ما الفرق بين 128 و 128 نوفا

[mohammedalakshar]

السلام عليكم
حبيت اعرف الفرق بينهم من حيث الشكل والاداء والسعر وشكرا لكم

[waleedrahmy]

ال128 ايطالي حتي موديلات1990 والنوفا يوغسلافي من 97 وحتي الان والشكل واحد ماعدا شوسة حليات بلاستيك

[Abdo_Eldesokey]

بص يا باشا ، أنا معايا نوفا 128 مو 97

النوفا موديلاتها من أول 96 وانت طالع ، بتختلف عن الـ 128 العادية في :

- تصنيع شركة Yugo وطبعا ً تجميع النصر.
- التابلوه لونه رمادي ومختلف عن الموديلات القديمة ، أنا في رأيي إنه أشيك كتير وبيلفت النظر.
- الإكصدام مختلف تماما ً عن الموديلات السابقة وكل موديل له إكصدامه
- الموتور 1300 سي سي 5 نقلات.
- لها قطع غيار خاصة بيها مش زي أي 128 ، وده في رأيي عيب ، يعني أنا مثلا ً محتاج أغير تيل فرامل ومش لاقي بتاع الموديل ده ، نفس الكلام كان أتوماتيك المارش عندي باظ ملقتش بتاع الموديل ده واضطريت أغير المارش كله بواحد بتاع موديل قديم.

بس طبعاً الكلام ده مش موجود في القاهرة ، لأن كل حاجة موجودة

[mohammedalakshar]

جزاكم الله خير والله الواحد كل يوم بيستفيد منكم كثير