استفسار عن السيينا

[RagehYS]

السلام عليكم :)


بفكر فعليا فى انى اشترى سيينا اليومين دول ...

بس كان ليا شوية اسئلة بسيطة كدة ( مع مراعاة ان خبرتى فى العربيات على قدى اصلا :d )

اولا : ايه السعر المنطقى للسيينا حالة كويسة .. يعنى اقل سعر للحالة المعقولة ممكن الاقيه و اعلى سعر لافضل حالة ؟ :)

ثانيا : ايه اهم حاجات اتأكد منها فى اى عربية اشوفها قبل الشراء .. يعنى المشاكل الاكثر شيوعا او اللى هتقرفنى بعد كدة :)

ثالثا : بصراحة الموتور الـ 1600 مغرى بالنسبالى و حاسس ان اداؤه هيبقى رائع بالنسبة لحجم العربية ... بس شايف ناس كتير بتفضل الـ 1400 عنه .. ايه السبب ؟

رابعا : التكييف بيأثر قوى على الـ 1400 ولا بيشتغل كويس من غير مشاكل ؟
و تكييف العربية عموما ايه اخباره ؟ ..

خامسا : مشكلة البارومة فى الابواب دى فعلا مشكلة شائعة قوى ؟ .. و يا ترى اكتشفها ازاى ؟

سادسا : وسع الصالون مناسب لاستخدام عائلى ولا ضيقة ؟ ( بالمقارنة مثلا بالـسكودا فيفوريت او فليشيا او ستروين زد اكس )

سابعا : ايه الفرق بين سيينا و سيينا بلس ؟ .. و فى فرق يذكر فى سنة التصنيع بين العربيات و بعض غير عدد الكيلوات ؟ ...

انا عارف انى رغاى بس فعلا محتاج نصيحة ^_^

و الف شكر مقدما لأى حد حيهتم بالموضوع :)

[hesham fawzy h]

عندما تقول سينا ، قول بارومة

هات اكسل افضل بكتير

[hesham fawzy h]

عندما تقول سينا ، قول بارومة

هات اكسل افضل بكتير

[RagehYS]

هو موضوع البارومة سمعتها من ناس كتير ان المشكلة دايما فى الابواب بسبب اهمال فتحة تصريف المياه اللى فيهم .. مش عارف مدى مصداقية ده ايه :)

[AlphaCharlie]

السلام عليكم :)


بفكر فعليا فى انى اشترى سيينا اليومين دول ...

بس كان ليا شوية اسئلة بسيطة كدة ( مع مراعاة ان خبرتى فى العربيات على قدى اصلا :d )

اولا : ايه السعر المنطقى للسيينا حالة كويسة .. يعنى اقل سعر للحالة المعقولة ممكن الاقيه و اعلى سعر لافضل حالة ؟ :)

حوالي 30 الي 35 الف

ثانيا : ايه اهم حاجات اتأكد منها فى اى عربية اشوفها قبل الشراء .. يعنى المشاكل الاكثر شيوعا او اللى هتقرفنى بعد كدة :)

روح تكشف في التوكيل لأنها حساسة وقليل الي يكتشفوا فيها العيوب.

ثالثا : بصراحة الموتور الـ 1600 مغرى بالنسبالى و حاسس ان اداؤه هيبقى رائع بالنسبة لحجم العربية ... بس شايف ناس كتير بتفضل الـ 1400 عنه .. ايه السبب ؟

كثرة الحساسات في 1600 عن 1400 بتزود المشاكل لو هيا عربية متهانة.

رابعا : التكييف بيأثر قوى على الـ 1400 ولا بيشتغل كويس من غير مشاكل ؟
و تكييف العربية عموما ايه اخباره ؟ ..

خامسا : مشكلة البارومة فى الابواب دى فعلا مشكلة شائعة قوى ؟ .. و يا ترى اكتشفها ازاى ؟

لم تقابلني هذه المشكلة. كان معايا 1600

سادسا : وسع الصالون مناسب لاستخدام عائلى ولا ضيقة ؟ ( بالمقارنة مثلا بالـسكودا فيفوريت او فليشيا او ستروين زد اكس )

واسعة عن السكودا لكن أقل وسع من الستروين وتمتاز بشنطة واسعة جدا.

سابعا : ايه الفرق بين سيينا و سيينا بلس ؟ .. و فى فرق يذكر فى سنة التصنيع بين العربيات و بعض غير عدد الكيلوات ؟ ...

البلاس تصنيع صيني لأن سيينا اصلا يتنزل في الصين وأوروبا والبرازيل تحت مسميات مختلفة منهم سيينا البرازيلية الي يتنزل مصر لكن البلاس أسوأ.

انا عارف انى رغاى بس فعلا محتاج نصيحة ^_^

و الف شكر مقدما لأى حد حيهتم بالموضوع :)

[RagehYS]

الف شكر يا باشا على المعلومات :)

طيب رأيك كدة لو قدامى ستروين زد اكس حالتها كويسة جدا و موتور 1600 و باور و اقصى سعر لها 30 ... و قدامى سيينا فى السعر اللى انت بتقوله ... و انا العربية لها استخدام عائلى بشكل كبير ... يبقى ايه الافضل ؟ ... بما انك بتقول الستروين اوسع يعنى ...

[samyyousef]

السيينا عفشتها حلوة جدا في المطبات
حوض العربية ضيق جدا و علشان الميكانيكي يشتغل صح لازم يفك الفانوس
لو العربية متهانة او البائع غير امين و لم يذكر كل التفصيلات فيفضل انك تبعد عنها