مطلوب مقارنة بين 132 و 128

[D2rkZ3r0]

السلام عليكم :

أولاً انا لا افقه شئ في السيارات و كنت محتاج رأيكم في أول سيارة ليا

-معروض عليا سيارة فيات 128 سنة 1975 سبور موتور 1100 نضيفة تماماً و مخليه يعدل عليها الازاز الخلفي و مغيرها الكوتشات و عفشة و كان حاطط سوستة زيادة علشان كان بيسافر بيها و مش بتسحب بنزين كتير و ازاز كهربا المهم إنها متظبطة تماماً عاملة 9000

-و بين سيارة فيات 132 سنة 1974 موتور 1600 معرفش معلومات كافية عنها بس فيها ازاز كهربا و متغيرلها عفشة و كوتشات جديدة و دي عاملة 12000

-و بين بولونيز 1988 موتور 1300 معنديش معلومات كافية عنها و دي عاملة 12000

-المهم بصراحة عاجبني شكل الـ 132 اكتر و بردو من حيث وسعها من جوة كويس جداً إنما من حيث الامكانيات و استهلاك بنزين و سعر قطع الغيار و هتتغير كل اد ايه معرفش عنها حاجة

-إستخدامي للسيارة مش هيكون كبير و ممكن ميبقاش كل يوم كمان نقدر نقول من جامعة القاهرة لعين شمس و مدينة نصر و السفر مرة شهرياً

- طالب من حضراتكم مقارنة و انهو الافضل

أرجو سرعة ابداء النصيحة و انا متابع النهاردة و بكرة بإذن الله علشان اخد القرار النهائي

[bluemail]

عليكم السلام
طالما في سفر يبقي 32 افضل
لكن لازم تعرف ان الموديلات القديمة في السفر ممكن تقل باصلها
فلازم تاخد بالك من الصيانه وايدك علطول تبقي في العربيه
بالتوفيق

[D2rkZ3r0]

عليكم السلام
طالما في سفر يبقي 32 افضل
لكن لازم تعرف ان الموديلات القديمة في السفر ممكن تقل باصلها
فلازم تاخد بالك من الصيانه وايدك علطول تبقي في العربيه
بالتوفيق

شكراً على سرعة الرد بس إيه نظام البنزين بتاعها و بتسحب كتير ولا لأ و هل فيه إمكانيه إني أغيرلها موتور بـ 1400 علشان استهلاكها ولا مفيش موتور 1400 يركب عليها ؟ المبلغ اللي معايا 15 فممكن أخدها أصرف عليها لحد ما توصل بالمبلغ ده و دي اقصى حاجة

من الآخر محتاج عربية تفضل معايا لمدة عالاقل 5 سنين جايين

[MR-Saleem]

طلاما في سفر وكدا من رائي 32 زي ماقولت وسسسع السيارة من الداخل وان ارتفعها عن الارض اعلي من ال 28
و ان الموتو بتاعها بيبقا 2 كامة يعني سحب وعزم عالي ~ غير كدا بتبقا دفع خلفي ~ يعني مش كل شوية هتروح تغير كوبلن ومش عارف ايه ~ وحمالة اسيةة ~ ال 28 بتاعت دلع يعني شبابي تعدلها سبور وتتمشي بيها وخروجات وكدا بس ال 32 اعتماد ف كل حاجه من حيث استخدام البنزين الفرق مش هيبقا كتير ^_^
وربنا يوفقكك ويطعمك خير السياره الجديده اي كان نوعها ويكفيك شرها ~

[D2rkZ3r0]

طلاما في سفر وكدا من رائي 32 زي ماقولت وسسسع السيارة من الداخل وان ارتفعها عن الارض اعلي من ال 28
و ان الموتو بتاعها بيبقا 2 كامة يعني سحب وعزم عالي ~ غير كدا بتبقا دفع خلفي ~ يعني مش كل شوية هتروح تغير كوبلن ومش عارف ايه ~ وحمالة اسيةة ~ ال 28 بتاعت دلع يعني شبابي تعدلها سبور وتتمشي بيها وخروجات وكدا بس ال 32 اعتماد ف كل حاجه من حيث استخدام البنزين الفرق مش هيبقا كتير ^_^
وربنا يوفقكك ويطعمك خير السياره الجديده اي كان نوعها ويكفيك شرها ~

شكراً جداً :) بناءً على رأي ناس كتيرة الـ 132 هتبقى أول عربية ليا بإذن الله "اللهم آمين يا رب العالمين إحنا و انتم و الاجمعين بإذن الله"

[MADMIDO]

ال132 كويسه بس الطاره ناشفه اوي و بعدين عربيه عجوزه اوي لو مكانك احاول ازود و اطلع حاجه 80 او 90

[D2rkZ3r0]

ال132 كويسه بس الطاره ناشفه اوي و بعدين عربيه عجوزه اوي لو مكانك احاول ازود و اطلع حاجه 80 او 90

للأسف دي اكتر إمكانياتي 15 لو فيه حاجة في السعر ده تانية ممكن تنصحني بيها