مشكلة في فيات 128

[M.MAMDOUH]

الحمد لله ربنا كرمني و اشتريت عربية فيات 128 3P امبارح النهاردة اول مشوار ليا بيها
وانا رايح الشغل الصبح سخنتها كوس و كشفت علي الزيت و المياه
المشكلة اني وانا ماشي علي المحور رايح الشغل في القرية الذكية كل ما اعدي 80كم الاقي العربية من قدام بده ترج جامد و صوت تخبيط عالي جدا لازم امور و اهدب لل60كم علشان الصوت يروح و تتعدل اما الخامس مش بيجي خااااالص و انا ماشي لو في منزل و جايب الرابع و العربية عدة ال80كم قلاقي نفس الموضوع رجرجة جامدة قدام و صوت خبط فظيع

ارجوا من الصحاب الخبرة الافادة انا مش عارف بقي المشكلة فين

[amr011111]

هتلاقى فيه شرخ فى الحوض. وممكن فى الركب. خلى سمكرى يبصلك عليها

[م أحمد]

ممكن الكبالن الداخلى (الصليبة) عايزة تتغير

برضه صامولة الكوبلن الخارجى البارزة من وسط العجلة لو مش مربوطة كويس هتسمع الدبدبة دى

لو الخامس مش بيجيب معاك من عصاية الفتيس يبقى معلقة الفتيس عايزة تتظبط....او دى عصاية فتيس 5 غيار بس الفتيس نفسه 4 غيار هههههههه

روج لميكانيكى شاطر و محترم

[M.MAMDOUH]

ممكن الكبالن الداخلى (الصليبة) عايزة تتغير

برضه صامولة الكوبلن الخارجى البارزة من وسط العجلة لو مش مربوطة كويس هتسمع الدبدبة دى

لو الخامس مش بيجيب معاك من عصاية الفتيس يبقى معلقة الفتيس عايزة تتظبط....او دى عصاية فتيس 5 غيار بس الفتيس نفسه 4 غيار هههههههه

روج لميكانيكى شاطر و محترم

كلامك صح روحت وقالي حضرتك انت كنت ماشي و كوبلن الخارجي سايب مش مربوط كويس بس
الفتيس فعلا 4 غيار مش خمسة العصاية هي اللي خمسة بس الحمد لله الدنيا ظبط كويس
و الله جراية ههههههههههههههههههه