ارجوا الدعم من متخصصين الفيات 127

[fady_temon]

السلام عليكم

مساء الورد علي كل اعضاء المنتدي

انا اشتريت عربية 127 - نصر موديل 83 -حالة شاذة ..

اولا ً خبرتي بالعربيات قليلة وبحب اتعلم جداً ..فعندي شوية اسألة ولقيت ان المنتدي هنا فيه خبرات وناس ملهمش حل ..علي الاطلاق ..واتمني اكون واحد زيهم فيوم من الايام

اولاً ..زيت المحرك الافضل علي الاطلاق للسيارة 127 - من خلال بحثي علي الانترنت عرفت ان افضل زيت
15w40 - api sg
طيب هل في نوع معين تنصحوني بيه ..
عرفت ان ACEA لازم يكون متوافق مع اداء المحرك ؟؟؟فإيه افضل رمز ACEA متوافق مع 127

ثانياً ..
محتاج اغير فلتر الزيت والبنزين والسيور وانظف دايرة الميه والبوجيهات-اعمل سيرفيس كامل ؟؟هل في حاجة ناقصة غير دول اعملها
وايه هي افضل فلاتر تركب ؟؟
وايه نوع الميه اللي المفروض احطها ولونها ؟

ثالثاً : عاوز مركز كويس في الهرم لغسيل السيارات من الداخل .ويكون سعره كويس ؟

رابعاً : هل لو عملت تجليد لبودي العربية هل ده يأثر علي الدهان الاصلي ؟ وهل فالمرور هيعملوا مشكلة ولا عادي ؟

خامساً ..افضل محلات قطع غيار الفيات 127 وافضل الاسعار ؟

سادساً : لما فولت العربية لقيت ريحة بنزين جامدة داخل السيارة ؟

اسعار قطع الاكسسوار بالنسبالي خيالية ففي حد تنصحوني بيه اشتري من عنده ؟

بالنسبة للعدادات عندي فهي عداد سرعة بس ..مفيش rbm انا عاوز الاتنين أعمل ايه ؟

طولت عليكم بس اتمني ان حد يساعدني بجد

[fady_temon]

للرفع

[ahmed.biso13]

اولا اهلا بك فى منتدى الفيات
ثانيا من الناحية العملية فى الصيف
اشترى جركن موبيل دلفاك سعة 20لتر الاسود وبيعمل 330 جنيه
افضل
وهذاالزيت مخصص لسيارات الديزل النقل لان نسبة بخار الزيت فى الصيف اكبر من الشتاء عشان الزيت ده تقيل
ويعمل الغيار الواحد 1300 كم حد اقصى بعدها تحس ان الماتورصوته عالى فتغير الزيت
فى الشتاء غير زيت التعاون الازرق عشان بيى خفيف وسؤعة وصوله بتقى افضل من زيت موبيل بالاضافة الى انه بياعد على الدوران فى الشتاء لانك لو حطيت موبيل العربية تعتل معاك وتبقى تقية فى الدوران
بالنسبة الى السيور يتم تغيره كل كم10000
بالنسبة الى الزيت حسب اللى كتوب عليه هناك زيت يعم ل1000 وهناك 5000 وهناك 10000 كم حسب نوع الزيت وسعره
و فلتر الزيت والبنزين كل 5000
وانظف دايرة الميه واضافة مياه خضراء شيل عند نعيم صليب فى التوفيقية لان العربية دىبتسخن وشيك على الترومستات وخلى معاك واحد احتايطى ولو سخنت معاك كتير قوى غير الريادتير بواحد3 ماسورة ويكون كبير شوية عشان يساعد فى التبريد
والبوجيهات كل اول عام شتوى شهر 12
العربية دى ملهاش اكسسوار غير طقم جنوط مناسب وطقم فرش نضيف
العددات فى واحد اسمه الشيخ احمد فى عزبة شلبى محطة الكاوتش المطرية
قطع العيار فى كل مكان مكتوب عليه فيات
بالنسبة للبنزين عندك حاجة اسمها خرطوم فايز البنزين ممكن يكون مسدود او بيسرب فى مكان فيه تلااب هتلاقيه عند الشنطة
التجليد لبودي العربية هيأثر علي الدهان الاصلي وهيعمل مشكلة فى المرور وممكن يخليك تشليها وانت واقف وتروح فلوسك عليك ياصابر
وقبل كل ده اعمل اندكس قيد فييه كل حاجة بتتغير وميعاد تغيرها القادم زى الزيت وفلاتر الهواء والبنزين وغيرها
ولو عوزت حاجة كلمنا على الرابطة دى

http://www.nilemotors.net/Nile/424335-a-30.html

والله الموفق

[fady_temon]

ahmed.biso13
شكراً ..لردك الوافي ...