مشكله سخونه مع تشغيل التكييف بونتو 2010

[mryoppa]

السلام عليكم لو سمحتم أنا معايا فيات بونتو 2010 درجه الحراره بتعلى أحيانا معايا وأنا مشغل التكييف و بمجرد ما أقفله تنزل لمعدله الطبيعي تاني و بعديها بكام دقيقه ممكن أشغله تاني و متعلاش ممكن حد يفيدني المشكله من أيه؟
ملحوظه: 1- أنا لسه شاحن التكييف
2- عملت تنظيف دوره مياه وكده كده بحط مياه موبيل
3- المياه عندي مش بتنقص

[عبدالله برعى]

هل مع تشغيل التكيف المروحة بتشتغل لو لا اذن المشكلة فى القعة التى تعطي الامر لمروحة التبريد- وقت تشغيل الكباس بالعمل

[S O P H O S]

اذا دورة التبريد سلمية ومفيش مشاكل
يبقي تتأكد من المروحة

[mryoppa]

المروحه شغاله عالسرعتين عادي ...من شويه روحت لصابر اللي في السادس قالي نضف سربتينه التكيف لأنها هي اللي ممكن تعمل كده أو كبس زياده في التكييف قلتله أن كذا حد بتاع تكييف قاللي أن السربنتيه بتاعت التكييف رايحه في داهيه و عايزه تتغير بس أنا كنت مكبر دماغي عشان التكييف شغال كويس.
فرد عليا وقاللي ممكن تكون من السربنتينه أه.
هل الكلام ده صح ولا غلط؟؟؟؟!
مع ملحوظه أن مش بالضروره أن موضوع السخونيه ده يحصل و في الغالب لما بيحصل بيبقى الطريق واقف.
والنهارده مثلا و أنا رايح لصابر محصلتش نهائي حتي لغايه ما روحت مشوار قرب ساعه و نص كده.
والصيف اللي فات كله حصلت مره واحده عليت شويه و نزلت تاني لوحدها من غير ما حتي أقفل التكيف.
الصيف ده بقى حصلت 3 مرات حتى الأن على أيام متباعده و تقريبا الأيام اللي كانت الجو حر قوي بس الفرق عن الصيف اللي فات أني لازم أقفل التكييف 5 دقائق كده فالحراره بتنزل بسرعه و ممكن أشغله تاني بعديها بكام دقيقه ومتعلاش!!.
أرجو الأفاده بالله عليكم
و شكرا