Tweet
الفيات حاليا صناعة برازيلى من اول السينا2002 الملعونة ورتنى ايام سودة وقطع غيارغاليا ومش معمرة والفيات بكل تاريخة فاشل بس كانت قطع غيارة رخيصة زمان ولدى عندة 128 طقم الكهربة 7جنية ابلاتين كوندنسر بوجيهات وميكانيكى 5ج وغيار زيت وفلتر 15ج دى صياتة شهرية وعربية ملاكى من الشغل الى البيت عام 88 ماضى وراح فى مصر 131 132 كانت قطع غيار رخيصة وايطالى اصلى لكن غير معمرة بينما الفولكس بيتلز 79 عند عمى طقم الكهربة 25ج وبيغيرة كل عام وهنا الفرق قطع غيار رخيصة ترفع عربية بلا قيمة الى السما وقطع غيار غاليا تنزل عربية يعتمد عليها للارض زى الفيرنا عربية ضعيفة بدون اى امان وقطع غيار تعتبر رخيصة بلنسبة لباقى العربيات فى مصر زى 128 زمان عربية مصر الاولى الان الفيرنا رقم واحد فى مصر والهند لانها هندى وليست كورى وسائق التاكسى هوا اللى بيقول قطع غيار غير معمرة واى حادث بياسر فيها ودى ثقافة شعب يبحث عن الرخيص ليمجدة شكرا
-
-
ماتتكلمش بالعاطفه.. انا طول عمرى بركب فيات وعارف الفرق بينها وبين غيرها.. بس فعلا الجديد زى الجراند بونتو والبرافو واللينيا حقيقي مقرفين ودرجه الاعتماديه صفر .. تبقي خايف دايما وانت سايق ومحدش بيفهم فيهم خالص والتجار قطع الغيار هو واحد محتكر السوق والباقى توابع ليس الا.. وحاجتها الاستيراد نار.. بجد بتسمع اسعار غير طبيعيه فعلا تقارن اسعارها بال بى ام..Comment
-
على فكرة.. الفيات طول عمره كده... مش الجديد وبس...
أنا أفتكر وأنا صغير .. كنا عايشين في الكويت.. ووالدي (زي كل المصريين) اشترى فيات 131 سوبرميرافيوري 1600 بالتكييف. .. والكلام ده كان سنة 1977
سعر العربية ساعتها كان حوالي 5500 دينار....
ومن ساعت ما اشتراها ما كانش بيروح مشوار إلا ولازم تقف منه لإنها بتسخن... ده غير المكيف اللي ما بيسقعش.. ومشاكل تانية كتير.. أبسطها قطع الغيار الغالية واللي بردو مش موجودة بسهولة ﻹن تقريبا الكويت كلها ما كانش فيها فيات غير بتاعتنا (دي مبالغة طبعا.. بس عدد سيارات الفيات كان قليل جدا).
في سنة 1982.. اشترينا تويوتا كريسيدا 2000 سي سي
سعرها كان حوالي 2500 دينار.. أوسع.. أقوى.. أريح.. فيها تكييف تلاجة. . كاسيت قلاب.. راديو بيحفظ المحطات.. والأهم من ده كله... ما بتعطلش ولا بتسخن.. وقطع غيارها متوفرة (بس مش رخيصة.. يمكن أغلى من الفيات) ده لو احتجتها.
الفيات اتباعت ب300 دينار... مش 3000... ﻷ.. 300
الكريسيدا نزلنا بيها مصر... وبعتها سنة 2010.
وموضوع الفيات في مصر طبيعي جدا..
المسألة وما فيها إن زمان كانت فيات بتتعمل في مصر.. وبالتالي قطع الغيار كانت متوفرة والصنايعية كلهم عرفوا كل حاجة فيها.. ونفس الكلام ينطبق دلوقتي على الفيرنا واللانوس وغيرها كتير من الموديلات اللي اتقفلت في مصر..
[QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
[I]مَثَلٌ صينِيّ[/I][/QUOTE]
[FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
[FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
[/SIZE][/FONT]
أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
[SIGPIC][/SIGPIC]Comment
-
السلام عليكم ورحمة الله وبركاته هو حضرتك تقصدنى انا بلعاطفة المهم اتا عندى 42سنة مش صغير ومش كبير والناس مواليد السبعنات فاهمين كلامى انا خبرتى فى مجال الميكانيكى حوالى 12 سنة فى الاجازة المدرسية لازم انزل اشتغل فى ورشة خالى ميكانيكى سيارات فيات ويابانى لحدماخلصت معهد المساحة ودخلت الجيش المهم عايز تعرف لية الفيات فاشل من تاريخه امسك مسمار يابانى ومسمار فيات هتعرف الفرق 1 اليابانى سن ناعم لفات اكتر لايمكن يفك لوحدة مستحيل بعد السن المسمار اتخن شوية لزيادة الاحكام زى جلبة بلبلدى وراس المسمار الوردة مصنعة منة فية ومختوم عاى راس المسمار رقم قوة الربط فى كل اليابانى وكل مسمار ميركبش غير مكانة لكن الفيات مسمار خشن بيفك بسهولة وممكن لوحدة انا فى المجال دة وعارف الفيات وحش فى شغلة كميكانيكة ولايعتمد علية وسهل جدا جدا فى الغش والبيع ودة علشان قطع غيار عند البقال كان زمانننننننننننننن وجبر فين قطع غيار 128 131 132 وغيرة من الفيات منين وبكام ايطالى ولة تركى خلع ولة تحت السلم وشكر اComment
-
انا عربيتي جراند بونتو يعني المفروض متحيز للفيات شوية ابقي و للاوروبي عمتا. بس بعيدا عن كلام العاطفة كل احصائيات ال reliability بتقول ان الكوري و الياباني احسن من الاوروبي.
ايوا تويوتا طبعا كأعتمادية احسن من BMW و بلاش تعصب اعمي.
بس العربية مش اعتمادية بس, فيه factors كتير بتخليك تختار عربيتك, من ضمنها الاعتمادية طبعا لاكن هي مش كل حاجة. بالرغم ان في مصر بدأت اقتنع بكلام الناس الي بترجح الاعتمادية علي متعة السواقة و الحاجات التانية الكتير الي الاوروبي متفوق فيها عشان ببساطة احنا لا عندنا طرق و لا توكيلات.
تويوتا و هوندا ملهمش منافس في الاعتمادية, انا رأيي لو عاوز تمسك العصاية من النص هات هوندا
هتاخد اعتمادية و ناس بتقدر ثبات و متعة السواقة في العربية بردة.[URL="http://www.postimage.org/image.php?v=aV1YY7F0"]
[/URL]Comment
-
تويوتا كريسيدا 1982
و اللة و فكرتني بالكريسيدا بتاعتنا ! 500 ألف كيلو و العفشة و الموتور زي الفل و التكييف رائع دا غير الجيربوبوكس الأوتو و الصاج المتين !!!
العربية دا صنعت اسطورة الياباني في الخليج و مصر !!
بابا باعها سنة 2009 ! عربية جبارة فخر صناعة العربيات اليابانية فعلا !!!Comment
-
انا كنت اقصد sherif 0 مش حضرتك.. كلكوا على راسى من فوق
ومش قصدى حاجه وحشه انا اقصد محدش يتحيز لحاجه بسComment
Comment