ارجو المساعدة بخصوص جراند بونتو 2015

[ThePhantom75]

لو سمحتم ياجماعة ارجوكم حد يساعدني انا كنت معجب بالعربية دي لحد لما لاقيت كل الناس بتشتكي وتتكلم عن ضعف الفتيس الايزي ترونيك بتاعها وانوا ازاي الاتوماتيك فيه بيحسسك بنتشة نقل الغيار وكنت هشتريها بس بقيت متردد ومحتاج نصيحتكم انا كنت عايز اعمل تيست درايف ومش عارف اروح فين او اكلم مين مع العلم اني لسه سواق مبتدئ وبتعلم

[abo_salah]

مش فاهم يعني ايه الفتيس بتاعها ضعيف ؟
الفتيس مش ضعيف ولا حاجه
اوتوماتيك عادي بتنقل لوحدها .. بس انت بتحس بكل غيار اكنها مانيوال عاديه جدا .. بس مش انت اللي بتنقل
بعدين بتستجيب علي حسب دوستك علي دواسه البنزين
عايز تجري هاتجري بمجرد ماتدوس جامد
هاتدوس عادي عالدواسه العربيه هاتمشي عادي جدا اكنها مانيوال ...
هو انا مش عارف بصراحه هي حاجه لذيذه ولا حاجه وحشه في الفتيس ده موضوع النقلات ... بس عادي اتعودت عليه يعني
بس بصراحه لو حضرتك كنت جربت عربيه اتوماتيك قبل كده هاتحس بالفرق الكبير بين الاتنين

[marko polo]

نصيحة ما تشتريش العربية دى اتوماتك انا عربيتى بعتها من اسبوعين وهى ماشية 54 الف كيلو بس بسبب الفتيس موديل 2010 مع انى كنت باستحدم الفتيس زى الكتاب ما بيقول . اشتريها مانوال بس

[ThePhantom75]

فيات جراند بونتو 2015

مش فاهم يعني ايه الفتيس بتاعها ضعيف ؟
الفتيس مش ضعيف ولا حاجه
اوتوماتيك عادي بتنقل لوحدها .. بس انت بتحس بكل غيار اكنها مانيوال عاديه جدا .. بس مش انت اللي بتنقل
بعدين بتستجيب علي حسب دوستك علي دواسه البنزين
عايز تجري هاتجري بمجرد ماتدوس جامد
هاتدوس عادي عالدواسه العربيه هاتمشي عادي جدا اكنها مانيوال ...
هو انا مش عارف بصراحه هي حاجه لذيذه ولا حاجه وحشه في الفتيس ده موضوع النقلات ... بس عادي اتعودت عليه يعني
بس بصراحه لو حضرتك كنت جربت عربيه اتوماتيك قبل كده هاتحس بالفرق الكبير بين الاتنين

شكراَ جزيلا أستاذ أبو صلاح انا اصلي الناس كانت بتقولي وانت على مطلع صعب حولها مانيوال عشات تروس الفتيس متبوظش مني

[ThePhantom75]

فيات جراند بونتو 2015

نصيحة ما تشتريش العربية دى اتوماتك انا عربيتى بعتها من اسبوعين وهى ماشية 54 الف كيلو بس بسبب الفتيس موديل 2010 مع انى كنت باستحدم الفتيس زى الكتاب ما بيقول . اشتريها مانوال بس

شكراً جزيلا يا أستاذ ماركو بولو بس ممكن تديني تفاصيل ليه بعتها يعني الفتيس باظ منك ولا أنت متضايق من الميكانزم بتاعه عامة وكنت بتستخدم الفتيس إزاي ؟؟؟

[mohamedmmm2]

سيبك من الجراند بونتو او هاتها مانيوال.. الفتيس بتاعها ممتاز في الميكانيزم والسحب من وجهه نظري.. بس فاشله صيانات وقطع غيار وميكانيكيه.. محدش بيفهم فيها وعقل الفتيس اللى هو جزء بره الفتيس اصلا ب 7000 جنيه استيراد مش جديد وبيبوظ علي طول ولو عاوز طرمبه الزيت بس بتاعه الفتيس لو ضربت ب 4000 جنيه استيراد و 8200 جديده.. وطقم الدبرياج في المعقول نسبيا ب 850 جنيه.. بقيت قطع الغيار معقوله مش غاليه ولا رخيصه بس محدش بيفهم فيها تماما وهاتلاقى الناس بتقولك صابر اللى فى مدينه نصر انه خيال علمى وبرنس.. والله ما بيفهم حاجه تماما هو بيقعد يغير لحد ما يوصل للعيب وادفع انت بقى يا برنس و ايمن اللى فى المعادى زيه
والتوكيل سىء جدا جدا كمان ومبالغ فيه
انا العربيه دى علمتنى الادب احسب برضه لا قدر الله لو عملت بيها حادثه هاتتكلف كام.. بجد هاتصرف تمن العربيه بمعنى الكلمه.. الموضوع غير منطقي
المانيوال بتاعها الطف كتير في الصيانات وخلافه