فيات 128 بدخل البنزينا اكتر ما بدخل بيتنا !!!!

[shdeed788]

السلام عليكم ورحمه الله .

مطولش عليكم انا جبت موتور استيراد 1300 سى سى .

الموتور سحبه ممتاز وكله تمام بس المشكله فى الاستهلاك المبالغ فيه 1 لتر بيمشيى 7 كيلو على الطرق المفتوحه وعملت كل ما يمكن عمله من الحاجات الخارجيه ومفيش فايده .

ركبت بك سرعه اقل حاجه ممكن تركب لحد ما اتخنقت ومبقتش تمشى وبرده الاستهلاك عالى .

غيرت زيت وفلاتر وبوجيهات وطقم كهرباء كامل حتى الموبينا جبت واحده الكترونى ومفيش فايده .

ظبط تاكيهات مره واتنين وتلاته ومفيش فايده .

راجعت ع التوصيلات من التانك لحد الكربراتير والطرمبه وكافه الخراطيم ومفيش اى تسريبات .

رفعت العجل كله واحده واحده ومفيش عجل قافش !

عملت صيانه كامله للكربراتير مع انه كان سليم ومفيش فايده . غيرته خالص بواحد تانى وبرده مفيش فايده !

البوجيهات بتطلع لونها اصفر الاربعه ومفيش ولا هباب عليها ولا زيت ولا حاجه يعنى الحريق ممتاز .قربت اتجنن !!!

مع العلم ان الموتور بحس انه بيسخن شويه بسرعه بس حاسس انه فى العادى لان الجو حر !

دلوقتى انا شكلى كدا هروح اشترى موتور تانى او ابدله لو حد عنده حل ابسط اوحاجه انا معملتهاش يااااااااااااااااريت يفيدنى عشان تعبت من الاستهلاك دا بجد . مع العلم ان الموتور اللى قبله كان اللتر بيمشينى 13 كيلو مستريح .

شكرا ...

[shake]

متابع

[Eng.Hazem]

انت كده عملت كل حاجة تقريبا .. و بتقول ان السحب ممتاز يعنى الاسطوانة و الديسك تمام و فى حالة ان الكاربيراتير متظبط يبقى فاضل حاجتين بس اعمل تشيك عليهم
1- اكشف على الوصلات بعد مشوار طويل لان سعات مش بيحصل التسريب عير وانت ماشى خاصاً( وصلات الطرد) اللى هى ضغطها موجب بمعنى اصح وصلات ما بعد الرداخ
2- جوان الكاربيراتير و القاعدة بتاعتو ممكن تكون مش عدلة و الكاربيراتير مش حاكم كويس مع الموتور مع العلم ان الضغط فى هذه منطقة فاكيوم يعنى المفروض متسربش بل تسحب هواء و لكن فى لحظات ال(deceleration ) بيحصل فيها خلخلة ممكن تؤدى لزيادة الاستهلاك