بونتو ايفو 2015 ولا لوجان 2015

[angry_devil]

لاصحاب الفيات بونتو ايفو
محتار ما بين ايفو زيرو 2015 مانيوال
ورينو لوجان الجديدة ؟؟؟
لما روحت القرش للسيارات مصر الجديدة قالي ابعد عن الفيات!!
قطع غيار و resale مش حلو !!
عايز اعرف من مالكيها البونتو ايفو هي 77 حصان ... نظامها ايه مع التكييف وهل ده ماثر ع الاداء بتاعها ؟؟؟ اللوجان مانيوال 90 حصان .. بس انا مقتنع جدا بالايفو وشايف انها احلي واعلي من اللوجان
ف انتظار وحوش البونتو للرد :D

[Ahmed.MT911]

لاصحاب الفيات بونتو ايفو
محتار ما بين ايفو زيرو 2015 مانيوال
ورينو لوجان الجديدة ؟؟؟
لما روحت القرش للسيارات مصر الجديدة قالي ابعد عن الفيات!!
قطع غيار و resale مش حلو !!
عايز اعرف من مالكيها البونتو ايفو هي 77 حصان ... نظامها ايه مع التكييف وهل ده ماثر ع الاداء بتاعها ؟؟؟ اللوجان مانيوال 90 حصان .. بس انا مقتنع جدا بالايفو وشايف انها احلي واعلي من اللوجان
ف انتظار وحوش البونتو للرد :d

بص ياباشا هو مبدئيا كده مفيش ايفو 2015

علي حد علمي الايفو كانت لحد 2011 بس

الموديلات الجديدة اللي نازلة من فيات بونتو هما 3 بس

بوب مانويل 99.000 / ايزي اوتو ماتيك 119.000 / لاوينج اوتوماتيك فول اوبشن 140.000

والاصدار اللي نازل مصر في الفيات بونتو 77 حصان بالفتيس الاوتو ماتيك (دووال لوجيك )

موضوع باه ان ال 77 بيأثر مع التكييف علي العربية ولا مش بيأثر بصراحة مش عارف

بس كان فيه اخ معاه بونتو بوب 2015 كان كاتب تقرير عن العربية وهي عاملة ايه معاه ممكن حضرتك تدور

علي الموضوع علي المنتدي هنا وتتواصل حتي مع صاحب العربية تشوف عاملة ايه معاه

وموضوع اعادة البيع ده بشوف انه نسبي شوية

يعني محدش غالبا بيركب فيات الا لما بيكون هاوي الاوربي والفيات تحديد فممكن تبيع له العربية بسعر كويس وممكن تبيع العربية لواحد مش بيفهم فيخسف بسعرها الارض

يلا بالتوفيق ان شاء الله

[u3mbkp]

مينفعش تقارن الايفو او البونتو او الجراند مع اللوجان .. دي عربية شبابي والاخري عائلية او بمعني آخر دي هاتشباك ودي سيدان...البونتو للشد والجري والشكل المميز..بس مع التكييف وتحميل اب وام وعيلين ورا هتبقي بطة بلدي.. اما اللوجان فعربية عائلية متزنة لاسرة هادئة مش عاوزة جري او منظرة ..الاثنين صاجهم ضعيف زي اي عربية جديدة...قطع الغيار غالية نسبيا بالنسبة للفيات..ومش هينفع اكمل لاني زي ماقلت العربيتين فئات مختلفة.

[memo_p910]

اافروق بينهم كتيره
انا كنت محتار زيك والحمد لله اني اخترت البونتو
البونتو افضل في كل شيء تقريبا صناعه محترمه جدا وتقفيل محترم وجوده عاليه
اللوجان العكس
البونتو ثبات وعزل محترمين اللوجان العكس

تكنولوجيا البونتو برده تتفوق

الموتور اللوجان اقوى لكن برده مننساش ان موتور البونتو موفر جدا في الاستهلاك

الوسع الداخلي اللوجان طبعا لكن البونتو مش ضيقه

واي اسئله انا موجود

[memo_p910]

نسيت كمان تكييف البونتو فاجأني بأدائه الممتاز في موجة الحر اللي فاتت بدون تاثير على السحب بأمانه