اشتري فيات بونتو 2016 ولا افكني منها

[soooo1]

السلام عليكم

انا بفكر اشتري فيات بونتو. سمعت انها عربيه كويسه وموفرة فالبنزين وفيها عوامل امان كويسه وتقفليها حلو جداااا

انا مش هسافر بيها كتير يا دوب علي اد مشوار الشغل والمشاوير الخفيفه

فانا حابه اخد راي الناس اللي مجربنها اتوكل علي ربنا ولا مشاكلها كتير وياريت حد يفيدني في حوارات التوكيل بتاعها كويس ولا نظامه ايه؟! وقطع الغيار؟!!!

وسؤال مهم جدا كنت عاوزة اعرف نظام لفتيس بتاعها ايه انا قريت انه ليه تكنيك معين فالاستخدام وانا بصراحه قلقت من النقطه دي خصوصا اني بهرب من المانيوال ومش عاوزة حاجة تخنقني،،،

ياريت الافاده

[scientist9508]

بسم الله الرحمن الرحيم

أخى الفاضل

عندما تحدد فى طلبك للنصيحه و المشوره أنك تريدها من ملاك السياره فلن يجيبك إلا ملاكها . . إن أجابوك

أتمنى كل التوفيق أيآ كان إختيارك

السلام عليكم ورحمة الله و بركاته

[Mohamed Desoky]

السلام عليكم ورحمة الله وبركاته متهيالى ان السيينا نفس عائلة فيات البرازيلى السيينا دى ازبل سياره ركبتها طول 45 سنه من حياتى عربيه غير اعتماديه بلمره لاوالف لا للفيات البرازيلى وللفيات كله وقطع غيار اغلى من الالمانى وتوكيل اومترا شويه كدابين ونصابين وجهله لا يفهمه شئ شوف اى حاجه تانيه وانا قلت راى وتجربة عزاب مع السيينا وتقبل تحياتى

[ecko120]

السلام عليكم ورحمة الله وبركاته متهيالى ان السيينا نفس عائلة فيات البرازيلى السيينا دى ازبل سياره ركبتها طول 45 سنه من حياتى عربيه غير اعتماديه بلمره لاوالف لا للفيات البرازيلى وللفيات كله وقطع غيار اغلى من الالمانى وتوكيل اومترا شويه كدابين ونصابين وجهله لا يفهمه شئ شوف اى حاجه تانيه وانا قلت راى وتجربة عزاب مع السيينا وتقبل تحياتى

يا سيدى الفاضل اوماترا سابت التوكيل من سنتين

[marko polo]

رد

اهرب من العربية دى مش هقول اكتر من كدة

[bluemail]

عليكم السلام
لو ناوي تركب اوروبي ، خليك في الالماني

[S O P H O S]

فلوس البونتو تجيب بيها اختيار تاني افضل