استفسار بخصوص فيات 131

[الشقنقيرى]

السلام عليكم

استفسارى ايها الاخوة
اشتريت سيارة 131 وموتورها 1600 cl
وعاوز اقارن رقم الموتور اللى فى الرخصه بالرقم على الموتور
ودورت على الموتور لقيت كذا رقم
ومش عارف اين يقع تحديدا رقم الموتور
ارجو الافادة يا رجاله وملوك الفيات

[Abo_Mazen]

سؤال ناس كتير سألته ومحدش بيرد عليه ..وللأسف ..تحس إن رقم الموتور ده سر محدش يعرفه غير بتاع البصمة اللي في المرور

[hugan]

اطلع علي اي اداره مرور اشتري ورق فحص ادخل افحص هاتعرف الرقم

[abokoko]

اسال عليه الميكانيكي
الفكره انك مش عارف مكانه وانه ممكن يكون عليه زيت و تراب
ممكن يبان بعد غسله كويسه للموتور بالسولار في البنزينه

[pepo2011]

المفروض في جنب الماتور الشمال او تحت المارش
بس خلي الميكانيكي يشوفه الاول

[الشقنقيرى]

الميكانيكى مش عارف
ولو حبيت اروح الفحص لازم اعمل عقد مسجل وتاشيرة من الضابط واجراءات نقل ملكيه

[Mecha]

هتلاقي ع البلوك بلته فضي فيها التفاصيل
اهمل المسبوك في البلوكه

[mif]

الميكانيكى مش عارف
ولو حبيت اروح الفحص لازم اعمل عقد مسجل وتاشيرة من الضابط واجراءات نقل ملكيه

خش اى مرور يعجبك (مش لازم مرورك) و يبقى رايق و شوف الواد بتاع البصمة و قوله ان بشترى العربية دى و عايز اتاكد ان رقم المكنة زى الرخصة
و راضيه باللى يطلع منك و شكرا

[hugan]

الميكانيكى مش عارف
ولو حبيت اروح الفحص لازم اعمل عقد مسجل وتاشيرة من الضابط واجراءات نقل ملكيه

مش لازم
هاتشتري ورق فحص من الخزانه
وبتاع الفحص هاياخد ١٠ جنيه
وهايجيب لك رقم الموتور والشاسيه
وخلاص

[الشقنقيرى]

حجرب كدة واقلكم

[samasuper]

الرقم بيبقى فوق فلتر الزيت