رجة في السيارة الصبح عند التشغيل

[فاطمة 2016]

صباح الخير يا جماعة
انا معايا فيات اونو موديل 93
الاسبوع اللي فات العربية سخنت مني طبعا كان السبب المياه و بعدين بعد كدا غيرت الفيوزات كلها بس بحس الصبح لما بشغلها ان هي بتترج شوية وبعدين لما بتسخن الرجة دي بتروج يا ترى العيب ايه , وشكرا تعباكوا معايا
الميكانيني هاغيري النهاردة الفرن وقاعدة الماتور ممكن يكون السبب منهم ولا ايه؟
سؤال اخير الميكانيكي اخد مني 160 ثمن الفرن وقاعدة الماتور سعرهم كويس ولا ضحك عليا ؟

[ahmed.biso13]

ممكن يكون قاعدة الماتور اللى ركبها الميكانيكى مش بتاعتها او نوع ردىءاو مربطش كويس القاعدة
او ان الشكمان والفرن يخبطوا فى العربية لما تكون باردة وده حله عازل لباد من تحت العربية يمنع الصوت
وزالخبط ومكن تقولى للميكانيكى يعلى كرباتير العربية
بالنسبة للسعر 80 الى 100 ج كويس وممكن تسالى ميكانكى تانى ولما تروحى للميكانيكى ابقى خدى معاك اخوك اووالدك لان فيه صناعية بتستغل ان الحريم لانها مش فاهمة وتشتغلها فى المصنعية
والله لو كنت فى القاهرة كنت وديتك عند صنايعى ابن حلال ومش هياخد من من اللى قولتك عليه ولو مماعكيش هيخلصلك العربية ويوقلك لو مفيش روحى ولما تبقى معاك ابقى ولو مماعكيش عدى بده لانه بيحرج جدا فى موضوع المصنعية
بالنسبة لموضوع السخونية حطى مياه خضراء شل او امارات مصر وخلى الكهربائى يضغط سنة على كلبسات الترموثتات لانها لو اتهزت من مطب بتخلى العربية تسخن واربة المياه تفضى

[فاطمة 2016]

شكراً على الرد والاهتمام فعلاً والله الميكانيكية بجد مستغلين جداً هاخليه يعمل الحاجات دي وربنا يسهل شكراً جداً

[miam0502788391]

صباح الخير يا جماعة
بس بحس الصبح لما بشغلها ان هي بتترج شوية وبعدين لما بتسخن الرجة دي بتروج يا ترى العيب ايه , وشكرا تعباكوا معايا
ا؟

السبب فى الغالب حاجتين
الاول عدم انتظام دوران المحرك فى اول الدوارة وده حله ان الميكانيكى يظبطه ظبط كهربا يعنى
التانى قاعدة موتور مشروخة لا تستطيع تحمل ذبذبة الموتور لثناء الوراة فالموتور يقعد يترج لحد ما يسخن ودوراته تنتظم

[فاطمة 2016]

السبب فى الغالب حاجتين
الاول عدم انتظام دوران المحرك فى اول الدوارة وده حله ان الميكانيكى يظبطه ظبط كهربا يعنى
التانى قاعدة موتور مشروخة لا تستطيع تحمل ذبذبة الموتور لثناء الوراة فالموتور يقعد يترج لحد ما يسخن ودوراته تنتظم

شكرا على الاهتمام والرد فعلا القاعدة هي مشروخة والميكانيكي مطلع عيني لحد ما يغيرها

[م أحمد]

القاعدة مشروخة أيوة بس مش هو دا العيب !!! هى صادفت ان العيب معاه قاعدة مشروخة

قاعدة الموتور لو مشروخة الرجة بتحصل الصبح و الظهر و العصر و كل الأوقات !!! بتقل شوية لما المكنة تسخن كويس

العيب كوستبانات الموتور عليها رواسب زيت و كربون كتير و الحل : OIL Motor Flush
و كمان غيارين زيت ورا بعض و يكونو بدرى

و عيب الكوستبانات بيظهر الصبحية بس !!!

ملاحظة قاعدة الموتور فى كثير من السيارات بتتشرخ لحظة الفك نتيجة الطرق عليها و محاولة إخراجها

[فاطمة 2016]

شكراً على اهتمام حضرتك. بس الكوستبانات دي ايه بالضبط? ومكانها فين. ?

[Mohamed Desoky]

السلام عليكم ورحمة الله وبركاته واضح ان حضرتك مش عارفه تشرحى كويس علشان نفهم ؟وبعض الزملاء بيقوله كلام مش فى الموضوع وايه علاقة فرن الشكمان بلغبطة الموتور الفرن ملهوش علاقه ؟ لو سمحتى اشرحى بشكل افضل وشكرا

[م أحمد]

شكراً على اهتمام حضرتك. بس الكوستبانات دي ايه بالضبط? ومكانها فين. ?

لما بتروحى لواحد بتاع رفة علشان يخيط هدوم بيبقى حاطط صدادة على صابعه شبه الخاتم علشان الإبرة ما تضرش ايده ....دى اسمها كوستبان

و فى العربية الكوستبان دا بيبقى الصدادة أو العازل بين الكامة (ايد بتاع الرفة) و سن الصباب (الإبرة)

الكامة شبه الجوافة بتلف فى حركة دائرية و تخبط سن الصباب اللى عبارة عن سن معدنى فى تخانة القلم الجاف

مكان الكلام دا كله فى اعلى الموتور و مقفول عليه بغطا اسمه غطا التاكيهات (اللى بتتكى على الحاجة)