رجرجة فى العربية مع السرعات العالية اثناء الضغط على البنزين فقط || بونتو 2000

[islam.bayoumy]

انا عندى مشكلة فى العربية انها بترجرج لما بوصل واعدى ال80 ولو وصلت ل120 مثلا تحس انّى ركبت فيها جهاز فيبريشن هزاز زى بتاع الموبيل، بس ده مبيحصلش إلا وانا دايس بنزبن، يعنى لو رفعت رجلى من على البنزين وددوست دبرياج وسيبتها تجرى بسرعتها مبترجرجش كدة !

الموضوع ده كان موجود من فترة وبحس بيه من البدالات تحت رجلى، غيرت قواعد ماتور والموضوع قل، بعدين رجع تانى بس بقت العربية كلها !!
لدرجة انى احس انّى لو قرصت عليها هتتفكك منّى :\

ومؤخرا بدأت احس بالرجة دى حتى على الأول بس بتكون خفيفة اكنك ماشى فى شارع مكسر شوية بس لو بدأت اعلّى الrpm بتثبت شوية لحد ما توصل لسرعة 80 تبتدى تتشقلب..

افيدونى ارجوكم وشكرا

[lancer06]

اكشف على الكبالن الداخليه

[georgedada82]

اكشف علي الكبالن الداخلية بنسبة كبيرة هي
ادخل الجروب ده متخصصين في الكبالن هيساعدوك

https://www.facebook.com/groups/909392529154629/

[م أحمد]

بما ان الموضوع وصل لسرعة الأول ما تمشيش بالعربية غير لما تكشف على العفشة بالكامل

ممكن يكون فيه حاجة مكسورة فى العفشة

الكبالن الدخلى طقة لحظة الطلوع و رجرجة فى عصاية الفتيس على السرعات

[islam.bayoumy]

شكرا على الردود المفيدة

انا روحت لبتاع زوايا الأول اظبط زوايا وقلت هو لو فيه حاجة فى العفشة هيقولى،
بس قالى العفشة تمام والمشكلة فى الجنوط،
روحت لبتاع كاوتش كشفلى عليهم وقالى هنبدل جنط واحد من قدام باللى ورا علشان فيه رجة خفيفة بس مش محتاج يتغير ولا حاجة، ورصصت الاربع عجلات الحمدلله بس بردو لسة الوضع زى ما هو.

روحت لكذا ميكانيكى قالى غير اكس الكبالن كله على بعضه، سألته مينفعش تكشف الأول على الكوبلن الداخلى تعرف هل المشكلة فيه ولا لأ ؟
رد قالى لازم تتحط على مكنة خراطة علشان تبان اذا كانت سليمة ولا فيها مشكلة، وبيحاول يقنعنى اغير الاكس كله واجيبه استيراد.

الرجة عندى بتبدأ من الدواسات وبتوصل لحد التابلوه بس دراع الفيتيس ثابت على طول الحمدلله.

غالبا هخلى ميكانيكى يطلعلى الاكس كله ونشوف الأول لأن انا مغير كبالن خارجية قريب وجايب حاجة ألمانى محترمة ومبسمعش صوت طقطقة ولا حاجة الحمدلله

[Abo_Mazen]

باشا ..قولا واحدا ..كبالن داخليه

[lancer06]

شكرا على الردود المفيدة

انا روحت لبتاع زوايا الأول اظبط زوايا وقلت هو لو فيه حاجة فى العفشة هيقولى،
بس قالى العفشة تمام والمشكلة فى الجنوط،
روحت لبتاع كاوتش كشفلى عليهم وقالى هنبدل جنط واحد من قدام باللى ورا علشان فيه رجة خفيفة بس مش محتاج يتغير ولا حاجة، ورصصت الاربع عجلات الحمدلله بس بردو لسة الوضع زى ما هو.

روحت لكذا ميكانيكى قالى غير اكس الكبالن كله على بعضه، سألته مينفعش تكشف الأول على الكوبلن الداخلى تعرف هل المشكلة فيه ولا لأ ؟
رد قالى لازم تتحط على مكنة خراطة علشان تبان اذا كانت سليمة ولا فيها مشكلة، وبيحاول يقنعنى اغير الاكس كله واجيبه استيراد.

الرجة عندى بتبدأ من الدواسات وبتوصل لحد التابلوه بس دراع الفيتيس ثابت على طول الحمدلله.

غالبا هخلى ميكانيكى يطلعلى الاكس كله ونشوف الأول لأن انا مغير كبالن خارجية قريب وجايب حاجة ألمانى محترمة ومبسمعش صوت طقطقة ولا حاجة الحمدلله

اى ميكانيكى موتور او ميكانيكى عفشه يا فندم لو رفع العربيه هيعرف اذا كانت الكبالن الداخليه فيها مشكله او بوش ولا لأ متغيرش حاجه غير لما تتألكد
شوف غيره

[islam.bayoumy]

السلام عليكم
انا اتأخرت فى الرد على ما اتأكد إن المشكلة اتحلت الحمدلله.

مبدأيا انا روحت لميكانيكى بيفكر شوية، وبصلى على الكوبلن الداخلى وقالى مافيهوش حاجة ومش هو اللى عاملك الرجرجة، قلتله طيب ارفع العجلة اليمين وانا هجيب أول وثانى واتفرج عليها.
شافها بترقص قالى يبقى جنط وبتاع قلتله انا قفلت الباب ده، مش حوار جنط ولا كاوتش ولا ترصيص ولا زوايا،
قالى يبقى مافيش غير الصرة اللى فى اخر العمود اللى عليها الطنبورة والجنط، هاتها واغيرهالك.

فكنت بعمل حاجة فى الفرامل عند صنايعى قدامه فقالى خليه يفكلك الطنبورة ونجرب تانى ونتفرج على الصرة لوحدها.
فعلا عملت كدة والطنابير كانت محتاجة تتغير علشان منحولة ومافيهاش سمك حتى تتخرط، فدورت العربية من غير الطنبورة قالى الصرة بالعمود زى الفل !!
فغيرت الطنابير الأمامية وتيل والعربية مبقتش ترجرج الحمدلله وانا لحد دلوقتى مش لاقى تفسير منطقى.

وشكرا على الردود المساعدة

[Mecha]

التفسير المنطقي ، هي حاجه اتصلحت بتركيب صح
زي صمولة الكوبلن الخارجي كانت سايبه واتربطت
او جنط امامي مش راكب عدل او مش مربوط تمام ، فواضح جت بالحظ
وفي حكاية الرباط رغم بساطتها اخطاء كتير بتحصل!!!
وكلو تحت بند attension for details , devil in details