بونتو 2000 جابت موتور

[islam.bayoumy]

السلام عليكم
انا عربيتى البونتو 2000 جابت موتور، وبغض النظر ده حصل ازاى، انا دلوقتى قدامى حلين،

- انّى افتح الموتور واشوف لو يتعمّر (كنت جايب العربية من سنة وكانت كفائة الموتور 73%)،
بس معرفش موضوع العمرة ده هيتكلف قد ايه وهينجح ولا لأ خاصة انّى وانا بشترى العربية كنت عارف ان موتورها مبيتعمرش وبيتغير.

- تانى حل انّى اشترى واحد استيراد على طول بس انا خايف انّى اجيب واحد بردو مش قد كدة وعيوبه هتظهر بعد كتير اكيد.

انا سألت فى الوكالة لقيت الموتور كامل بفتيسه بالكمبروسر بالدينامو عامل 3500 وعلى التجربة اسبوع والراجل علشان عارفنى قالى علشانك انت 10 ايام، بس فى الوكالة مكانش عندهم مواتير كتيرة، يعنى كل واحد تلاقى عنده حتة أو اثنين ثلاثة منهم واحدة اللى نظيفة.

نزلت بعدها عزبت شلبى، لقيت المواتير هناك انظف وكتير يعنى الواحد تلاقى عنده 8-10 حتت، سألت على الموتور كامل وانا مرفش حد هناك قالى 4500 وعلى التجربه 20 يوم.

انا بصراحة متردد ومش داخل دماغى موضوع العمرة ده ..
فياريت المشورة وهل الاسعار دى معقولة ولا كتيرة وانهى الافضل اجيب منه (طبعا لسة هتكلم فى السعر اكيد لما اكون بخلص بس مش هيبقى فى كتير) ؟

[shady.punto]

خد النصيحة دى من اخوك لوجه الله والله
مبدئيا كدة ومن غير نقاش هغير ماتور طبعا وسيبك من العك والعمرة والقرف دة وتدخل نفسك فى متاهات مع الصنيعية وشغل غلط وهتلاقى نفسك بتدفع فلوس زى تغير الماتور بالضبط
ثانيا بالنسبة لتغير الماتور انت لو ادوات التغزية عندك شغالة وزى الفل مثلا زى كباس التكييف وباقى اجزاء التكييف والمارش والدينمو ييقى مفيش داعى انك تشتريهم
انت هتجيب ماتور من غير ادوات التغزية هيعمل معاك بالكتير قوى 2500 الى 3000 بس اهم حاجة قبل متشترى الماتور تاخد اوراقه وصورة المخلصة من التاجر عشان تعرف ترخص وبرضو مهم قوى يكون معاك ميكانيكى تكون بتصق فيه جدا عشان يبص على الماتور قبل متشترى ويكون على التجربة
ونصيحة هات ماتور من عند تاجر كبير يعنى يكون عنده بدل الماتور 10 15 ماتور عشان تعرف تختار احسن واحد فيهم ويكون عند اختيارات كتير
فى حته صغيرة كدة برضو اجب اقولهالك فى مواتير بونتو 1300 سى سى زى عربيتك بالضبط بس 16 صباب بدل ماتورك اللى 8صباب
لو جبت الماتور الـ 16 صباب تحفة حلو جدا هيفرق معاك جدا فى التكييف وهتحس بفرق ومش هيكون غالى قوى عن الماتور الـ 8 صباب
شوف كدة وربنا معاك واى استفسار انا تحت امرك

[islam.bayoumy]

خد النصيحة دى من اخوك لوجه الله والله
مبدئيا كدة ومن غير نقاش هغير ماتور طبعا وسيبك من العك والعمرة والقرف دة وتدخل نفسك فى متاهات مع الصنيعية وشغل غلط وهتلاقى نفسك بتدفع فلوس زى تغير الماتور بالضبط
ثانيا بالنسبة لتغير الماتور انت لو ادوات التغزية عندك شغالة وزى الفل مثلا زى كباس التكييف وباقى اجزاء التكييف والمارش والدينمو ييقى مفيش داعى انك تشتريهم
انت هتجيب ماتور من غير ادوات التغزية هيعمل معاك بالكتير قوى 2500 الى 3000 بس اهم حاجة قبل متشترى الماتور تاخد اوراقه وصورة المخلصة من التاجر عشان تعرف ترخص وبرضو مهم قوى يكون معاك ميكانيكى تكون بتصق فيه جدا عشان يبص على الماتور قبل متشترى ويكون على التجربة
ونصيحة هات ماتور من عند تاجر كبير يعنى يكون عنده بدل الماتور 10 15 ماتور عشان تعرف تختار احسن واحد فيهم ويكون عند اختيارات كتير
فى حته صغيرة كدة برضو اجب اقولهالك فى مواتير بونتو 1300 سى سى زى عربيتك بالضبط بس 16 صباب بدل ماتورك اللى 8صباب
لو جبت الماتور الـ 16 صباب تحفة حلو جدا هيفرق معاك جدا فى التكييف وهتحس بفرق ومش هيكون غالى قوى عن الماتور الـ 8 صباب
شوف كدة وربنا معاك واى استفسار انا تحت امرك

تمام وشكرا على ردك وان شاء الله اخلص وارجع هنا اقول انا عملت ايه

[memo_p910]

بس لو ركب ال 16 صباب مش كده هايحتاج تعديلات كتيره ؟

[shady.punto]

ولا اى حاجه نفس الماتور بالضبط مش هيغير اى حاجة خالص ولا اى تعديل

[Ahmed.MT911]

السلام عليكم
انا عربيتى البونتو 2000 جابت موتور، وبغض النظر ده حصل ازاى، انا دلوقتى قدامى حلين،

- انّى افتح الموتور واشوف لو يتعمّر (كنت جايب العربية من سنة وكانت كفائة الموتور 73%)،
بس معرفش موضوع العمرة ده هيتكلف قد ايه وهينجح ولا لأ خاصة انّى وانا بشترى العربية كنت عارف ان موتورها مبيتعمرش وبيتغير.

- تانى حل انّى اشترى واحد استيراد على طول بس انا خايف انّى اجيب واحد بردو مش قد كدة وعيوبه هتظهر بعد كتير اكيد.

انا سألت فى الوكالة لقيت الموتور كامل بفتيسه بالكمبروسر بالدينامو عامل 3500 وعلى التجربة اسبوع والراجل علشان عارفنى قالى علشانك انت 10 ايام، بس فى الوكالة مكانش عندهم مواتير كتيرة، يعنى كل واحد تلاقى عنده حتة أو اثنين ثلاثة منهم واحدة اللى نظيفة.

نزلت بعدها عزبت شلبى، لقيت المواتير هناك انظف وكتير يعنى الواحد تلاقى عنده 8-10 حتت، سألت على الموتور كامل وانا مرفش حد هناك قالى 4500 وعلى التجربه 20 يوم.

انا بصراحة متردد ومش داخل دماغى موضوع العمرة ده ..
فياريت المشورة وهل الاسعار دى معقولة ولا كتيرة وانهى الافضل اجيب منه (طبعا لسة هتكلم فى السعر اكيد لما اكون بخلص بس مش هيبقى فى كتير) ؟

العمرة هتكلفك قد تمن الجديد واكتر --- هات جديد وريح دماغك وقولنا ايه الاخبار معاك بعد ما ربنا يكرمك وتسقط الموتور الجديد

[islam.bayoumy]

السلام عليكم جميعا

انا اسف عن الانقطاع فى الرد ده نتيجة ظروف خاصة.
المهم انا روحت للميكانيكى افتح الماتور علشان اشوف هجيب واحد كامل ولا من غير تغذية ولا شورت-بلوك ولا هعمل ايه، المهم لقينا المشكلة انه جايب جوان وش سليندر وهى دى المشكلة بس (الماتور كان شغال 2 سلندر بس)، فقلت خلاص هغيرة وامشى بالماتور شويتين خاصة ان قبل ما يضرب كان فى حالة جيدة جدا ..

غيرتها والعربية فضلت اسبوع كويسة بس ثقيلة كدة وحاسس ان فيها تقطيع، فروحت منظفها بمنظف الانجكشن وغيرت بوجيها لأن البوجيهات اللى فيها كانت قديمة ومهلوكة جامد، المهم بعدها لقيت التقطيع ده بدأ يظهر بشكل اكبر لدرجة انى لو نقلت نقلة بدرى تلاقيها مش قادرة تمشى وعمالة تتهز جامد، كمان صوت الماتور ورجرجته سواء على السلانسيه او وانا ماشى عالية جدا ومعدل استهلاك البنزين زاد 3 اضعاف من غير ما اشغل تكييف كمان !

الميكانيكى قالى سلوك البوجيهات .. فغيرتها (كانت فعلا تعبانة) الموضوع قل بس متحلش، ساعات تلاقى العربية فايقة جدا وكتير ميتة خالص .
روحت اظبط تاكيهات، صوت الماتور ورجرجته قلت شوية واستهلاك البنزبن بقى ضعفين بدل 3 (كنت مغير كاوتشات الصبابات) بس لسة بردو بتقطع، وكشفت على طرمبة البنزين مافيهاش حاجة ان شاء الله وانا دلوقتى محتار وشاكك فى كهربة الماتور (بوبينة أو مشط)

[borio1704]

شكلك كده داخل في سكة مش حلوة...

الزملاء كانوا بيقولوا هات الموتور من غير أدوات التغذية... بس واضح إن أدوات التغذية عندك تعبانة خالص أصلا..

متهيألي تجيب موتور بأدواته كاملة وتريح دماغك من دلوقتي.


...

[AmAAmAs]

جرب تكشف على علبة البيئة

[islam.bayoumy]

أولا شكرا على الردود ساعدتنى كتير.
ثانيا المشكلة اتحلّت بفضل الله، كانت حساس شكمان !
شيلنا فيشة الحساس وطلعنا جربنا العربية كان سحبها رائع ما شاء الله يمكن احسن من قبل ما تضرب جوان، بس طبعا لمبة الانجكشن منورة علشان الحساس مفصول ومافيش تحكم فى نسبة الوقود\الهواء.
الميكانيكى قالى سيبها مفصولة وامشى بالعربية كتير علشان تنظف الحساس بعدين وصله، لو قطعت تانى (وده اللى حصل للاسف) يبقى نغيره، وفعلا اشتريته من عند الكيلانى ب420 وركبته والحمدلله الدنيا زى الفل حتى وانا مشغل التكييف واستهلاك البنزين ظبط.

[Kate]

استاذ اسلام انا كمان عندى نفس المشكلة العربية بونتو 2008 و الموتور جايب جوان وش سليندر و الميكانيكى فتح ولقى حاجات تانية بصراحة مش فاكره اسمها بس بيقولى هاتتكلف 2500 و ده انا شيفاه كتيير .. معلش ممكن تقولى انت غيرت ايه بالظبط و كلفتك كام؟؟
شكرا مقدما

[islam.bayoumy]

استاذ اسلام انا كمان عندى نفس المشكلة العربية بونتو 2008 و الموتور جايب جوان وش سليندر و الميكانيكى فتح ولقى حاجات تانية بصراحة مش فاكره اسمها بس بيقولى هاتتكلف 2500 و ده انا شيفاه كتيير .. معلش ممكن تقولى انت غيرت ايه بالظبط و كلفتك كام؟؟
شكرا مقدما

بص يا فندم انا لما غيرت، غيرت بالظبط جوان وش سلندر وجبته من الكيلانى كان تقريبا ب150 على ما اعتقد او يمكن اقل، وعملت خراطة فى وش الماتور ب100 جنيه علشان كان متاكل فقالى نزوده ونخرطة عشان الوش يرجع سليم وميبقاش فيه فراغات تساعد على ان الجوان يضرب تانى وغيرت كاوتشات الصبابات.

الحوار كله بالمصنعية معدّاش ال700 تقريبا.

اللى انا عملته ده ميتسماش عمره، او ممكن يقولوا عليه ربع عمره، بس واضح ان حوارك فيه شنابر وحاجات تانية، بس فعلا الكلام ده مبيتعرفش إلا لما الميكانيكى بيفتح الماتور زى ما عمل معاك.
لو عمره فعلا يبقى اعتقد ان رقم 2000-2500 ده يعتبر عادى (هو طبعا صادم ربنا يفرجها عليك).

فانت دلوقتى يا اما تقول للميكانيكى يكتبلك كل اللى هيحتاجه وتنزل تسأل عليه وتشوف الدنيا فعلا هتقفّل كام (مصنعيته هتبقى كبيرة لانه شغل كبير فعلا) ، يا اما تنزل تشوف المواتير واسعارها، بس مواتير مش هتقل عن 3000-5000 لو كامل بالفتيس والدينامو والكومبروسر إلخ (التخذية) أو ممكن 1500-3000 لو من غير تغذية

وربنا يعينك ويوفقك للخير

[JapRuleZ]

مش عارف ليه بس لو كنت مكانك كنت جبت الموتور ال TJET بتاع ال linea - او على الاقل حاولت

[Kate]

بص يا فندم انا لما غيرت، غيرت بالظبط جوان وش سلندر وجبته من الكيلانى كان تقريبا ب150 على ما اعتقد او يمكن اقل، وعملت خراطة فى وش الماتور ب100 جنيه علشان كان متاكل فقالى نزوده ونخرطة عشان الوش يرجع سليم وميبقاش فيه فراغات تساعد على ان الجوان يضرب تانى وغيرت كاوتشات الصبابات.

الحوار كله بالمصنعية معدّاش ال700 تقريبا.

اللى انا عملته ده ميتسماش عمره، او ممكن يقولوا عليه ربع عمره، بس واضح ان حوارك فيه شنابر وحاجات تانية، بس فعلا الكلام ده مبيتعرفش إلا لما الميكانيكى بيفتح الماتور زى ما عمل معاك.
لو عمره فعلا يبقى اعتقد ان رقم 2000-2500 ده يعتبر عادى (هو طبعا صادم ربنا يفرجها عليك).

فانت دلوقتى يا اما تقول للميكانيكى يكتبلك كل اللى هيحتاجه وتنزل تسأل عليه وتشوف الدنيا فعلا هتقفّل كام (مصنعيته هتبقى كبيرة لانه شغل كبير فعلا) ، يا اما تنزل تشوف المواتير واسعارها، بس مواتير مش هتقل عن 3000-5000 لو كامل بالفتيس والدينامو والكومبروسر إلخ (التخذية) أو ممكن 1500-3000 لو من غير تغذية

وربنا يعينك ويوفقك للخير

متشكرة جداا على اهتمامك و ردك .. هو بيقولى ديه تقريبا عمرة !! و كل ما أساله هملت ايه بالظبط يقولى فلى الاخر هقولك غيرت ايه و بكام ! .. المهم دلوقتى انه قفل العربية و عمل تليين و طلعت جربتها معاه و فصلت بعد مشوار 40 دقيقه كده و هو ده العيب الى كان فيها اصلاا !!!! فانا مش عارفه موضوع العمرة ده كان تشخيص غلط منه ولا ايه مع العلم ان الموتور كان فعلا راشح زيت جامد.
كشف على حساس الكرنك و قالى شغال بس المشكلة فى الكنتروك بيبعت كهربا غلط لحساس الكرنك .. انا دلوقتى مبقتش فاهمة هو عارف بيعمل ايه ولا بيخبط مع العلم ان الحوار كده شكله عايز كهربائى ... بالله عليك قولى اعمل ايه ؟؟ هو كده هايخد فلوس عمرة مش عارفة كان ليها لازمه و المفروض يخد فلوسه ولا ايه و كمان هايفتح فلى حوار الكنترول ومش عارفه هايسد فيه ولا اسيبه و اروح لكهرباء احسن ور بنا يعوض عليا؟؟؟
يا ريت تفيدنى عشان انا محتارة جدااا

[islam.bayoumy]

متشكرة جداا على اهتمامك و ردك .. هو بيقولى ديه تقريبا عمرة !! و كل ما أساله هملت ايه بالظبط يقولى فلى الاخر هقولك غيرت ايه و بكام ! .. المهم دلوقتى انه قفل العربية و عمل تليين و طلعت جربتها معاه و فصلت بعد مشوار 40 دقيقه كده و هو ده العيب الى كان فيها اصلاا !!!! فانا مش عارفه موضوع العمرة ده كان تشخيص غلط منه ولا ايه مع العلم ان الموتور كان فعلا راشح زيت جامد.
كشف على حساس الكرنك و قالى شغال بس المشكلة فى الكنتروك بيبعت كهربا غلط لحساس الكرنك .. انا دلوقتى مبقتش فاهمة هو عارف بيعمل ايه ولا بيخبط مع العلم ان الحوار كده شكله عايز كهربائى ... بالله عليك قولى اعمل ايه ؟؟ هو كده هايخد فلوس عمرة مش عارفة كان ليها لازمه و المفروض يخد فلوسه ولا ايه و كمان هايفتح فلى حوار الكنترول ومش عارفه هايسد فيه ولا اسيبه و اروح لكهرباء احسن ور بنا يعوض عليا؟؟؟
يا ريت تفيدنى عشان انا محتارة جدااا

الشكر لله

هو الحقيقة انا مش جامد انّى اعرف اشخّص لحضرتك المشكلة،
لكن بالنسبة للعمره : ممكن مؤشرات ان الماتور محتاج عمرة ان بيطلع دخان ابيض من الشكمان معناه ان فيه زيت بيدخل فى غرفة الحرق. أو ان اشواط ال4 سلندرات اللى بيحصل فيهم الحرق مش مظبوطة، او بيحصل صوت فرقعة جوه الماتور مع اول دوسة للبنزين وغيره انا معرفهوش.
بالنسبة لحساس الكرنك: فهو الاعراض اللى بتقوليها فعلا بتاعت حساس كرنك، لكن اعتقد -وبردو حد خبير يصححلى المعلومة لو غلط- ان حساس الكرنك ده كهربة ماتور يعنى بردو اختصاص الميكانيكى مش كهربائى.
بس عامة ترشيح الزيت اللى هو خلاه يعمل عمره ممكن بنسبة كبيرة يكون هو سبب بوظان حساس الكرنك.

وعامة كلامك معاه ان انا مطلبتش منك عمره انا جيتلك بمشكلة علشان تحلها وانت قلتلى عمره وعملناها والمشكلة لسة متحلتش، ومتحاسبيهوش على حاجة (مصنعية على الاقل) إلا بعد ما المشكلة تتحل، هو الصنايعى مش انت اللى تحليله وهو ينفذ ويقبض.

وربنا يسخرهولك وويصلح امرك وعربيتك وان شاء الله خير