مساعدة فيات سيينا

[adamdiab]

السلام عليكم ورحمة اللة و بركاتة
اولا اجب اقول ان المنتدى جميل, و دة اول مشاركة ليا فية و ان شاء اللة متكنش الاخيرة

انا ناوى اجيب عربية فيات سيينا مستعملة و قدامى كذا عربية منها موديل 2002 1400سى سى, و كنت عاوز اعرف نوع موتور العربية و هو حقن ولا كربيراتور و الموديل دة تقفيل صينى ولا برازيلى, و لو حد عندة كاتلوج ليها ياريت يبعتهولى
و شكرا ليكم جميعا

[haitham2008]

انا كمات عايز واحدة سينا
بس الظاهر مفيش ردود

[HeMa_LanCeR]

العربيه دي نص انجكشن يعني كربراتير بس فيها كمبيوتر كامل للعربيه وفيها حساسات
وبالنسبه للتقفيل بصراحه مش عارف بس هو مش صيني

[mariosobhy]

انا معايا نفس العربيه ديه بالضبط كلام الاخ مضبوط هيا كربراتير والعربيه تقفيل مصري بس حقيقي العربيه في منتهي الجمال والروعه نعمه جدا وعاليه وديه ميزه محندقه من الخارج وواسعه من الداخل ربنا يوفقك في واحده كويسه

[mariosobhy]

صدقني انا كمان عايز كاتالوج ليها

[motoxp]

هاف انجكشن تقفيل برازيلى وشكرااا

[major123]

انا معايا سيينا موديل 2001 1400 cc هي العربية جميلة جداً سحبها كويس وفعلا عالية عن الارض هي تصميم ايطالي تقفيل برازيلي ولا يوجد عيب في العربية الا التكييف ضعيف نسبياً . وانا هدور على المانوال بتعها لآنه كان معايا .

[dreamer2009]

يعنى نقول سعرها في حدود كام ياشباب ؟؟؟؟

[motoxp]

استاذ major 123 ضرورى جدا عاوز المانيوال بتاعها ربنا يكرمك وهى العربية زى ماقولت ممتازة بس عيبها التكييف فى فترة الصبح و الظهيرة اما مساء معقول وشكرااااا

متنساش المانيول

[major123]

استاذ motoxp انا لقيت المانيوال بتاع العربية ولو تحب اسحبه على الاسكنر عنيا طبعا او زي ما انت عايز .

[aldeeb_egy]

يا جماعة العربية السينا كانت عندي موديل 2001
العربية وجامدة وناعمة اوي بس انا بعتها واشتريت السينا 2006 1300 سيسي 16 صباب وعايز ابيع العربية
هية كاملة فول اوبشن زينون للاضواء المامية كلها والشبورة كمان زينون
العجل مقاس 15 حساسات امامية وخلفية مضيئة معاها مراية شاشة عرض وكاميرا خلفية للرؤية للركن وكاركيت للموبايل بلوتوث وطقم صوت سوني اكسبلود 2800 وات وعايز ابيع
الي عايز يشتري يتصل بيه على 0164245428

[motoxp]

استاذ major 132 ارجو ان تاخذه على الاسكنر و ترفعه على اى موقع واكون شاكر اوى ليك

شكرااااااااا

[mariosobhy]

ايوه فعلا محتاجين الكاتالوج من فضلك وتبقي عملت معانا معروف وشكرا

[adamdiab]

انا لقيت كاتالوج ليها بعد بحث على النت بس للاسف بعد منزلتة اكتشفت انة بالغة البولندى مش انكليزى
لو حد يا جماعة لقالها كتالوج بالانجليزى يريت يقولنا ربنا يخليكو

[major123]

انا لقبت الكتالوج و باللغة العربية والانجليزية بس برجاء الانتظار لاني مش عندي سكنر هروح لواحد صحبي اسحبة على الاسكنر بس يوم الجمعة علشان يكون موجود .