طقم شنبر ولا ايه

[ssaayyeedd]

السلام عليكم
ياجماعه معايا قيات 128 وكل لما اروح لميكانيكي اعمل حاجه يقولي الماتور خفيف شويه ... وعايز طقم شنبر...وفعلا في دخنه بتخرج من الفايص ... بس انا الزيت عندي مش بينقص لحد ما بغيره .... وكمان مفيش دخنه بيضه من الشكمان ... فهل كده طقم شنبر فعلا ...اقيدوني يارجاله

[ssaayyeedd]

25 مشاهده ومجدش عنده رد ...

[م أحمد]

اعمل طقم الشنبر . بس خليه عند ميعاد تغيير سير الكاتينة و خلى برضه معاه تغيير الزيت و برضه البوحيهات نفس الكلام و الابلاتين و الكوندنسر و سير الدينامو ...هتوفر الكلام دا كله و تضرب عصفورين بحجر

[Mecha]

طالما الزيت مبنقصش والعربيه بتسخب متعملش طقم شنبر
ممكن عندك جلد صباب ، جوان وش ، قواعد صباب،

[م أحمد]

نسيت اقول لك على الاسعار ...طقم الشنبر يعمل له 90 جنيه و فى نوع برازيلى ب 140 بس خليك فى ابو 90 ...طقم السيرفيس بتاع السيور و الزيوت و البوجيهات و كاوتش صباب و جوان وش تاكيهات ووش سلندر ...يعمل من 250 ل 300 لان كل دا لازم يتغير و اجرة الميكانيكى لا تزيد عن 250
الزيت مش بينقص ...دا غير صحيح ما دام فى دخنة موجودة (( و من الفايظ ))
مش بينقص معناها حطيت 4 كيلو و نزلت 4 كيلو الا 100 جرام مثلا

و اوعى تأخر الموضوع علشان البلوك و البساتم ما يتبهدلوش و تدخل فى عمرة كاملة اجمالى مصاريفها يزيد كتييير عن الارقام دى

[ssaayyeedd]

طالما الزيت مبنقصش والعربيه بتسخب متعملش طقم شنبر
ممكن عندك جلد صباب ، جوان وش ، قواعد صباب،

شكرا لردك ياباشا بس الحاجات دي ممكن تبوظ حاجه تانيه داخل الموتور ولا ايه...وامتي اعمله من راي حضرتك؟

[ssaayyeedd]

نسيت اقول لك على الاسعار ...طقم الشنبر يعمل له 90 جنيه و فى نوع برازيلى ب 140 بس خليك فى ابو 90 ...طقم السيرفيس بتاع السيور و الزيوت و البوجيهات و كاوتش صباب و جوان وش تاكيهات ووش سلندر ...يعمل من 250 ل 300 لان كل دا لازم يتغير و اجرة الميكانيكى لا تزيد عن 250
الزيت مش بينقص ...دا غير صحيح ما دام فى دخنة موجودة (( و من الفايظ ))
مش بينقص معناها حطيت 4 كيلو و نزلت 4 كيلو الا 100 جرام مثلا

و اوعى تأخر الموضوع علشان البلوك و البساتم ما يتبهدلوش و تدخل فى عمرة كاملة اجمالى مصاريفها يزيد كتييير عن الارقام دى

شكرا ياباشمهندس احمد علي تواصلك معايا ...لكن المقصود ان الزيت مبينقصش اني لما بشوفه علي المقاس بلاقيه تقريبا هو هو واللي اعرفه ان لو العربيه بتاكل زيت يبقي بيزودولها كل فتره نص كيلو مثلا لكن انا الزيت بيقعد حوالي 2500 كيلو ومبزودش ومبحسش علي المقاس بفرق تقريبا ...كمان ليا سوال عند حضرتك ...الصبح لما باجي ادور لازم اشد الشفاط علشان تلقط ولو حاولت اني ادور وازود بنزين من غير ما اشد الشفاط تروح مبطله وكمان لو العربيه دايره علي الشفاط وجيت كبست بنزين مره واحده الاقي العربيه بطلت ...ليه مش عارف ...مع العلم لما بتسخن الكلتم دا مبيحصلش ...ارجو استفيد من خبراتكم ...ولكم جزيل الشكر

[م أحمد]

المقياس خداع...يعنى ممكن تلاقى المقاس نازل حاجة بسيطة و و اقف عند الحد العلوى و فعليا تبقى ناقصة كيلو زيت..الفيصل نزل الزيت او اطلب كدة فى جركن 4 لتر عند التغيير و اكيد اكيد لازم يكون ناقص علشان عندك بخر
لو العربية ناوى تقعد معاك اعمل الطقم لو هتبيع ما تعديش سرعة 80 و ممكن تقعد معاك كدة 5 سنين بس تجهز على عمرة بعدها و هيبقى قرف فى اكل البوجيهات و ااريحة داخل الصالون
المشكلة التانية حلها بطريقتين ضبط كاربيراتير او تغيير طقم الكهربا و الحل التانى افضل بكتير و هتلاقى عربية تانية

[ssaayyeedd]

المقياس خداع...يعنى ممكن تلاقى المقاس نازل حاجة بسيطة و و اقف عند الحد العلوى و فعليا تبقى ناقصة كيلو زيت..الفيصل نزل الزيت او اطلب كدة فى جركن 4 لتر عند التغيير و اكيد اكيد لازم يكون ناقص علشان عندك بخر
لو العربية ناوى تقعد معاك اعمل الطقم لو هتبيع ما تعديش سرعة 80 و ممكن تقعد معاك كدة 5 سنين بس تجهز على عمرة بعدها و هيبقى قرف فى اكل البوجيهات و ااريحة داخل الصالون
المشكلة التانية حلها بطريقتين ضبط كاربيراتير او تغيير طقم الكهربا و الحل التانى افضل بكتير و هتلاقى عربية تانية

كلام جميل يا هندسه...ان شاء الله تغيير الزييت الجاي هفضيه في جركن واشوف الكميه الحقيقيه المتبقيه ...بالنسبه لطقم الكهرباء انا بالفعل مغير البوجيهات والابلاتين من اسبوعين لان العربيه مكنتش بدور من الاساس ولما غيرت طقم الكهرباء بقت تدور فعلا علي طول ولكن لازم ابقي شادد الشفاط زي ما سبق ووضحت...فهل كده المشكله في الكربراتير ...والله ينور عليك