معلومات عن صيانات 127 سوبر فيورا

[Mohamed TEMS]

السلام عليكم
انا لسة شاري عربية 127 سوبر فيورا ( 903 سم )
وعايزكوا بقي تنصحونى اعمل اية فى العربية و الى اخد بالى منة والكلام دة لاني جديد ودي اول عربية لية
العربية محتاجة شغل سمكرة و عفشة و كهرباء و اكيد ميكانيكا
فياريت لو تقولولى على امكان كويسية اظبط فيها العفشة و ظبط الزواية وو= الكهرباء و بالمرة الرداتير انظف وتكون قريبة من القصر العييني او المنيل او المنيرة او السيدة زينب يبقي حلو اوي اوي
وابقي شاكر ليكوا جدااا
و الى عندة معلومة او حاجة اخلى بالي منها ميبخلش علية انا لسة جديد و محتاس بيها

[amr011111]

اجل السمكره والدوكو لحد ما تتقن السواقه وفى الاخر ابقى شدها سمكرة ودوكو
الشىء الوحيد انك تروح لسمكرى يبصلك على الركب وعلى الكارتيرات انها كويسه ومش محتاجه تقويات ولا لحامات

اول حاجه تعملها انك تغير السيور ( سير الكاتينه وسير الدينامو ) والفلاتر ( فلتر الزيت وفلتر الهوا ) والزيوت ( زيت الباكم وزيت الموتور وتتأكد من زيت الفتيس )
وتكتب قراءة العداد بحيث إن شاء الله تغير كل حاجه فى وقتها بعد كده
بالنسبه لمروحه الريداتير تتأكد انها بتشتغل وبتفصل بمعنى اخر ان الترموستات سليمه وطبعا تغير بوجيهات وابلاتين وكوندينسر وألف مبروك العربيه

[Mohamed TEMS]

شكرا ً جدااا يا كبير
الركب و الكارتيرات كويسية الحمد لله
تعرف السيرفيز بتاعت العربية دي ممكن تكلف كام بالضبط

[windofchange]

بس الزيوت اللي هتغيرها تكون نفس اللزوجة اللي المصنع بينصح بيها و ديه تعرفها من الكتالوج او موقع شركة زيت liqui moly مثلا بتدخل موديل العربية و حجم الموتور ويطلعلك لزوجات الموتور والفتيس والفرامل..اما بالنسبة للردياتير اغسله كويس و حط مع المياه الجديدة اضافة تسد الثقوب الصغيرة فيه بس ده طبعا بعد مالميكانيكي يراجع علي الكيعان و خراطيم الردياتير الاول واللي بايظ يغيره..المياه الجديدة تشوف هي بتاخد مياه حمراء ولا زرقاء من عالموقع بتاع ليكوي مولي ميزتها عن مياه الحنفية مفيهاش املاح فبتمنع الصدأ و بترفع درجة غليان المياه فوق ١٢٠ درجة وبتشحم طلمبة المياه

[Mohamed TEMS]

بس الزيوت اللي هتغيرها تكون نفس اللزوجة اللي المصنع بينصح بيها و ديه تعرفها من الكتالوج او موقع شركة زيت liqui moly مثلا بتدخل موديل العربية و حجم الموتور ويطلعلك لزوجات الموتور والفتيس والفرامل..اما بالنسبة للردياتير اغسله كويس و حط مع المياه الجديدة اضافة تسد الثقوب الصغيرة فيه بس ده طبعا بعد مالميكانيكي يراجع علي الكيعان و خراطيم الردياتير الاول واللي بايظ يغيره..المياه الجديدة تشوف هي بتاخد مياه حمراء ولا زرقاء من عالموقع بتاع ليكوي مولي ميزتها عن مياه الحنفية مفيهاش املاح فبتمنع الصدأ و بترفع درجة غليان المياه فوق ١٢٠ درجة وبتشحم طلمبة المياه

تسلملى يا باشا على المعلومات دي
هو الاحسن انى اغير الزيوت دي فى البنزينة مثلا ولا اغيرها فى الورش بتاعت الزيوت والكلام دة ( الى هي بتبقي بالكيلو و كدة ؟؟؟!!)
وكمان بالنسبة للرداتير اعرف منين انوا محتاج يتنضف ولا انضفوا احتياطي احسن

[windofchange]

فيه لزوجات مبتكنش موجودة فالبنزينة اعرف الاول هي بتاخد لزوجات ايه