بطارية للفيات الاونو

[فاطمة 2016]

صباح الخير يا جماعة
معلش كنت عايزة ايسال ايه هي افضل بطارية للفيات الاونو 93 وبسعرها وياترى بتبقى كام امبير لان البطارية بتاعتي خلاص شوية وهاتطلع تقولي الفاظ مش كويسة .
وهل فعلا الراجل بتاع البطاريات بياخذ القديمة وبيحسب سعرها على الجديدة؟
وشكرا ليكوا

[S O P H O S]

فعلا بياخد القديمة وبينزل من سعر القديمة
انواع AC Delco بطارية كويسة وسعر كويس

[ahmed.biso13]

ازيك يااستاذة فاطمة كل سنة وانت طيبة ورمضان كريم
ويارب تكون العربية انصلح حالها بعد ماغيرتى الميكانيكى
ما كملتيش معنا فى موقع رابطة الفيات تمبرا الجزء السادس ليه
عاما البطاريات انواع وحسب امكانياتك هو الراجل بياخد القديمة ب50ج
وتكملى عليها تمن الجديدة
وعموما نوع ادليكو كويس صناعة كورى
وعندك النسر فارتا مصرى كويس
بس خليكى فى البطارية الجافة وتكون 70 امبيرمش 65 عشان تقوم العربية معاكى فى الشتاء عشان اسكندرية برد جدا
وممكن تسالى على غطاء بطارية ب35 ج وتركبيه عليها عشان البطاريات الجافة فيها مياه فمع حرارة الماتور فى الصيف المياه دى بتنشف سنة سنة لغايةالمياه ماتنشف خالص والعمر الافتراضى للبطارية يتوقف ساعتها
ولو مالقيتهاش ممكن تخلى اى سروجى يحطلك لباد حرارى حول البطارية

[فاطمة 2016]

.وحضرت طيب ويعود عليك الأيام بخير. الحمدلله العربية انصلح حالها بس طبعا موضوع البطارية دا عاملي اذمة وحضرت عارف المستعمل بقى. والله أنا دخلت على الرابط وقرأت شوية بس انشاء الله بجد هاعمل مشاركة للموضوع. بس البطارية القديمة كانت 55 أمبير هايبقى فيه مشكلة لو جبت 70 وشكراً على اهتمامك والرد عليه.

[pepo2011]

لا مفيش مشكلة من 70 عموما هي مش هاتفرق لان الذي يحكم الموضوع كله الدينامو

[فاطمة 2016]

لا مفيش مشكلة من 70 عموما هي مش هاتفرق لان الذي يحكم الموضوع كله الدينامو

شكرا على الاهتمام والرد وكل سنة وحضرتك طيب وبالف خير

[فاطمة 2016]

فعلا بياخد القديمة وبينزل من سعر القديمة
انواع ac delco بطارية كويسة وسعر كويس

طيب ودي سعرها كام ؟ فعلا كله بيقول عليها كويسة

[pepo2011]

شكرا على الاهتمام والرد وكل سنة وحضرتك طيب وبالف خير

وحضرتك بالصحة والسلامة
البطارية في حدود 460 جنيه