بونتو 2000 (1.2) مروحة الريداتير بتشتغل على السرعة العالية بس !!

[islam.bayoumy]

السلام عليكم
انا عندى مشكلة ظهرت فى العربية، هى مكانتش بتسخن خالص الحمدلله، وفجأة بقيت اسمع صوت المروحة العالية بتشتغل كتير قوى ممكن كل نص دقيقة وفى الجو الساقعة ده ومن غير ما اشغل تكييف،
المهم روحت نظفت الريداتير وسلكته وظبطته وكله تمام بس بردو لقيت نفس الكلام بيحصل، اول ما درجة الحرارة تعلى عن ال90 بتشتغل المروحة على العالى بس المفروض لو قبل كدة بتشتغل على القليل الأول بس ده مش بيحصل،
هى العربية لسة مش بتسخن بفضل الله بس بيحافظ على الحرارة المظبوطة بالمروحة العالية ودى مشكلة انها اقل حاجة تحميل زيادة بدون داعى.

راجعت على الفيوزات والكتاوت والمقاومة المتغيرة اللى فى المروحة وكله تمام، يبقى كدة مافيش غير الثرموستات ؟

الثرموستات عندى فى جنب الماتور مش فى كوعة الريداتير.
دلوقتى انا متلخبط بين حاجتين:
1- حساس الحرارة.
وده اللى فيه فيشة عداد الحرارة، ومكانه فى ظهر الماتور من ناحية البوبينا.
ده شكله


وبتتباع على بعضها كدة بحوالى 220 مش الحساس لوحده زى ده


2- الثرموستات (زى ما بيقولوا).
وده مكانه فى جنب الماتور اليمين.
وده شكله


السؤال بقى، اى واحد من دول هو اللى المفروض يتغير وهل المشكلة فى دول اصلا ولا فيه حاجة انا مجربتهاش ؟؟

ارجو الرد السريع ان امكن وشكرا

[rotanamasoud]

المتهم الاول مقاومه المروحه قيستها بالافو ميتر لازم تتاكد 100%انها مش هى لانها عملت العيب ده معايا فى التمبرا
لو مقاومه المروحه زى اللى عندى فى معاها مقاومه فيوزيه بتفصل
اما مقاومه الحراره بتاعت عداد العربيه لا دخل لها
وترموستات الكوع لا دخل له لو مبيفتحش حيعمل مشكله والحراره حتكون عاليه باستمرار حتى مع دوران المروحه دوران متواصل
فى حاجه انت مذكرتهاش ارموستات تحكم المروحه انا عندى فى التمبرا الترموستات 3 طرف ومكانه فى الرداتير ممكن يكون هو اللى مبيشغلش السرعه الاولى لاكن احتمال ضعيف وانا شاكك فى مقاومه المروحه

[islam.bayoumy]

المتهم الاول مقاومه المروحه قيستها بالافو ميتر لازم تتاكد 100%انها مش هى لانها عملت العيب ده معايا فى التمبرا
لو مقاومه المروحه زى اللى عندى فى معاها مقاومه فيوزيه بتفصل
اما مقاومه الحراره بتاعت عداد العربيه لا دخل لها
وترموستات الكوع لا دخل له لو مبيفتحش حيعمل مشكله والحراره حتكون عاليه باستمرار حتى مع دوران المروحه دوران متواصل
فى حاجه انت مذكرتهاش ارموستات تحكم المروحه انا عندى فى التمبرا الترموستات 3 طرف ومكانه فى الرداتير ممكن يكون هو اللى مبيشغلش السرعه الاولى لاكن احتمال ضعيف وانا شاكك فى مقاومه المروحه

تمام هقيسها واقولك على النتيجة بإذن الله وشكرا على الرد

[islam.bayoumy]

انا جربت المقاومة المتغية اللى فى المروحة ومافيهاش مشكلة،
ولمست الفيشة بتاعت عداد الحرارة لقيت المروحة اشتغلت على العالى !
وده معنا ان فيشة عداد الحرارة بتاخد من ثرموستات وبتدى العداد والمروحة معرفش ازاى

[rotanamasoud]

انا جربت المقاومة المتغية اللى فى المروحة ومافيهاش مشكلة،
ولمست الفيشة بتاعت عداد الحرارة لقيت المروحة اشتغلت على العالى !
وده معنا ان فيشة عداد الحرارة بتاخد من ثرموستات وبتدى العداد والمروحة معرفش ازاى

ممكن النظام عندك مختلف والكارته هى اللى بتتحكم عن طريق حساس عداد الحراره
اكشف كمبيوتر افضل عشان لو هو الحساس تغيره وانت مطمن

[islam.bayoumy]

ممكن النظام عندك مختلف والكارته هى اللى بتتحكم عن طريق حساس عداد الحراره
اكشف كمبيوتر افضل عشان لو هو الحساس تغيره وانت مطمن

تمام شكرا جزيلا

[islam.bayoumy]

الحمدلله المشكلة اتحلت وهقول الحل علشان لو حد حصلتله يقدر يحلها ..
المشكلة مبدأيا كانت فى المقاومة المتغيرة اللى فى مروحة الريداتير، ودى تعتبر حساس للهواء اللى بيعدى على الريداتير وبالتالى بياخد درجة حرارته.

خطوات تحديد المشكلة:
1- هتتأكد من ان الفيوزات مافيهاش مشكلة (فى البونتو 2000 فيوزات المروحة العالى والواطى هما F06 & F07 ودى فيوزات كبيرة)

2- تتأكد من الكتاوت (واللى انا فاهمه ان الكتاوت هتضعفها بس مش هتوقفها تماما بس بردو اتأكد)
(اسهل طريقة للتأكد من الكتاوت هى انك تبدله بكتاوت بتاعت النور مثلا اللى انت شايفه شغال وتشوف هل حصل مشكلة ولا لأ)

3- تتأكد من المقاومة المتغيرة اللى فى المروحة، ودى تقدر تتأكد منها بإنك توصل اطرافها على افوميتر وتغير درجة الحرارة حواليها (مثلا تغلى مياه وتعرضها للبخار اللى طالع) وتشوف هل بتتغيل ولا لأ

دى كانت القديمة اللى عندى :: (صورة ارشيفية)


ودى الجديدة :: وسعرها 75 جنيه من شارع دمشق


طبعا باين الفرق وانا غيرتها يأساً علشان شوفتها تعبانة خالص (مع ان الكهربائى الله يسامحه شافها وقالى مافيهاش حاجة)

4- حساس الحرارة اللى فى ظهر الماتور وده اللى بيكون فيه فيشة عداد الحرارة :: (الصورة والسعر فى اصل الموضوع فوق)
وانا لما وصلت اطرافه الكمبيوتر شاف ان درجة الحرارة اقصى حاجة فطبعا شغل المروحة على العالى.

والحمدلله مشكلتى اتحلت من ثالث نقطة.

[shady.punto]

الحمد لله ان مشكلتك اتحلت
بصفتى مالك قديم للبونتو خلى بالك من موضوع الحرارة ده بالزات لان العربية دى حساسه قوى قوى فى موضوع الحرارة غير اى عربية
الحرارة المضبوطة فالبونتو بيكون المؤشر ثابت ثابت ولايتحرك قبل الـ 90 بنص شرطة او قبل الـ 90 بحاجة بسيطة قوى مهما كان الجو حر او محمل على الموتور ومشغل التكييف لازم المؤشر يكون ثابت على الشرطة اللى قبل الـ 90 لو اتحرك ميلى من مكانه بدون تردد على طول بطل واقف على جنب وشوف اية المشكلة
انا بس قول انصحك عشان تخلى بالك
وربنا معاك ومعانا

[islam.bayoumy]

الحمد لله ان مشكلتك اتحلت
بصفتى مالك قديم للبونتو خلى بالك من موضوع الحرارة ده بالزات لان العربية دى حساسه قوى قوى فى موضوع الحرارة غير اى عربية
الحرارة المضبوطة فالبونتو بيكون المؤشر ثابت ثابت ولايتحرك قبل الـ 90 بنص شرطة او قبل الـ 90 بحاجة بسيطة قوى مهما كان الجو حر او محمل على الموتور ومشغل التكييف لازم المؤشر يكون ثابت على الشرطة اللى قبل الـ 90 لو اتحرك ميلى من مكانه بدون تردد على طول بطل واقف على جنب وشوف اية المشكلة
انا بس قول انصحك عشان تخلى بالك
وربنا معاك ومعانا

تمام هى الحمدلله فى ثبات وان شاء الله اخد بالى وشكرا على تنبيهك

[M.A]

السلام عليكم
أنا عندي نفس المشكله تقريبا
المروحة عندي وقفت والردياتير قعد يوقع المياه بشكل غريب افتكرت ف الاول ان الرديادير اتخرم بس طلع سليم والكهربائي قعد يجرب الفيوزات لقى فيوز المروحة فيه مشكلة بس بقية الفيوزات شغالة وبعدها قال لي نغير علبة الفيوزات او شريحة منها او نعملها كوبري لان في شريحة ملحت !
الكلام ده منطقي ولا ايه؟
والحوار ده عموما يحتاج كهربائي ولا ممكن اي ميكانيكي يعمله؟