل، مصر ، الصين) بتكلفة معقولة للإستهلاك المحلى والتصدير الى دول العالم الثالث، وهكذا شهدت السيارة 178 النور فى اوخر التسعينات، ولكنها لم تحمل الإسم 178 سوى فى الصين، اما فى تركيا فقد اطلق عيعا اسم باليو للتصدير الى اوروبا، وعرفت اواوربا منها النسخة الهاتش باك فقط بما يناسب الذوق الأوروبى، اما فى البرازيل فقد وافق بدايه انتاجها رحيل نجم سبافات السيارات البرازيلى الأسطورى إيرتون سيننا الذى كانت تعبده البرازيل فى حادث سيارة، ولذلك اطلقت فيات عليها اسم النجم الراحل، الأمر الذى خلق لها شعبية كاسحة فى البرازيل، وقامت فيات بترتيبات انتاجها فى مصر مع شريك جديد بخلاف شركة النصر شريكها القديم الذى اقتصر تعاملها معه على توفاش التركية والتى كانت فيات تمتلك 40% منها حتى وقت قريب، وكان هذا الشريك هو الدكتور عبد المنعم سعودى وكيل فيات السابق ، وتم تجميع الألاف من سيارات السيننا فى مصانعه بمكونات برازيلية ومحلية.

سيارة فيات سيينا مبنية على قاعدة عجلات السيارة البونتو، التى هى نسخة كبرة الى حد ما من قاعدة عجلات سلفتها الفيات اونو، التى تطورت بدورها من ال127 والتى كانت نسخة مصغرة من قاعدة عجلات ال128، اما محرك السينا 1400 فهو احد اشهر محركات فيات واطولها عمرا، والغريب انه ايضا بدا مع ال128، فقد كانت اول سيارة حملت هذا المحرك ذو الكامة العلوية SOHCهى ال128، ومن بعدها حملته الريتمو والريجاتا والتمبرا والتيبووالبونتو واللانشيا ديدرا ثم الدوجان والشاهين والسيينا، طبعا بمقاسات مختلفة ولكن بنفس التصميم بتعديلات لا تذكر
وعموما فإن الإستعانة بتصميمات جاهزة لمحركات وشاسيهات ناجحة جاء بغرض توفير النفقات لتقليل التكلفة الإجمالية لإنتاج السيارة ولكنه لم ياتى اطلاقا على حساب جودة السيارة

السيارة سيينا بمجرد ان تدخلها تشعر بملمس واسلوب وطعم ورائحة فيات، ولو نطقت لتكلمت بالإيطالية قائلة انا فيات ياجماعة، لها كل مميزات وعيوب الفيات
التابلوة جميل جدا ولكن الابواب فقيرة كعادة فيات، المحرك الذى لا هو خشن ولا هو ناعم ولكنه قوى رياضى الطابع رائع فى الRPM العالية ولكنة يفتقر الى المرونة فى الأداء على الRPM المنخفضة او بلغة ابسط يحتاج الى نقلات كثيرة طوال الوقت ولكن سرعته القصوى عالية، نظام تعليق الفيات يتعامل جيدا مع الأرض المكسرة في بلدنا ولكنه لا يجيد التعامل برقة مع من بداخل السيارة
السيارة عموما ملمومة ومتينة وتعطى الإحساس بالأمان لمن هم بداخلها،
مريحة الى حد ما لكن ليس بنفس اسلوب السيارات المبنية على لفكر اليابانى مثلا

أرى ان احد الخسائر الكبرى التى خسرتها بلدنا هى اختفاء السيننا من السوق حيث انها تمثل لون اخر من السيارت الشعبية يختلف عن اللانوس والفيرنا، كما تختلف الى حد ما عن الشاهين، ورغم عودة السيننا بشكلها الجديد الى السوق الا ان تسويقها ضغيف للغاية ولا توجد سياسة قوية لإعادتها الى مكانها كواحدة من سيارات مصر الشعبية

انا طبعا اتكلمت عن الانوس قبل كدة كثير ، بس فى عجالة كدة هاركز على كام نقطة فى الفروق بينها وبن السيننا

زى ما قلت فى الأول سيننا هى فيات اقتصادية(يعنى مش متكلفة اوى) ولانوس هى جنرال موتوز اقتصادية ، يعنى ممكن نعتبر ببسطة ان السيننا هى تقليد التمبرا مثلا، واللانو هى تقليد الاوبل، وتظهر ملامح الشركة المصممة على كل منهما

السيننا شاسية معقول، صاج معقول ، محرك قوى ولكنه فى نفس الوقت غير مرن، ذو درجة خشونة متوسطة، عمر محركها فى حدود الربع مليون كيلومتر، صالونها اضيق من اللانوس ، قيادتها مريحة، عفشتها امتن من اللانوس ولكنها ليست بنفس درجة راحة اللانوس، قطع غيار محركها رمقولة ولكن الأجزاء الخارجية والصاج مكلفة
اما اللانوس فهى تتميز بالشاسية والمحرك والراحة داخل الصالون ونعومة القيادة ولكن الصاج الخارجى ضعيف بالمقارنة بالسيينا واجزاء التعليق والجر اقصر عمرا من السيينا

[ahmed1981]

وهذا رد م/ معتز الجمل من موقع كونتاكت

mo3tazelgamal 01/01/2007 07:36:11 م
فليسمح لى م/ سبعاوى
لى تجربه قصيرة مع السيينا 1400 حوالى 17 شهر فقط (أنا أشتريتها مستعمله 37000km وبعتها 50000KM)العربيه ممتازة من حيث الفخامه وجودة التقفيل من الداخل تصميم السيارة أيطالى تم التصنيع تحت مسمى سيينا فى عدة دول منها تركيا والبرازيل و بولندا ومصر
أرتفاع السيارة عن الأرض ممتاز -أمكانيتها معقوله - بطيئه شويه فى التسارع - تقدر تجيب بيها لغايه 160 مستريح - الصاج قوى مقارنه بالانوس-الشنطه كبيرة -تقدر تلف بيها طول النهار والليل والعربيه ما تشتكيش قطع الغيار كويسه فانوس أمامى 200 -خلفى 125 -غماز الجنب 25 - مقبض الفتيس 75 ج
عيوب العربيه
الكهربا بتاعتها صعبه جدا (مش أى حديشتغل فيها)خصوصا السنتر
العربيه بتعوم لو فيه أكتر من واحد على الكنبه (فوق 120)
الصاج سهل جدا تمشى فيه البارومه(كل السيينا إللى شوفتهاالباب إللى خلف السائق فيه باروما)و تحت العتب
التكييف بيخنق العربيه جدا فى الزحمه بس فى 1600 الموضوع دة مش موجود
المقصات والمساعدين ضعاف شويه -تحتاج ضبط زوايا كتير
بالنسبه لل1600 قطع غيار الميكانيكا غاليه جدا جدا جدا أما باقى قطع الغيار فهى هى
دى كل حاجه عن العربيه لو تخلى تاجرعربيات أو حد من أصحابك يبص على العربيه كويس فلو يكون الصاج ممتاز أتكل على الله
م/ معتز الجمل

[فادى]

بصراحة حرام المقارنة بين اسم عريق مثل فيات و شركات لازالت فى طور صناعة سيارات تسير و حسب مثل هيونداى و كيا و غير ذلك و مازالت فى طور التقليد و النسخ.
فيات سيارة ايطالية تتميز بالطابع الرياضى البحت و تحمل لواء القيادة الرياضية الخشنة و فلسفتها هى صناعة سيارة بأداء رياضى, دون التضحية تماما بعوامل الراحة و العملانية.
و من مظاهر هذا الطابع الرياضى :
- المحرك العصبى ذو الصوت المرتفع.
- نظم التعليق شديدة القسوة التى تحافظ على توازن السيارة فى المنحنيات و أثناء الانطلاق و الكبح العنيف.
- وضعية القيادة المائلة لليمين.

و تتميز سيارات فيات عموما بالابتكار و التصميمات الثورية لها العديد من الابتكارات المسجلة باسمها فى مجال السيارات و نذكر منها :
- محرك بوضعية عرضية (فيات 128)
- محرك تربو ديزل حقن مباشر (فيات كروما 1986)
كما أنها من اوائل الشركات التى استخدمت علب تروس ذكية عبر علبة فيرارى الشهيرة "سيلسبيد"
و تسيطر فيات على كل من ألفاروميو و لانسيا بشكل كبير و تعتبر هذه السيارات الأن فيات لكن أكثر فخامة, و تتشارك سيارات فيات معهم المحركات و قواعد العجلات.و بشكل أقل تتشارك بعض التقنيات مع فيرارى و مازيراتى التى تمتلكهم أيضا.
و اذا كانت مرسيدس يسمونها النجمة التى تقود الجميع.
فان فيات تقود الجميع فى صناعة السيارات الصغيرة.
يكفى أن نذكر مثلا الكشافات الخلفية المرتفعة (فيات بونتو)
تبعتها فورد فوكاس, هيونداى أتوس.
و تتنافس فيات مع فولكس و رينو و بيجو و ليس مع هيونداى و لا حتى تويوتا.
و الفرق التكنولوجى بين سيارات فيات و بين السيارات الكورية كبير جدا, يعنى مثلا :
- الكثير من سيارات فيات الصغيرة مزود بعلب تروس ذكية,بينما لا نجد أى سيارة كورية كبيرة كانت أو صغيرة مزودة بمثل ذلك.
- الكثير من سيارات فيات مزودة بأنظمة للحفاظ على الثبات, بينما لا تزود به أى سيارة كورية.
و فيات تمتلك شركة متقدمة جدا فى مجال تطوير تكنولوجيا السيارت و هى "ماجنيتى أريللى" و التى قامت بتطوير علبة السيلسبيد.
و لا ننسى ان مايكل شوماخر كان يقود فيرارى على الحلبات و يقود فيات باندا على الطرقات العامة, و كان يثنى عليها بشكل كبير.
و فيات باندا كانت مجلة "سبور أوتو" قد أطلقت عليها "فيرارى جونيور" سلفا.

[mandochan]

ya gama3a momken as2l 3ala fiat petra 2004 nw f a7'er 2009 ba2et bkaaaam ..shukrann