سعر ال 127 الحالى

[mucho]

السوق معظمه واقف جديد وقديم وان كان القديم اكتر

والتخفيض الجمركى هيكون بس على السيارات الاوربية بس

ودى اصلا مش كل الناس بتشتريها

لا لو هاندخل في الحديث عن الجديد فا انا راي نستنى مع الناس المستنيين حال العربيات الجديده هايكون ايه ع اساس ان اصحاب المعارض لما يلاقوا ان البيع واقف يتنازلوا عن هامش من ارباحهم وينزلو ف سعرالعربيه ولو اني موش مقتنع اوي بالاسباب بس برضوا الواحد يستنى بسبب الناس اللي مستنيه :)
وخاصة بعد ما الحكومه الله يخاليها حلتها لاصحاب معارض السيارات والوكلاء باحلال 34 الف تاكسي هههههههههههههههه انتم متخيلين الرقم ده ممكن يدخل سعاده اد ايه لاصحاب المعارض

[mucho]

التخفيض على الأوروبي لازم هايستتبع تخفيض الياباني وغيره علشان يقدر على المنافسة

تمااااااااااااااااااااااااااااااام

[maka]

لا لو هاندخل في الحديث عن الجديد فا انا راي نستنى مع الناس المستنيين حال العربيات الجديده هايكون ايه ع اساس ان اصحاب المعارض لما يلاقوا ان البيع واقف يتنازلوا عن هامش من ارباحهم وينزلو ف سعرالعربيه ولو اني موش مقتنع اوي بالاسباب بس برضوا الواحد يستنى بسبب الناس اللي مستنيه :)
وخاصة بعد ما الحكومه الله يخاليها حلتها لاصحاب معارض السيارات والوكلاء باحلال 34 الف تاكسي هههههههههههههههه انتم متخيلين الرقم ده ممكن يدخل سعاده اد ايه لاصحاب المعارض

عمر ما حد هيبيع بخسارة هما ممكن يعملوا عروض لكن مش

نسبة التخفيض اللى الاعضاء مستنيه وكمان مشروع التاكسى

لقمة حلوة لاصحاب المصانع يمشوا نفسهم بيها سنة ولا 2

[maka]

التخفيض على الأوروبي لازم هايستتبع تخفيض الياباني وغيره علشان يقدر على المنافسة

بس اللى اعرفه انها اتفاقية مع الاتحاد الاوربى مش بيخفضوا من دماغهم

[ahmed_esmail]

ابوحميد المنصراوى
انا بحترم كلامك جدا بس قولى سعرها عندك كام دلوقت
وانا انزلك ونبيعها
ليه بقى ابيع عشان اجيب الاكبر مش الاحسن

[Ahmad_Nawwara]

العربية دي ممكن تتباع عندنا في المنصورة بأكتر من كده شويه وخصوصا لو كانت ملاكي القاهرة ... تقول ايه بقى .. فلاحين وبيحبوا قوي يركبوا حاجه مكتوب عليها القاهره ...هاهاهاهاهاه .. يعني حاول تروح سوق المعادي وتعرضها .. ان شاء الله تبيعها لواحد من المنصورة .. صدقني مش بهزر .. هياخدها منك ويظبطها ويبيعها ب16 او 15 في المنصورة

[Ahmad_Nawwara]

بس على فكرة العربية مش شكلها 83 .. متأكد ؟؟؟؟

[maka]

بس على فكرة العربية مش شكلها 83 .. متأكد ؟؟؟؟

سبحان الله انا لسه سال السوال ده فى موضوعه التانى

http://www.nilemotors.net/Nile/showthread.php?p=733885#post733885

لان العربية شكلها سوبر فيورا وعلشان المساحة الخلفية وكمان مفيش شراعات قدام

[Ahmad_Nawwara]

تمام ياخبير

[bishoy02010]

ربنا يعدى الفترة دى على خير والبيع والشراء يرجع زى الاول

ده حتى الميكانيكى بيحكلى كان فيه واحد عارض عربيته 128

السنة اللى فاتت للبيع ومجبتش اعلى من 14 مرضاش يبيع

عرضها تانى الشهر اللى فات جابت 6 بالعافية وبرضه

مرضاش يبيع

انتة بتتكلم بالتقريب عن حاجة زى كدة حصلتلى :) هنعمل إيه بقى دنيا

[bishoy02010]

أناعايز أعرف ليه عايزين نبيع القديم طالما مفيش فيها مشاكل مزمنه وطالما بتعمل المطلوب منها من توصيل واستغناء عن قرف المواصلات وكل اللي بتطلبه موجود من تعديل وتظبيط وتصليح وبأسعار معقوله جدا ؟؟؟؟
انتم فاكرين الجديد ملوش مشاكل ؟؟ او قطع الغيار رخيصه قوي كده ؟؟ او الصنايعيه هيرحموك لما يشوفوا معاك عربيه حديثة ؟؟؟ دي مشكلتنا يامصريين .. مش راضيين ابدا بالنعمه اللي في ايدينا وبنبص على اي حاجه مش معانا
احمدوا ربنا ان معاكم وسيلة مش متوفرة لملايين تانيين وادعوه انه يديمها علينا نعمه

تصدق انتى جبتلى حالة إحباط انتة إيه العربية القديمة اللى معاك اللى مفيهاش مشاكل ديه يا راجل حرام عليك هيا لو مفيش فيها مشاكل مزمنه و بتعمل المطلوب منها من توصيل واستغناء عن قرف المواصلات كان الواحد هيفكر يبعها انتة بتقول إيه بس ده الواحد بيبقى حاطط إيده على قلبة وبيقول يارب يروح ويرجع بيها سليمة انتة بتتكلم فى عربيات عدت الفترة الزمنية اللى معمولة انها تشتغلها أصلا وإيه العربية القديمة اللى بتتكلم عليها وبتقول كل اللى بتطلبة موجود من قطع غيار ياريت تقولى عليها ده الواحد بيلف الدنيا كلها عشان يلاقى الحاجة اللى عطلانة ومبيلقيهاش حرام عليك يا جدع وموضوع اسعار معقولة جداااا يمكن فى عربيات قديمة بس الموضوع بيختلف كتير قوى فى نوع العربية القديمة انا بدفع فى قطعة الغيار اغلى ما عربيات موديل 2007 بتجبها جديدة وانا بجبها استيراد :) وتحيا مصر خلينى ساكت ده انا لو اتفتحت مش هسكت

[bishoy02010]

مساء الخير عليكم
يا جماعه الموضوع موش مقتصر ع مالكي الـ 127 فقط ده ع كل العربيات القديمه والمستهلكه
وبصرف النظر عن حالتها سعرها في الاساس بيتوقف على حالة السوق واذا اتكلمنا عن السوق حالته موش هاتتصلح في يوم وليله وخدوا بالكوا احنا في مصر
ممكن حد يدفع في العربيه دي 22الف زي اللي اشتراها من المنصوره ع اساس اللي معمول فيها وحالتها ايه لكن في غيروا موش هايبص على كده ولا هايقدر ده وهايشوفها في الاول والاخر عربيه بقالها فوق الـ 20 سنه ولو حتى انت معاك المبلغ ده تخاف ان العربيه بكره ما تعملكش نص المبلغ ده وماتقوليش ياعالم بكره فيه ايه : ) ده انت كده موش عايش في اللي احنا فيه
خط العربيات المستعمله في النازل واللي متوقع انه هايعلى يبقى طيب اوي
ذوق المستهلك المصري اختلف والناس بتتطلع للجديد وبقى فيها تيسيرات كتيره اوي عشان تحصل ع عربيه جديده لكن الناس اللي موش ليها في التقسيط وقرفه هاتلجأ للمستعمل بس هاتفكر في اللي هاتدفعوا مية مرة لان لو دلوقتي حال السوق مخلي العربيه تمنها في النازل ولسه التعريفه الجمركيه ما تطابقتشي والسنه الجديده ان شاء الله هاتتطبق وهاتقل 4% واللي بعديها هاتكون 8% يعني ما شاء الله
اللي هايشتري 127 او غيرها بسعر عالي حاليا كمان سنه او سنتين هاتجيبلوا مبلغ موش عارف بقى هاتكون قيمته اد ايه يمكن اقتصادنا يتحسن ويبقى للجنيه قيمه هأ
الموضوع موش تعصب لنوع عربيه معينه لا ده يطبق ع كل العربيات المستعمله
وخد في بالك مشروع احلال ال 34 الف تاكسي ودول عربيتهم موش هاتتكهن وتترمي لا ده ممكن تتحول ملاكي يعني حضراتكوا هاتبقى كمية العرض كتيييييييير والطلب"؟؟؟؟؟؟؟" والعلاقه عكسيه في السعر يعني الاسعار"....." انا موش هاتكلم فكروا فيها انتم بقى : )
انا موش اقصد ازعل حد مني بس احنا بنتناقش والاختلاف في الراي لا يفسد من الود قضيه : )

سلااااااااااااااااااام

+111111111

[Ahmad_Nawwara]

أستاذي الفاضل bishoy
انا مش بتكلم عن BMW القديمه ولا عن المرسيدس ولا الشيفروليه والكاديلاك القديمه !!!! انا كنت بقصد عربيات الغلابة زي ال127 وال128 .. وبعدين انا قلت اعطال مزمنة وليست اعطال عادية يعني اعطال مش نافع فيها لاتصليح ولاغيره .. طبعا قطع غيار ال bmw غالية وقليله ربنا معاك

[bishoy02010]

أستاذي الفاضل bishoy
انا مش بتكلم عن BMW القديمه ولا عن المرسيدس ولا الشيفروليه والكاديلاك القديمه !!!! انا كنت بقصد عربيات الغلابة زي ال127 وال128 .. وبعدين انا قلت اعطال مزمنة وليست اعطال عادية يعني اعطال مش نافع فيها لاتصليح ولاغيره .. طبعا قطع غيار ال bmw غالية وقليله ربنا معاك

يا باشا مال 128 وال 127 بايتين عند الميكانيكى يادوب تخلص شغل الميكانيكا تروح تعمل شغل كهربا تتطلع عال سمكرى وتعيد اللفة دية من الأول ده بإفتراض ان اللى بتعملة بيفضل شغال لغاية لما ترجع تعيدة تانى

[Ahmad_Nawwara]

:k48::k48:هاهاهاهاهاه ...... مش للدرجة دي