استشاره بما يرضى الله

[ahmed helmy120]

السلام عليكم جميعا انا معايا دلوقتى فيات 132 موديل 81 2000 سى سى فيها شويه مشاكل فى الصاج والعفشه بارومه فى العتب والابواب العربيه من الاخر ماسكه بارومه لما بفكر ابيعها مش بتجيب فلوس كويسه هى ركوبتها عجبانى وحاسس انى راكب فعلا عربيه قويه بتجرى فى الطريق السريع جامد وثابته وحاجه كدا احساس دبابه احساس بالقوه من الاخر .. بفكر ابيعها واكمل وهيكون المبلغ الموجود بعد البيع تقريبا 20 الف ياترا اشدها واظبتها واخليها معايا ولا ابيعها واجيب حاجه تانيه فى حدود 20 وياترا ايه افضل عربيه قويه وثابته ومشاكلها قليله تنصحونى انى اجيبها ب 20 الف انا بجد محتار ومش عارف ابيع ولا اشد ولا اجيب عربيه تانيه ولا اعمل ايه مش عارف؟؟؟ انصحونا يا اهل الخبره

[abokoko]

صراحه انا معرفش شغل البارومه ممكن يكلفك كام
وهل في الاخر هتتلم وتبطل مصاريف ولا هتفتح معاك حاجات تانيه
لكن
ال20 الف مبلغ قليل وهتبقي الاختيارات لعربيات موديلها قديم
الا عربيه واحده اللي هيا اللادا
ممكن بال20 تجيب عربيه اواخر التسعينات
بس مش هتتبسط منها لا في السواقه ولا في السحب مقارنه ب 132
هتتعامل معاها علي انها احسن الوحشين


يا اما تصبر لحد ما ربنا يوسعها عليك وتشتريحاجه كويسه بالمره

[ahmed.zahra]

شدها على مزاجك و اركبها احسن

[moha sasa]

- لما ربنا يعدلهالك ويبقى معاك مبلغ اكبر من كده، ساعتها بيعها.

- لو انا فى الوضع ده، اشدها واحتفظ بيها شويه.

[AhmedNaeem]

رد انت علي نفسك وشوف ايه عربية في رنج السعر ده واعلي منه كمان ممكن تجيب زي مش احسن من 132 ال 2000 سي سي
العربية دي جامدة جدا
شدها وخليها خسارة العربية لو نظيفة ومفيهاش عك تبقي احسن من عربيات كتير ب 50 الف

[ahmed2y]

بس يا باشا شد العربيات دالوقتى صرف فلوس وضياع وقت ومش هتأخذ الى فى بالك