عاوز اجنط الشاهين

[ahmed elsherif]

بما اني معرفش اي حاجه في موضوع الجنوط والكاوتش والمقاسات والكلام ده قولت اكيد الناس الجامده ال هنا هتفيدني جامد ف الموضوع ده
كنت عاوز اشتري جنوط وكاوتش جديد للعربيه(شاهين2007) عشان اتخنقت من الكاوتش النسر ال فيها وبالمره قولت اجبلها جنوط بس مش عاوز الجنوط الصغيره عاوز اعلي مقاس يركب فيها من غير تغير عفشه وكده
ياريت حد يفيدني بمقاس الجنط والكاوتش العريض ال يتناسبوا مع العربيه واحتمال كبير اجيب الجنط الكريستال ال بيلمع ده ايه رأيكم فيه

[M.Elwan]

لو عاوز تغير كاوتش بس بشكل مبدئى يبقى 13/70/185
اما لو حتجنط فعندك 14/60/195
ولو عايز اكبر من كده يعنى حندخل فى ال15 معرفش بقى مقاساته ايه ممكن شباب الفيات يساعدوك ان شاء الله

[yaskhl]

أ/ أحمد
لو هاتجنط العربية وهاتبيع الجنوط الحديد اللى فيها شوف هايجيبو لك كام وانا هاشتريهم. بعد اذنك ماتنساش.

مع الشكر

[ahmed elsherif]

أ/ أحمد
لو هاتجنط العربية وهاتبيع الجنوط الحديد اللى فيها شوف هايجيبو لك كام وانا هاشتريهم. بعد اذنك ماتنساش.

مع الشكر

ان شاء الله يا ا/yaskhl
بس والله لسه مسألتش هيجيبوا كام وكده عشان عندي امتحانات ف الكليه ولسه هسأل وكده لو تعرف انت سعرهم ياريت تفيدني

[ahmed elsherif]

هو ينفع جنط اركب جنط 15 ولا اخري 14؟

[yaskhl]

براحتك ياباشا لما تخلص امتحانات واسال عن سعرهم وانا هاشتريهم منك بما يرضى الله زى ماتقول بس اهم حاجة حالتهم تكون كويسة يعنى موش معوجين او واخدين خبطة. لانى خايف اجيب استيراد يكون فيهم حاجة.

وبالنسبة للجنوط الجديدة اخرك 14 علشان ماتقللش عزم العربية. اهم شئ كمان الاورنجات بتاعة الجنوط تكون حاكمه على الصرة.

[أبومعاذ]

الجنط اللي هيبقى حلو مع العربية ال 14 و مش هيضر تاعفشة
لو هتركب 15 هتضطر تركب كاوتش low profile ودا هيضر العفشة و هيخليها تدب فبلاش احسن
خليك في جنط 14 مقاس 195/60 هيبقى مع العربية دي حلو اوي