حكايتى مع الزمان اقصد العربية ....... محتاج نصائح ضرورية

[ابن الحتة]

السلام عليكم
اخوانى انا محتاج نصائح لان العربية مبهدلانى
العربية بونتو 94

العربية من 4 شهور قطعت دسك واسطوانة قلت الحمد لله رحت مغيرهم وقلت تمام
بس وانا بغيرهم الواد العفشجى قالى خلى بالك العربية بتطلع دخان ابيض اكشف عليها ميكانيكا
رحت للميكانيكى قالى طقم شمبر قلت الحمد لله لان العربية بتاكل زيت جاااااااااااامد
رحت من شهر تقريبا عامل طقم الشمبر
وانا فاتح قلت بالمرة انا فاتح الماكنة
غيرت الردياتير ومروحة التبريد
طقم شمبر
مش عارف قعد يقولى حاجات من اللى جوا الماكنة بايظة وعايزة تتغير
اقولة غير
لاء الوش عايز خراط اقولة اخرط
لا مش عارف الشميز مش عارف اية اقولة اعمل
سلك الكاتينة وحش اقولة غير
الموبينة وحشة بتنتش عايزة تتغير قلتلة نغير
المهم موضوع طقم الشمبر دخل فى حوالى 1500 غير كمان
الردياتير والمروجة وماية الخضرا 750
دا غير الديسك والاسطوانة اللى قبلهم قلت الحمد لله
العربية عايزة تلين قلتلة اوكى همشى على مهلى لغاية ماتلين وامبارح اول يوم اقرص على الماكينة لما قالى كدا تمام اعمل بالموتور اللى انت عايزة خلاص

الخلاصة امبارح العربية على الارض حلوة ماشى 120 - 130 مبتقولشى لاءة
بس الكبارى العزم وحش جدا جدا والعربية عزمها بيقل وبتطر ادى غيار اقل وانا فى الكوبرى
وكمان وانا بحط العربية فى الجراج لاقيت الشكمان بيجيب دخان اسود مع الكبس
اية الحكاية حد يشور عليا الواحد تعب خااااااااااااااااااالص والموضوع مش راضى ينتهى

[eng.salama93]

ّّ بس وانا بغيرهم الواد العفشجى قالى خلى بالك العربية بتطلع دخان ابيض اكشف عليها ميكانيكا ّّ
مين اللي قال لحضرتك ان العفشجي هو اللي بيغير الديسك و الإسطوانه !!!
ّّ سلك الكاتينة وحش ّّّ مين برضو اللي قال لحضرتك ان اسمه سلك الكاتينة ! اسمه سير الكاتينه

[pepo2011]

دخان ابيض يعني بوجيهات او تنضيف دورة بنزبن
العربية مش مظبوطة كهربا ودي بسيطة انشاء الله