سير الشاهين

[Amrmohamed1.6]

السلام عليكم ....
كونت عايز اعرف السير ده اغيرو ازاي و مقاس مفاتيح الصواميل اللى هاستخدمها فى تغيره..
و ياريت كمان لو اعرف السير ده مسئول عن ايه...طلمبة المياه ولا حاجة تانية
و العربية الردياتير مش بيقلب المياه هى شاهين موديل 2005
و شكرا

[Amrmohamed1.6]

ياخوانا دا سير ..مش حاجة كبيرة
انا مستني اى حد يرد

[Mecha]

باشا , الموضوع سهل ,لكن كنت محتاج تزود صوره بزوم اوت.
العده متحددش من صوره لكن رنج 10 ,13 , 17 مم يجيب .عدتك طقم مفاتيح بلدي/مشرشر 8- 24 مم ,طقم لقم ,بنس ومفكات وهتلاقي عده رخيصه من سوق التلات او شارع نفق السبتيه او ش التوفيقيه.
نيجي للفك لازم تحل سير الدينمو البراني الاول .هتهوي علي مسمار الشداد في مجره زي القوس ع الدينمو وتزق الدينمو جهة المكنه وتوقع السير.
السير الجواني المقطوع .عندك شداد علي الطمبوره فاعلي الصوره 1
مسمار جهه ايدك في قوس هتهوي عليه بعدين تهوي المسمار الطويل اللي فاقصي اعلي الصوره ع الاخر هتنزل الطمبوره وتطلع السير العدمان.
التجميع عكس الفك

[Amrmohamed1.6]

باشا , الموضوع سهل ,لكن كنت محتاج تزود صوره بزوم اوت.
العده متحددش من صوره لكن رنج 10 ,13 , 17 مم يجيب .عدتك طقم مفاتيح بلدي/مشرشر 8- 24 مم ,طقم لقم ,بنس ومفكات وهتلاقي عده رخيصه من سوق التلات او شارع نفق السبتيه او ش التوفيقيه.
نيجي للفك لازم تحل سير الدينمو البراني الاول .هتهوي علي مسمار الشداد في مجره زي القوس ع الدينمو وتزق الدينمو جهة المكنه وتوقع السير.
السير الجواني المقطوع .عندك شداد علي الطمبوره فاعلي الصوره 1
مسمار جهه ايدك في قوس هتهوي عليه بعدين تهوي المسمار الطويل اللي فاقصي اعلي الصوره ع الاخر هتنزل الطمبوره وتطلع السير العدمان.
التجميع عكس الفك

الف شكر لحضرتك...بس مش عندك فكرة ده سير ايه...علشان الردياتير مش بيقلب المياه فا مش عارف دا سير الطلمبة ولا حاجة تبع التكييف