الى خبراء 128

[ahmed21782]

اشتريت نوفا 128 موديل 2006 وغيرت العفشة بتاعتها
الفشجى واحنا بنغير العفشة قالى هات تيل فرامل جبت التيل وركبته وبعد ما خلص ومشى افاجاه بصوت حك وانا ماشى من الناحية الشمال وريحة كاوتش او بلاستيك بيتحرق
روحت راجعلة تانى قالى روح للميكانيكى روحت للميكانيكى قالى غير طنابير وغيرت الطنابير افاجا ان الصوت بقى من النحيتين
مش عارف اعمل ايه فى المشكلة دى والعربية بقت تقيلة فى المشىع

[133 lover]

أظن ان صوت الحك ده سببه جاى من العلب . علبة العجلة الشمال معووجة بتحك فى الطنبورة بتاعة العجلة .
أما بالنسبة للتقل فى المشى أظن برضه ده سببه ان التيل لسه ما طبعش على الطنابير الجديدة و الله أعلم .
علشان تتأكد بنفسك و تطمئن أرفع العربية من الناحية اللى فيها الحك و لف العجل بأيدك و اسمع صوت الحك جاى منين و شوف لو العجلة تقيلة ولا لأ .
ربنا يعينك و يوفقك استاذ أحمد

[م أحمد]

ممكن يكون و هو بريكب التيل نسى يركب بسكويت فردة من جانبى التيل

هتفضل فى حالة احتكاك دائم و هتشم ريحة التيل الشايط ...كمان الفرامل هتسخن و هتلاقى الماستر العمومى اللى "تحت خزنة الباكم " ضاغط على الفرامل بصورة مستمرة و العربية قافشة و.بعد ما تخلص اى مشوار حط ايدك على الجنوط هتلاقى سخنة جدا

الحل تروح لحد متخصص فرامل يتقى الله فى عمله

[133 lover]

لو عايز حد صنايعى بجد و عنده ذمة و ضمير ده صنايعى فى ورشة تيل فرامل لسه كنت عامل تيل الفرامل عندهم من كام شهر و ده رقم تليفونه 01157948316 أسمه عم أحمد و ده شغال فى ورشة بتاعة واحد اسمه أحمد الكسار كلم عم أحمد ده بالذات و خد منه ميعاد . الورشة فى الحى السادس مدينة نصر . يشوفلك الموضوع ايه و يضبط العربية و أبقى أدعى لى دعوة حلوة .