Punto 2003 بتبطل ومش بتدور غير لما تفصل البطارية

[El-Hefnawy]

السلام عليكم
انا لسه مشتري بونتو 2003 من اسبوعين. فيها عيب خطير.. العربية بتبطل وانا ماشي ومش بدور تاني خالص غير لما تفصل البطارية وتركبها تاني... مع العلم ان المارش بيبقي شغال والنور شغال.. وساعات لمبة الكود بتكون منورة لما بحاول ادورها تاني
كشفت كمبيوتر قالي سنسور النوك (التسقيف) والشكمان العلوي والسفلي عايزين يتغيرو... وقالي غير البوجيهات بالمرة
روحت لميكانيكي لقي في رشح زيت بينزل علي حساس الكرنك وقالي ممكن يكون هو المشكلة ولازم نغير جوان وش التكيهات واولسيه الكامة
برجاء المساعدة لان الموضوع مزعج جدا خصوصا لو علي طريق سريع او معدي مزلقان

[ahmed.biso13]

خليك مع الميكانيكى التانى وخليه يغسل الماتور بالبنزين وكمبرسور ضغط الهواء
لان نظافة الماتور الشهرية بالطريقة السابق ايضاحها يساعد على ادء دائرة الكهرباءبالماتور بطريقة ممتازة بدون تعتيل
بالرغم من اعتقادى بان هناك شى فى دائرة الكهرباء ملسمس او عامل قفلة

[fouaa]

غير الكنترول وجرب ( المكانيكيه مبيفهموش فالفيات بالاخص التمبرا والبونتو الانجكشن والهاف انجكشن وللاسف الكشف بالكمبيوتر موش مجزى نظرا لعدم قرايه العربيه على جهاز الاعطال بالموديل الحقيقى ديما بيفتح موديل تانى ويقولك كلو واحد وده موش صح )

[El-Hefnawy]

انا غيرت البوجيهات جبت بتوعها من عند الكيلاني وظبطت الحمد لله.... شكرا يا شباب بارك الله فيكم