توكيل السيينا

[eldeplomasy]

يا جماعة واحد قريبي معاه سيينا موديل 2004 اشتراها مستعمله وبعد فترة فوجئنا بالسلندر الرابع بياكل زيت لوحده وباقي الموتور سليم فكنت عايز اعرف ازاي ممكن سلندر واحد ياكل زيت والباقي سليم؟؟؟

ثانيا فين توكيل فيات او المكان اللى بيتعمل فيه صيانه السيينا؟؟؟

ثالثا نصلحها ولا نبيع؟؟؟

رابعا ممكن تتكلف كام؟؟؟

خامسا لو حد عنده كتالوج السيينا ياريت يديني رقمه علشان اصوره منه؟؟؟

سادسا هي حرارة الموتور الطبيعية او المثلى كام؟؟؟

وآسف للاطالة

[HeMa_LanCeR]

توكيل سيينا في جسر السويس وهجيبلك العنوان بالظبط
وبجد توكيل محترم جدا جدا جدا لأبعد من الخيال
بس ازاي سلندر واحد بياكل زيت قصدي أقول عرفت منين انه واحد بس
وبالنسبه للحراره بيكون العداد ما بيعديش النص يعني اقل من النص بحاجه بسيطه

[eldeplomasy]

لقينا فيوم الموتور بيترعش جدا فرحنا لميكانيكي قعد يبص ويجرب لحد ما فك البوجيهات ولقى واحد محروق من الزيت اللى عليه وباقي ال3 كويسين غيرناهم وبعدها بشهرين تقريبا حصل نفس الموضوع فكيناهم لقينا برده الرابع محروق ودي خامس مره نغير بوجيه السلندر الرابع وانا مستغرب جدا لان المفروض طالما سلندر طلع ونزل يبقى الاربعه زيه اشمعنى ده باظ ولا الباقي لأ

واللى ضايقني ان كده الموتور كله هيتفك وتكلفة تعمير موتور كامل مع ان العربية عامله حوالي 60الف كيلو بس

[eldeplomasy]

كنت عايز اعرف يا جماعه البوجيهات الاصليه للسيينا ايه؟؟؟

واجيبهم منين؟؟؟

[aminkhalil]

الأخ العزيز أنا كان عندي مشكلة مشابهة بس في عربية هوندا أكورد، وكانت المشكلة عندي مش من البستم لكن كانت من الصبابات ، عشان كده أظن إن الميكانيكي يمكن ما يعرفش أو عايز يستغللك زي ما حصل معايا، فحيى بعد ماغيرت الشامبر برده الزيت فضل ييجي على البوجيه، لذا أظن الموضوع أسهل وإن شاء الله يكون الصباب بس هو اللي عايز يتغير

[eldeplomasy]

الف شكر ليك وبصراحه اول مرة اسمع عن الصبابات وبسراحه متشكر جدا للمعلومة المفيده دي وهي الاقرب للصواب لاني عمري ما سمعت عن موتور فوت سلندر واحد بس

بس كنت عايز اعرف هتتكلف كام وهتاخد وقت قد ايه ومين احسن واحد يصلحها ويكشف عليها؟؟؟

والف شكر ليك مرة تانيه

[aldeeb_egy]

احسن بوجيهات Ngk حقيقي عندي الكاتلوج لبجيه كل عربية وكل موديل
رقمي 0164245428

[eldeplomasy]

طيب ياريت لو حد عنده كتالوج العربية يكتبلي رقمه واقابله اصوره منه والف شكر

[eldeplomasy]

كنت عايز اعرف اضبط كميبوتر السيينا فين؟

[Ahmed Hamdy]

توكيل سيينا في جسر السويس وهجيبلك العنوان بالظبط
وبجد توكيل محترم جدا جدا جدا لأبعد من الخيال
بس ازاي سلندر واحد بياكل زيت قصدي أقول عرفت منين انه واحد بس
وبالنسبه للحراره بيكون العداد ما بيعديش النص يعني اقل من النص بحاجه بسيطه

حضرتك جربت توكيل فيات فعلا ولقيته محترم ؟؟
أنا شايف آراء الناس كلها عكس كده .. بس نفسى يكون محترم لانى بفكر اجيب فيات جديد وخايف من التوكيل !!!

[eldeplomasy]

والاسعار اخبارها ايه؟؟؟

واضبط كمبيوتر فين؟؟؟

[adamdiab]

يا جماعة انا عاوز اقولكم رائى فى التوكيل بصراحة اسعارة حراقة جدا كفاية اقواكم انى غيرت دبرياج ب 1400 جنية
غير كدة كان عندى مشكلة زنة فى الدركسيون مع لف الطارة على الاخر و كان راى المهندس انى اغير طلمبة الباور + علبة الدركسيون+ المقصات الامامية يعنى اغير السيستم كلة , دة طبعا كلام واحد عاوز يريح دماغة و ميفكرش العيب فين بالطبط

[eldeplomasy]

استهبال بصراحه يعنى ادفع 2000 او اكتر علشان ميفكرش حضرته

هو ده عيب العربيات المستوردة بصراحه في الشاهين بيفكروا واسعارهم رخيصه اوي بس العربية مقرفه في الجري

[HeMa_LanCeR]

يا جماعة انا عاوز اقولكم رائى فى التوكيل بصراحة اسعارة حراقة جدا كفاية اقواكم انى غيرت دبرياج ب 1400 جنية
غير كدة كان عندى مشكلة زنة فى الدركسيون مع لف الطارة على الاخر و كان راى المهندس انى اغير طلمبة الباور + علبة الدركسيون+ المقصات الامامية يعنى اغير السيستم كلة , دة طبعا كلام واحد عاوز يريح دماغة و ميفكرش العيب فين بالطبط

ممكن اعرف التوكيل ده اللي فين

[adamdiab]

التوكيل دة اللى بعد سوق القنال جسر السويس