هي الاونو الايطالي لحد موديل كام

[abear77]

بسم الله

سؤال للاخوة الافاضل بالمنتدى
هي الاونو الايطالي لحد موديل 93 و لا 94 ناس قالوا 93 و ناس قالوا 94
و انا مش عارفة و صحيح الايطالي افضل من الموديلات اللي بعدها اللي عرفته
ان الايطالي ارخص في قطع الغيار و لا مش فارقة
في سؤال كمان طبعا الكل شكر في الاونو بس قرات راي وحيد بيقول انها سهل انها تقلب
يعني لو ماشي في طريق سريع و حاولت تتفادى حاجة يمين او شمال على سرعة بسهولة تقلب
هل الكلام ده صح لاني اصلا ها اسافر بيها من بيتي لشغلي على طريق سريع 50 كم رايح جاي
برجاء الافادة لاني ناويه ان شاء الله اشتريها و هي في حدود امكانياتي
و جزاكم الله خيرا و نفع الله بكم

[Abo_Mazen]

الأونو الإيطالي لغاية 94 ..

بعد كده بقت أسباني وبولندي تقريبا ..مش متأكد من حكاية بولندي دي

حكاية إنها تقلب دي غريبه شوية ..لإن عربية موديل 94 اكيد هيكون حرام على صاحبها إنه يجيب بيها فوق ال 120 ..وأعتقد ..أي عربية ما دامت عفشتها كويسه فهي آمنه في الآتزان لغاية سرعة 120 ..فوق كده أنا ما أضمنش

مش مشهور عنها إنها بتقلب ..وده أكيد لإن اللي بيسوقها ما بيحاولش يتخطى بيها سرعة من 100 إلى 120

الأونو لغاية سنة 2004 نفس الشكل الخارجي ..إبتداء من سنة 2000 بدأ يحصل إختلافات في المحرك ..وده عشان بدئ إستخدام نظام تغذية الوقود بالحقن ..وبعدين تطور الموضوع لإستخدام نظام تغذية الوقود بنظام الحقن متعدد النقاط

هي تعتبر تقريبا كده تطوير للفيات 127 ..عربية مطلوبة عشان كده ماسكه سعر نوعا ما ..أهم حاجه في حالتها ..الطبلية من تحت ..الحوض ..حالة المكنه

[SHERBINII]

الايطالي فيها لحد 94 وهيا عربية خفيفة زي أي عربية صغيرة بس طالما مش حتجري مفيش قلق المهم كوتش نضيف وجنط نضيف وعفشه سليمة وخلاص والافضل منها في وجهة نظري الاكسنت 99 98 أو اكسيل زودي شوية وهاتي حاجة منهم