استفسار عن الفيات بونتو

[ورده]

بعد اذن حضراتكم كنت عاوزة أستفسر عن أسعار الفيات بونتو المستعمله يعني لغاية موديل 2003 او 2004 او الموديلات من بداية الألفينات ؟؟

ايه المميزات وايه العيوب؟ وأخطر عيب ايه هو ؟؟ \

ديه هتكون أول عربية وأنا خايفه اتدبس فبحاول استفسر عن كل الموديلات اللي في حدود امكانياتي

شكرا لكم جميعا

[scientist9508]

لا أنصح اى حد بأن يشترى الفيات (بغض النظر عن الموديل) مستعمل . . لو أن حضرتك أخبرتينى بأنها جديده كنت سأقول لك توكلى على الله . . لكن مستعمل . . لا أنصح

[m000dy]

البونتو من أشيك موديلات الفيات
بدأت من سنة 1993 بأول شكل ليها اللى كسر روتين سيارات فيات باشكاله المتشابهه والخاليه من اى ذوق او جمال اللى كانت فى الفتره دى امثال التيبو والتمبرا والاونو ... فضلت من سنة 1993 لحد 1999 بنفس الشكل ومن 1993 لحد 1995 خدت جوايز كتير اهمها أفضل سياره صغيره هاتش باك فى أوروبا ( كان معايا عربيه جايه من بره عليها بادج النومينيشن ) .
سنة 2000 ولحد 2003 اتغير شكلها وخدت مقدمة هجوميه بفوانيس لينس ذات تحكم داخلى ونزل فيها أوبشن جديد اسمه السيتى باور مش موجود فى اى عربيه تانيه لحد النهارده وده مهمته تسهيل عملية الركن واتغير لون اضاءة التابلوه من الاخضر المنتشر الى البرتقالى النارى أكثر وضوح وشياكه دون تشتيت السائق
سنة 2004 ولحد يومنا هذا اتغيرت مقدمة العربيه وفضلت ثابته وجدير بالذكر ان قطع الغيار الداخليه هى هى من سنة 2000 لحد النهارده وده معناه قطع غيار كتير وسعر كويس وفعلا اسعار الاستيراد ممتازه فى حاجات كتير زى الطنابير والحساسات والمساعدين
نرجع لموضوعنا اللى هو ان موديل من 2000 الى 2003 من افضل الموديلات شكلا ( طبعا مع ثبات التصميم الخلفى المميز للبونتو ) مع ميزة ان كل موديلات الشكل ده تقفيل ايطالى وخامات ممتازه
العربه 1300 سى سى واستهلاكها للبنزين رائع
طبعا موتوها غنى عن التعريف وهو الموتور الرسمى للفيات منذ قديم الازل وهو اللانشيا ... هو يصنف تبع النيرفز انجينز .. يعنى المواتير العصبيه اللى صوتها ظاهر الى حد ما ومحسوس اثناء القياده لكن مش مزعج او اوفر
العربيه دخولها وخروجها سهل وواسعه وعاليه عن الارض
مش اى حد يلعب فيها لان ضفيرة الكهربا بتاعتها معقده الى حد ما وروحها الكهربا ممكن سلك واحد يخليها تبرجل كلها
قطع غيارها جديده كلها عند الكيلانى وده موزع معتمد
قطع غيارها استيراد ماليه الدنيا فى الوكاله والحرفيين وعزبة شلبى طبعا
سعر العربيه العادل من 36 الف الى 40 الف لو حاله واستخدام نضيف ( وانا انصح ما تجيبيهاش الا كده عشان ماتهنكيش وتستمتعى بيها ) ممكن تزودى الف او اتنين بالكتير اوى
ربنا يوفقك وتلاقى حاجه كويسه على اد امكانياتك

[رامي مصطفى]

رد وافي وجميل
تسلم ايدك
وربنا يوفق صاحبة الموضوع للاختيار

[Mohamed Desoky]

البونتو من أشيك موديلات الفيات
بدأت من سنة 1993 بأول شكل ليها اللى كسر روتين سيارات فيات باشكاله المتشابهه والخاليه من اى ذوق او جمال اللى كانت فى الفتره دى امثال التيبو والتمبرا والاونو ... فضلت من سنة 1993 لحد 1999 بنفس الشكل ومن 1993 لحد 1995 خدت جوايز كتير اهمها أفضل سياره صغيره هاتش باك فى أوروبا ( كان معايا عربيه جايه من بره عليها بادج النومينيشن ) .
سنة 2000 ولحد 2003 اتغير شكلها وخدت مقدمة هجوميه بفوانيس لينس ذات تحكم داخلى ونزل فيها أوبشن جديد اسمه السيتى باور مش موجود فى اى عربيه تانيه لحد النهارده وده مهمته تسهيل عملية الركن واتغير لون اضاءة التابلوه من الاخضر المنتشر الى البرتقالى النارى أكثر وضوح وشياكه دون تشتيت السائق
سنة 2004 ولحد يومنا هذا اتغيرت مقدمة العربيه وفضلت ثابته وجدير بالذكر ان قطع الغيار الداخليه هى هى من سنة 2000 لحد النهارده وده معناه قطع غيار كتير وسعر كويس وفعلا اسعار الاستيراد ممتازه فى حاجات كتير زى الطنابير والحساسات والمساعدين
نرجع لموضوعنا اللى هو ان موديل من 2000 الى 2003 من افضل الموديلات شكلا ( طبعا مع ثبات التصميم الخلفى المميز للبونتو ) مع ميزة ان كل موديلات الشكل ده تقفيل ايطالى وخامات ممتازه
العربه 1300 سى سى واستهلاكها للبنزين رائع
طبعا موتوها غنى عن التعريف وهو الموتور الرسمى للفيات منذ قديم الازل وهو اللانشيا ... هو يصنف تبع النيرفز انجينز .. يعنى المواتير العصبيه اللى صوتها ظاهر الى حد ما ومحسوس اثناء القياده لكن مش مزعج او اوفر
العربيه دخولها وخروجها سهل وواسعه وعاليه عن الارض
مش اى حد يلعب فيها لان ضفيرة الكهربا بتاعتها معقده الى حد ما وروحها الكهربا ممكن سلك واحد يخليها تبرجل كلها
قطع غيارها جديده كلها عند الكيلانى وده موزع معتمد
قطع غيارها استيراد ماليه الدنيا فى الوكاله والحرفيين وعزبة شلبى طبعا
سعر العربيه العادل من 36 الف الى 40 الف لو حاله واستخدام نضيف ( وانا انصح ما تجيبيهاش الا كده عشان ماتهنكيش وتستمتعى بيها ) ممكن تزودى الف او اتنين بالكتير اوى
ربنا يوفقك وتلاقى حاجه كويسه على اد امكانياتك

السلام عليكم ورحمة الله وبركاته حضرتك بتتكلم عن فيات وله بتتكلم عن x3 الالمانيه هيا فعلا عربيا عاليه وقويه البى ام معروفه من اقوى السيارات الالمانيا وليها صوت الموتور كانه زئير اسد عربيه اجمل مايكون طبعا المانى ؟ ايه ده حضرتك بتتكلم عن الفيات وتوكيل اوماتر الحرميه النصابين ولاد ال؟ انتى بتهزر انتى بتتكلم عن اسوء عربيه ممكن تركبها فى حياتك للاسف كلامك خيالى مش على ارض الواقع المصرى انا ركبت 16 عربيه اوسخ واقزر عربيه شوفتها وركبتها الفيات سيينا 1600 cc لايمكن يكون اللى عملها انسان عاقل ده اكيد عبيط

[ahmed.biso13]

حضرتك طلبتى النصيحة والراجل قال كلمته ولك ان تقبليها او ترفضيها
مميزات عائلةالفيات عموما هو الاتى
1-اى صنايعى يشتغل فيها ماعدا الكهرباء لازم واحد فاهم فى تاسيس العربية فقط زى البنتو والتمبرا
2- انتشار قطع غيارها الجديد فى التوفيقية والكيلانى والاستيراد فى عزبة شلبى
3- اسعارها فى متناول اليد مش غالية بالتدرج الاتى اليابانى والالمانى والكورى ثم الفيات
4-سهولة البيع والشراء لو الواحد اتزنق فى فلوسها بتبقى بياعة باستثناء العربيات الاخرى
والرابط ده كفيل بالرد وافضل منى

http://www.nilemotors.net/Nile/29241-a.html

[windofchange]

فكري في سيات ايبيزا مو من ٢٠٠٠ ل ٢٠٠٢ 1الف سي سي 75 حصان باور وتكييف بس اغلي شويه من 40 ل 50 الف تقريبا