مين افضل الافيو ام البونتو والسعر متقارب

[amir11]

ممكن أهل الخبرة يفيدوني الافيو افضل ام البونتو

[Einstein_EG]

انا اسمع ان الافيو فيها مشاكل كتير ، البونتو مش متأكد .

[hfarouk]

الافيو اسهل فى البيع بعد كده

[fahd_628]

بص لو مش بتحب الجرى و عاوز توفر فى البنزين جامد يبقى البونتو

عربية ايطالى 100% و 2 ايرباجز بس المشكلة ان محركها ضعيف شوية

[amir11]

يعني يا جماعة مين اللي تستحمل اكتر ومن ناحية الامان والعمرالافتراضي او كفاءة التصنيع و هل البونتو تعتبر كشكل مقبولة والف شكر لكم جميعا

[fahd_628]

من ناحية الأستحمال و الامان و العمر و كفائة التصنيع البونتو تكسب

و على فكرة انا بحب جدا جدا جدا جدا جدا شكل البونتو هوة مش مقبول هوة جميل فى رأى

[Einstein_EG]

:k47::k47:

[Einstein_EG]

بص يا سيدى الفاضل، انا كنت فى مركز خدمة و صيانة فيات من كام ساعة فى ابو رواش ، اتكلمت مع احد المهندسين هناك و كان راجل محترم جداً و بقاله هناك مده طويلة ، الراجل كان فى منتهى الصراحة هوا متكلمش على عربية بالتحديد بس اتكلم على التكنولوجيا علشان يكون محايد تماما ، و لما سألته على موتور البونتو ليه بيطلع 60 حصان بس مع انه 1300 سى سى و دا مش قليل ، و فى عربيات زى .... موتور 1400 سى سى و بتكلع 95 حصان ، المهندس فهمنى ان كون العربيه بيتطلع قوه عاليه بنفس سعة عربية قوتها معقوله دى ميزة و عيب ،الميزة هى القوه العالية الناتجة عن تعقيد شديد فى ادارة المحرك فى السيارة و التغذية طبعاً ، و العيب فى الموضوع دا ان صاحب العربية دى هيضطر يصلحها فى التوكيل و المهندسين فى التوكيل مضطرين برده يستخدموا الكمبيوتر و اجهزة تانية علشان يظبطوا العربية و صيانتها بتبقى مكلفه ، و طبعاً شاور على عربيتى برة (البلونيز) و قالى العربية دى مثلاً 1600 سى سى و بتعمل 75 حصان بس ، مع ان مواتير ال 1600 تعمل فوق المية بكتيييير ، لكن الموتور عندك غير معقد ، و بتصلحها "ع الرصيف" و اى ميكانيكى ممكن يعملها ، هوا الموضوع دا كدة بالظبط و كل العربية ما تكون ابسط كل ما تعيش اكتر .

اللى فهمته من الكلام دا ان البونتو سهله التركيب و مش معقده علشان كده ممكن تصلحها بنفسك او عند الميكانيكى من غير تعقيد ولا كمبيوتر و حاجات من دى ، و كمان دا بيزود عمرها لانها زى ما تقول كدة "كلاسيك" فبتمشى مع اى وقت ، زى ال 127 كده :) و الله اعلم اما عن صورها فهتلاقى كل اللى نفسك فيه هنا

http://www.zastava10.com/index.php?n=TehnickeKarakteristike.Galerija

بالزمة دى وحشة ؟؟؟ بس خد بالك ، اللى فى الصورة دى بالرغم من انها صورة طبق الاصل من اللى موجودة فى مصر و اللى فى ايطاليا لكن Zostava 10 مصنوعة فى شركة تانية بترخيص من فيات و عمرها ما نزلت مصر ، ماتقلقش اللى فى مصر فيات ايطالى 100%

[Ahmed Taha]

لا مجال للمقارنة

كنت في نفس الموقف بس فعلا لا مجال للمقارنة.

بونتو مش هاتندم.

[mrghost]

البونتو شيك جدا وشبابى 100%

[Einstein_EG]

لو عاوز بونتو و خلاص قررت ، ادينى خبر انا و 3 من اصحابى هنجيب 4 عربيات مره واحده و بكده المفروض ناخد تخفيض جامد ، معتقدش هناخدها باكتر من 70 مع المثلث و العدة الكامله مش اللى مع الاستبن و معاهم غطا العربية و 4 دواسات و الهدية المعروفة (CD Radio ) الاصلى بتاعها ، و احنا متفقين هنجيبها مع بعض فى شهر مارس علشان نشوف اذا كانت العربيات هترخص ولا لأ و نشوف العربية عامله اية فى السوق و لو فى حاجة تانية داخله المنافسه. لو تحب تشترى معانا ادينى خبر

[Dr.A.Nabil]

بونتو

اسأل مجرب

............................
بقالها معايا داخله ع 6 سنين
ما اشتكتش منها خالص...

واخويا معاه بونتو 2008

توكل ع الله

الافيو بس تفرق معاك لو انت غاوي شد وسحب وسرعات عاليه...

[Einstein_EG]

مستر احمد نبيل تسلم ايدك ، مادام بقى عندك ، خلينا نستغلك شوية :) ، اية اخبار التكييف و الضمان معاك ؟؟؟ ، و عزل الصوت اخبارة اية ؟
بس الشكر ليك واجب ربنا يعينا و نرد الجمايل يا باشا

[amir11]

انا والله مندهش انتم اسرة واهل بجد مش عارف أشكركم ازاي جزاكم الله كل خير وفعلا معلومات قيمة انا بقيت مقنع بالفيات بونتو

[Einstein_EG]

بالتوفيق يا صديقى